عاجل محتاج نصيحة وحل للصني الجديدة ( حادثة )

[dr_hman]

السلام عليكم ورحمة الله وبركاته

عربية نيسان صني الشكل الجديد عملت حادثة واتفتحت الاير باجز رغم ان الحزام مكانش مربوط والريادتير اتخرم ونزل كل الميا اللي جواه وكمان الاكصدام طبيعي انه يتكسر.

لكن هل الطبيعي ان الدريكسيون ملوش علاقة بالعجل دلوقتي يعني مفيش تحكم بالعجل دلوقتي؟

وكمان ايه الحل دلوقتي توكيل ولا مكلف جدا وانا لو عايز اغير التابلوه فاضي منين ولو حد يعرف ممكن اتكلف كام في الليلة دي كلها لان الحادثة لسا حاصلة حالا ومع واحد صاحبي ومقولكمش احنا الاتنين محتاسين اد ايه دلوقتي

[youssef_u]

اولا قدر الله ماشاء فعل والحمدلله على سلامتكم ، الايرباج لوحدها ب ١٦ الف فا ممكن تلحم مكانها بره التوكيل وخلاص ، الردياتير و الاكصدام و اكيد كده هيبقا الفوانيس معاهم دي ان شاء الله بسيطة وتلاقيها متوفره فالتوكيل و ان شاء الله و اسعارها تبقا معقوله

[moumen_hs]

ياريت تنزل صور بالتفصيل علشان نقدر نساعد

[dr_hman]

تمام حضرتك لكن مفيش حاجات استيراد او التابلوه بيتباع لوحده لان زي محضرتك عارف الطاره والحتة التانية اللي مكانها فيه الايرباج مفتوحين دلقتي

[dr_hman]

والحمد لله على كل شيء والله يسلم حضراتكوا

[hamaka]

ألف حمد الله على السلامة و قدر الله و ما شاء فعل....ربنا يعوض و يحفظ الجميع باذن الله...

[dr_hman]

كلمني حاليا وبيقولي ان كمان الموتور ممكن يكون اترحل من مكانه واتضرر يعني حادثة اكبر من الاول هل لو رحت الحرفيين الاقي حاجات للعربية وكدا ولا ايه ارجو الافادة

[mohamed_selim]

العربيه لسه جديده و ما اظنش ان حاجتها موجوده لسه !

[mem]

حضرتك انا ممكن اساعدك شوف انت عايز ايه بالظبط وانا اديك رقم واحد فى الحرفيين
عنده الشكل الجديد شوفته عنده وانا بصلح العربيه لان كانت عربيه صديق عامله حادثه وجبنا ليها حاجات من هناك

[dr_hman]

حضرتك انا ممكن اساعدك شوف انت عايز ايه بالظبط وانا اديك رقم واحد فى الحرفيين
عنده الشكل الجديد شوفته عنده وانا بصلح العربيه لان كانت عربيه صديق عامله حادثه وجبنا ليها حاجات من هناك

متشكر جدا يا فندم وربنا يخليك هو غالبا هيروح بورسعيد

[speed_magnum]

الحمد لله على كل حال
قل لن يصيبنا الا ما كتب الله لنا
حمدا لله على سلامتكما

[p r i n c e]

فداك و بسيطة بإذن الله