مشكلة رجة ( اهتزاز ) في الدركسيون

[alex pharmacy]

السلام عليكم يا صقور
انا ححكيلكم من الموضوع من الاول
من فترة كده كنت ماشي بالعربية بسرعة 100 تقريبا واضطريت اني اخذ ملف ضيق المهم العربية زحفت مني عشان كنت دايس فرامل والاسفلت كان عليه تراب ...المهم العربية نزلت من على الطريق ونزلت في الرمل اللي على جنب الطريق وهي ماشية بسرعة عالية نسبيا والحمد لله العربية ما اتقلبتش بس لما طلعت تاني على الاسفلت لقيت الكاوتش على الارض
المهم غيرته وروحت للراجل بتاع الكاوتش قالي ده البلف ضرب وغيرت البلف وحطيت نيتروجين وظبطت ضغط الكاوتش كله ورجعت الاستبن مكانه وركبت الكاوتش القديم وشغال زي الفل

النهاردة اول مرة امشي على طريق سريع بعد الموضوع ده بس لاحظت هزة في الدركسيون عند سرعة 100 .... قولت ده ترصيص ... بس لما زودت السرعة الرجة راحت !!! الفكرة ان الرجة بتحصل عن سرعة 100 بس

يعني زودت السرعة اوي الرجة اختفت تماما !!!! هديت ومشيت على 80 مفيش رجة برضه

العر بية نيو صني وعاملة 3500 كيلو بس

هل لو فيه مشكلة في الترصيص الهزة تروح على السرعات العالية ؟؟

ولا اروح اظبط زوايا واكشف على العفشة وارصص الكاوتش تاني

وهل الحاجات دي تبع الضمان ولا ايه ؟؟؟


الف شكر مقدما واسف على الاطالة

[أحمد عبدالله]

ترصيص

[alex pharmacy]

ترصيص

انا قولت كده برضه


بس هل لو فيه مشكلة في الترصيص الهزة تروح على السرعات العالية ؟؟؟ اللي اعرفه ومجربه انها بتزيد كل ما تزود السرعة ؟؟؟

[Lifz_Good]

متابع للأهمية

[aymanshebl]

مش شرط ممكن من تغيير البلف العجلة عايزة ترصيص خفيف

[aliabdo]

ما هو الهزه دى بتيجى عند سرعه معينه لما انت بتزود السرعه مبتحسش بالهزه دى؛ هى بتكون موجوده بس سرعه معدل حدوث تكرارها بيخليك متحسش بيها

[the_air_devil]

رجرجة العربية بسبب الترصيص بتكون بين 80 و 120

[FBIAhmed]

خليه يلف الفرده حوالين الجنط لحد ما النقطه الصفرا اللي على الكاوتش تيج قصاد البلف و رصص لو مزبطتش

[mahmoud85]

رايي المتواضع جرب الاستبن وشوف الوضع ايه عالسرعه العاليه
لو نفس الوضع يبقا العفشه لو مش نفس الوضع يبقا ترصيص او الكاوتش لاقدر الله كسر سلك

[john55]

مجرد راي بدل مكان الكاوتش يعني الكاوتش اللي حصل فيه المشكله وركب الاستبن وجرب

[Ramy Rateb]

للعلم ان اهتزاز الدريكسيون بيكون علي رنج سرعة (مثلا من 90 : 100 كم) و بعد كده الاهتزاز بيقل كل ما تزود سرعة . الموضوع عندك ترصيص و مش هيخرج عن كده ان شاء الله.
روح عند اي حد يرصص لكل العجلة ب 10 جنيه و جرب بعد كده. بس طمنا لما تتحل.

[Ahmed_selmy]

ترصيص .

[mem]

ترصيص
وشوف الزوايه بالمره

[speed_magnum]

زي ما الاخوة تكرموا
دي مشكلة ترصيص باذن الله
بس يا ريت ترصص عند حد محترم
tiremania ,, bridgestone

[alex pharmacy]

الف شكر على ردودكم واهتمامكم ربنا يبارك فيكم يارب

انا حروح ارصص العجلة اللي حصلت فيها المشكلة
انا كمان غيرت البلف العادي وركبت بلف نيكل ممكن يكون هو ده اللي عامل المشكلة

على العموم انا حروح بريدجستون في اقرب فرصة ان شاء الله وحبلغكم باللي حصل