الحمد لله اخترت الصني بس السؤال اتو ايجيبت ولا السبع

[masaa]

الحمد لله انا قررت اشتري الصني بس السؤال هنا انهي افضل اني اشتري منه اتوا ايجيبت ولا السبع و هل لو اشتريت من حد منهم يبقى لازم الصيانات كلها عنده و ما اقدرش اروح للتاني يعني لو اشتريت من اتو ايجيبت ما اقدرش اروح للسبع عشان الصيانة وانا في الضمان

[miceg]

باشاا الموضوع مالهوش علاقة انت اشتريت من فين
اي توكيل يعجبك روح اعمل الصيانة عنده
بالنسبة للشراء
حسب كلامه ووعوده شوف مين هيريحك فالمعاد واتعامل معاه
وإن كان بنصحك انك تحجز فيهم هما لاثنين لغايت ماتشوف مين هيوفرلك الحاجة ألاول
الاتنين كويسين ولو ان السبع ناس بتشكر فيه على احترامه للمواعيد
تحياتي

[beshoyyy]

خليك مع السبع و في واحد كويس جدا اسمة استاذ / هاني يوسف انا لسة مستلم منة تيدا من شهر سودا و بصراحة الراجل دة مواعيد بالساعة انت بس روح هناك في فرع مصر الجديدة و اسال عنة و لو عاوز حاجة منة انا ممكن اكلمهولك و مبروك مقدما

[kmahmoud]

اوتو سمير ريان عنده استوك جاهز يعني هتروح تشيل يا باشا

[HaNo_ELBeh]

أولا مبروك لاختيارك ويارب يديلك خيرها ويبعد عنك شرها
ثانيا ممكن حضرتك تحجز فى الاتنين ومش مشكله الف جنيه فى كل توكيل وشوف مين هيجيب العربيه الاول وعادى موضوع الصيانات فى اى توكيل المهم تقول انتا بتعمل انهى صيانه
تحياتى

[masaa]

بس سمير ريان بيبيع اوفر برايس و ما اعرفش هيرضي اني اشتريها منه بنظام التمويل البنكي من البنك اللي انا بتعامل معاه ولا لأ

[saint2011]

خليك مع السبع أفضل مواعيده كويسة

[the_air_devil]

السبع للشراء وأوتو إيجيبت للصيانة

[mem]

خليك مع السبع شراء وصيانه

[sherif1986]

ياجماعه هو ليه لازم الشخص يشترى من السبع أو أوتو أو سمير ريان أنا أشتريت من الطارق اللى فى مول العرب وكانوا ناس زى الفل

[masaa]

استاذ شريف جبتها من الطارق باوفر برايس طبعا كانت بكام

[khaledshaheen]

شوف مين حيوفرهالك فى أقرب موعد لأنى أرف أن عليها وايتينج ليست طويل شوية أنا إشتريت من السبع اللى فى ش النزهه مصر الجديدة بس كانت صنى 2008 وجابهالى تانى يوم علطول بس ماكانش فيه قوائم حجز ولا يحزنون وأوضاع البلد كانت مستقرة وماكانش فيه أوفر برايس عند المعارض التانية

[khaledshaheen]

على فكرة السبع واوتو إيجيبت موزعين معتمدين يعنى المفروض بيبيعوا بالسعر الأصلى مش بياخدو أوفر برايس عشان كده عندهم قوائم حجز أما سمير ريان أو الطارق أو المصرية أو أى معارض تانية بياخدو أوفر برايس ويجيبوهالك علطول إنت وراحتك وبعدين الموزع المعتمد عنده مراكز خدمة معتمدة من المصنع نفسه والسبه بيدى دفتر إيصالات صيانة قيمته ألف جنيه عشان لما تعمل الصيانة عنده يعملك كل مرة خصم 50جنيه وشوية هدايا كده عالماشى وإنت بتشترى العربية من عندهم أهم حاجة شوف موعد الإستلام وربنا يوفقك

[sherif1986]

كانت ب 110000 ايام ماكانت ب 107000 الرسمى وكانت عند معارض تانيه 112000 فى شهر 2 اللى فات

[Youssef.Awad]

احجز عند اللى هايكون سعره اقل واستلام اسرع
واحد زميلى لسه مستلم واحدة من السبع من اقل من شهر على 108 ex auto وبعد الاستلام بيومين زادت 2000 ج !!! (طبعا ده اوفر برايس مش رسمى)

الصيانة فى اى مركز بغض النظر عن مكان الشراء منين