السلام عليكم . احتاج نصيحة من ملاك نيسان

[Dr.Galileo]

السلام عليكم ورحمة الله
يا جماعة انا معايا 100000 جنيه تحويشة العمر ومحتاج اجيب عربية ضروري

كلمت نيسان على 16244 قالولي ان نيسان الشكل القديم ex سعرها 100000 وادوني اسماء الموزعين

ايه رأيكم يا جماعة بامانة كده في العربية دي

طيب هي ولا لوجان اوتو جديدة ولا افيو اوتو جديدة

ولا انزل للمستعمل مع العلم ان خبرتي مش قد كده يعني ممكن اتخم بسهولة في العربيات

انا شوفت كروز وسيراتو و فلونس وصني بردو مستعمل في حدود الرقم ده
وشوفت كمان الصني الشكل الجديد الناس بتبعها بالشكل ده

مش عارف
بجد محتاج مساعدتكم وعاوز اخلص

يا ريت يا جماعة تفيدوني

اخوكم عمر

[د.محمدعبدالعال]

حرام انك تدفع الفلوس دي في لوجان أو أفيو .. خليك في نيسان الشكل القديم أحسن

اللوجان كانت نازلة ب 64 أوتوماتيك و 57 مانيوال أول ما نزلت دلوقتي ب 100 ألف ؟؟ والأفيو نفس الكلام ؟؟
العربيات دي متستهلش الفلوس دي والله بس هو العرض والطلب اللي خلاها ترفع بالشكل ده .. شيفورليه واخدة اكتر مبيعات في الشرق الأوسط في مصر بسبب الأفيو

[ahmedteam]

حرام انك تدفع الفلوس دي في لوجان أو أفيو .. خليك في نيسان الشكل القديم أحسن

[mem]

خليك فى الصنى الشكل القديم ممتااااازه
ولا تقارن باللوجان ولا الافيو

[roshdy_tiger]

الصنى الشكل القديم افضل بكتير كفايه ان الموتور يابانى والفتيس يابانى - عربيه محترمه بالتاكيد

[toty_305]

- صني الشكل القديم و توكل على الله ... أيه اللي رماك عل المر الأمر منه # التقفيل المصري .

[mhkorayem]

دور على الصني الشكل القديم لو ملاقيتش يبقى المستعمل على طول بالسعر ده ان شاء الله هتلاقي حاجه كويسه
سيبك من اي حاجه تانيه جديده لان اللي زي الصني الشكل القديم دلوقتي هي الشيفورليه الاوبترا ودي الاوتوماتيك بتاعها بـ 118000 جنيه

[ahmedshetewy]

X نيسان طبعا بس حاول تجبها اوتو

[Youssef.Awad]

صنى شكل قديم اتوماتيك زيرو
او مستعمل صنى سوبر صالون من 2010-2012 عداد مش اكتر من 60 الف كم

[akmall]

خليك فى الصني شكل قديم وااااااااااااااااااااااااااااابعد عن المستعمل

[Dr.Galileo]

انا متشكر اوي اوي على النصايح دي يا رجالة

ربنا يبارك فيكو جميعا

[HaNo_ELBeh]

ممكن اقول لحضرتك حاجه مختلفه شويه
حضرتك بتقول ان الفلوس ديه تحويشه العمر طيب يعنى حضرتك هتنزل تشترى بالفلوس كلها عربيه تمنها 100 الف
نصيحه حاول تفكر كويس وحاول تشوف عربيه مستعمله استعمال بسيط وبتمن معقول علشان يبقى عندك الفرصه انك تمتلك عربيه سعر كويس ومعاك جزء باقى من الفلوس ترخص وتظبط العربيه على مزاجك
دى نصيحه اخويه وانتا واختيارك
ربنا يوفقك ويديلك الاختيار الصالح

[jojojojo]

الصني الشكل القديم بدايه العربيات اللي تتركب في مصر وتعتبر بدايه العربيات النضيفه في مصر ومعمره جدا توكل علي الله