عتب الصنى

[AYMANEZZE]

السلام عليكم
العتبة فى عربيتى الصنى اتخبطيت دخلت حوالى 3 سم لجوه
ياترى فى حد عارف طريقة لرد العتب بحيث ما يبانش انها اتخبطيت اللى عارف يقول فين الصنايعى وعنوانه وشكرا

[hamaka]

متابع

[amdd]

فى طريقة الشفط للخارج

[Ahmed Lotfy]

متابع بشدة

[shaibat]

انا نفس الموضوع فى الجنب الشمال تحت السواق ياريت حد يفيدنا

[AYMANEZZE]

فى طريقة الشفط للخارج
ياترى فين بتعمل طريقة الشفط دى

[alking_2006]

اعرف سمكرى لكنه بعيد عند نزلة باسوس على الطريق الدائرى

[AYMANEZZE]

[اعرف سمكرى لكنه بعيد عند نزلة باسوس على الطريق الدائرى[/quote]
طيب بيعملها ازاى

[tarekmomo]

بص السمطرى بيلحم حتة سلك فى الجزء الى دتخل جوة وبعدين يسخن العتب ويسحب السلكة

[alking_2006]

[اعرف سمكرى لكنه بعيد عند نزلة باسوس على الطريق الدائرى

طيب بيعملها ازاى[/quote]

بيبقى معاه عمود حديد و حوالين العمود غويشة حديد سميكة و فى اخر العمود ملحوم مسمار بورمه شك

1- بيدخل اول المسمار فى صاج العربية و يدق العمود فى اتجاه صاج العربية عن طريق غويشة العمود فأول المسمار بيدخل فى صاج العربية
2- بيلف العمود علشان قلاووظ المسمار يدخل اكتر جوا صاج العربية
3- بيدق العمود فى عكس اتجاه صاج العربية عن طريق غويشة العمود فالمسمار اللى فى اخر العمود بيشد الصاج لبرا فالصاج بيترد لبرا زى ما كان فبريكة
4- يتم تكرار الخطوات (1-2-3) حتى تمام رد الصاج
5- فى الاخر و على حسب انبعاج الصاج بيبقى الصاج اترد و لكن فيه اخرام كتير (من المسمار القلاووظ) فيتم معجنتها و رشها دوكو
6- مبروك عليك رد الصاج :)