استشاره : عربيتي اتخبطت صني الجديده

[gomana85]

السلام عليكم و رحمة الله و بركاته
من فضلكم انا عربيتي اتخبطت و الموضوع ادي الي ان الاكصدام دخل لجوه من ناحيه الشمال و اتفك شويه و و لما رحت التوكيل قالي لو علي الإكصدام بسيطه اردهولك و خلاص بس لازم اتاكد ان الفانوس متكسرش و لما فتح الكابوت لقي فعلا الفانوس مكسور الي هو الحته البلاستك الي بتربط الفانوس بالشاسيه . فالمهندس في التوكيل قالي كده بالغي التامين علشان كده هتكلف عشان الفانوس .
الفكره ان في ناس بتقولي ده موضوع بسيط ظبطيها بره و خلاص و الحمي الفانوس و ناس تقولي طالما في تامين خليكي مع التامين هيرجعوهالك جديده احسن .
و ياتري كده كده الاكصدام هيتغير و لا يردوه و يرشوه و خلاص
و المفروض ان في حاجه اخد بالي منها او اركز عليها مع التوكيل و التامين ؟ لان اول مره بصراحه اتعامل في موضوع زي ده
و شكرا جزيلا و جزاكم الله كل خير

[youssef_u]

صح لو في تأمين هيدفع يبقا تمام ، الفانوس يتغير و الاكصدام بسيطه يتعمل

[د.محمدعبدالعال]

خلي التأمين يعملها .. ومفيش اكتر من تقييم التأمين وإن التوكيل يخلص الموضوع على طول ميركنش العربية عنده

[mohamedhagrass]

التأمين يعملها وخلاص وغالبا اساسا مش هتحتاج تترش
ممكن يتعمل سشوار هما هيتعاملوا

[أحمد جودة]

طالما فيه تأمين يبقي خدي حقك

والاهم قولي قدر الله وما شاء فعل

[miceg]

مش محتاجة تامينات
الموضوع بسيط جدا وغير مقلق
والاكصدامات ليست مؤثرة على السيارة في شىء
حرصا للوقت اي سمكري هيتعامل في ظرف ساعة هيكون مخلّص كل شىء
قدر الله وماشاء فعل

[Eng.Peter]

خلى التأمين يعمل الاكصدام و لو ينفع الفانوس كمان
لو منفعش يبقى الإكصدام و قولى ليهم مش عاوزة اغير الفانوس و هلحمه

[Ramy Rateb]

السؤال هنا انتى دفعتى كام فى التأمين و تمن الاصلاح كام ؟ و لو عملتى الاصلاح تبع التامين هل التامين هيفضل سارى ولا هتحتاجى تأمنى من الأول تانى ؟ لو تعرفى الأجابة يا ريت تقولى لى.

[gomana85]

متشكره جدا علي ردودكم، هو المفروض ان الفانوس يتغير و الاكصدام لو سليم هصلحوه و لو اتكسر هوغيروه، مفيش لحامات و لاحاجه، انا مامنه مع الينز، فالي فهمته اني هدفع 300 ابلاغ حادث و بس مدفعش حاجه تاني لاقطع غيار و لامصنعيه، انا حجزت المعاينه يوم الاحد و ربنا يسهل

[jojojojo]

طبعا تعمليها في التوكيل ويبقي التامين فايدته ايه لو عملتيها بره علي الاقل هتتاكدي ان الشغل نضيف وبسيطه ان شاء الله

[gomana85]

هو الحمد لله التامين عمل المعاينه ووافق علي كل الإصلاحات هيغيروا الفانوس و الإكصدام و كان في فرق في الكبوت هيعدلوه، السؤال هو الإكصدام بيجي بلون العربيه فبريكا و لا بيجي اسود و بيترش .. و دلوقتي نتايج الحادثه دي ياثر في تمن بيع العربيه كتيير لو حبيت ابيعها في اي وقت
و شكرا جزيلا

[د.محمدعبدالعال]

غالبا بييجي اسود وبيترش .. بس متقلقيش مش هيبان لأنه هيترش في التوكيل بنفس كود لون العربية .. وكمان العربية لسه جديدة ف الشمس لسه ملحقتش تغير في درجة لون العربية ف مش هيبان أي فرق
وبالنسبة لبيع العربية ف مفيش أي مشكلة .. دي خبطة في الاكصدام والفانوس يعني الصاج متلمسش ولا اترش .. ولاهيأثر الكلام ده خالص في بيع العربية