يا جماعة شكلي هلبس في الضمان بسرعه ردو عليا

[ahmed salah90]

انا معايا نيسان صني 2011 و المتور بيعلق في السلانسيه ما بين 1000 لفه و 2000 لفه في الدقيقة و لما بطفي العربية و شغلها تاني بتبقى طبيعية يعني حوالي 800 لفه و بعض الاعضاء الكرام قالي شكلها كده الضفيره اللي قدام و على التوكيل عدل بس انا روحت لميكانيكي قبل كده علشان موش متعود اروح توكيلات حتى صيانة 10 الاف معملتهاش و العربية ماشفيتش التوكيل ده غير الميكانيكي حل الحساس بتاع السلانسيه علشان ينضفه اعمل ايه كده الضمان شغال ولا بالسلامة ارجو سرعة الرد علشان احوش تمن الضفيره

[khaabas]

طيب متجرب ووديها التوكيل يمكن يكون الحل بسيط

[ahmed salah90]

طيب متجرب ووديها التوكيل يمكن يكون الحل بسيط

يا ريت يسمع منك ربنا

[Elsebily]

حضرتك روح التوكيل واكشف وياريت يكون ده بسبب حساس السلانسيه

وهل حضرتك ركبت اي اضافات كهربائيه بره التوكيل للعربيه ولا لا؟؟؟؟

[SAMEH_FOUAD]

هية كدة المشكلة فى ال tps , هو اللى بيعلق ال rpm بتاع السيارة

مشاكل النيسان صنى ,فى موضوع الضفيرة , اعتقد بتكون ان العربية تكون ماشى بيها وتلاقى ال rpm نزل فجأءة او يكون فية رعشة ومهما نظفت السينسور بيكون العيب من الضفيرة

لكن مشكلتك دية حاول تحط العربية على جهاز كمبيوتر وتشوف ال volt اللى موجود على ال tps كام وقارنة ال volt اللى مكتوب فى المانيوال بتاع عربيتك وغالبا هتلاقى 4.5 v مع ال full throttle لو انت بقى ال scan كان مطلعلك قراية اعلى او اقل من الرقم دة او الرقم الاصلى بتاعك , يبقى المشكلة فى ال tps وبيتغير , وبردة تشوف ال signal اللى خارجة من ال ecu كام

المفروض التوكيل يبقى فاهم الدنيا دية كلها ماشية ازاى عشان مايغرمكش ضفيرة على الفاضى

[ahmed salah90]

حضرتك روح التوكيل واكشف وياريت يكون ده بسبب حساس السلانسيه

وهل حضرتك ركبت اي اضافات كهربائيه بره التوكيل للعربيه ولا لا؟؟؟؟

لا مركبتش حاجة الميكانيكي حل بس الفلتر و الحساس علشان ينضف مجرى الحساس

[ahmed salah90]

هية كدة المشكلة فى ال tps , هو اللى بيعلق ال rpm بتاع السيارة

مشاكل النيسان صنى ,فى موضوع الضفيرة , اعتقد بتكون ان العربية تكون ماشى بيها وتلاقى ال rpm نزل فجأءة او يكون فية رعشة ومهما نظفت السينسور بيكون العيب من الضفيرة

لكن مشكلتك دية حاول تحط العربية على جهاز كمبيوتر وتشوف ال volt اللى موجود على ال tps كام وقارنة ال volt اللى مكتوب فى المانيوال بتاع عربيتك وغالبا هتلاقى 4.5 v مع ال full throttle لو انت بقى ال scan كان مطلعلك قراية اعلى او اقل من الرقم دة او الرقم الاصلى بتاعك , يبقى المشكلة فى ال tps وبيتغير , وبردة تشوف ال signal اللى خارجة من ال ecu كام

المفروض التوكيل يبقى فاهم الدنيا دية كلها ماشية ازاى عشان مايغرمكش ضفيرة على الفاضى

كشفت على الحساسات بره التوكيل و الراجل قالي كله تمام و نضفت مجرى حساس السلانسية و لسه بتعلق انا ناوي اروح التوكيل بس خايف يقولي كل سنه و انت طيب العرية خرجت من الضمان

[KoKyKa]

هو التوكيل يعنى بيبرشم المسامير. بتاعت العربية

عشان يعرف انه اتفكت بره ولا لا

روح التوكيل على طول

[Youssef.Awad]

الاعراض متطابقة تماما مع اعراض ضفيرة الكهرباء الامامية واللي ظهرت في موديلات 2009-2011 اكتر من غيرها
عربيتي مانيوال 2010 وظهرت عندي بعد صيانة 10 الاف وفضلت معايا بشكل متقطع لحد ما زادت اوي وغيرتها في صيانة ال40 الف في الضمان بمركز السبع المعادي بعد تاكد السبب وعدم جدوي عمل ريسيت بالكومبيوتر مرتين
حضرتك لو عربيتك ما دخلتش التوكيل اكتر من صيانتين كبيرة ورا بعض رسميا تبقي خارج الضمان وتغيرها علي حسابك وتمنها حوالي 4500 ج يعني اضعاف ثمن الصيانات اللي حضرتك وفرتها مع العلم ان صيانات 10-30-50 ب450 ج وال20-60 ب750 ج وال40-80 ب1500 ج بالزيت وكل حاجة
وعشان كده بنقول مهم انك تدخل اي عربية جديدة التوكيل عالاقل 30 الف كم او سنة بعد الشراء لضمان حقك المشروع
او عالاقل اعمل الصيانات الكبيرة فقط زي 20 و40 و60 و80 طبعا بعد تفعيل الضمان في صيانة الالف كم المجانية
دلوقت ممكن حضرتك تروح تعمل اي صيانة 10 او 20 الف كم وتدفع ثمنها وبعدها بمدة بسيطة تروحلهم تاني بشكوي الاعراض مع التلميح ان السبب ممكن يكون الضفيرة زي ما قريت وعرفت من بعض اصحاب العربية وان شاء الله تتغير ببلاش
ارشحلك مركز السبع المعادي
تحياتي

[Ramy Rateb]

كلام أ/ يوسف مفيش بعده كلام .. للأسف حضرتك خرجت نفسك من الضمان لكن حاول تتكلم مع السبع او اوتوايجيبت على امل ان الضفيرة عيب شائع فى النيسان و انهم يتحملوا التكلفة . ربنا يوفقك للخير.

[ahmed salah90]

انا عربيتي دلوقت عامله 38 الف كم اعمل صيانة 40 الف يعني و بعدين اروحلهم

[Ramy Rateb]

لو تروح بدرى يبقى أحسن مش مهم ٢٠٠٠ كم و خصوصا انت مش ضامن العربية ممكن تزيد أعراضها و لا .

[bassem_foda]

اكشف فى التوكيل كهرباء ودى سعرها 110 بمعنى يضعها على الجهاز
مع ملاحظة ان اجهزة التوكيل انها اكفأ
وممكن يكون حساس ال tps عاوز يضبط لان مش مجرد مسامير بتتربط وبس لانه ليه وضعيه معينه تحتاج
جهاز مضبوط

ياريت تخلى بالك الموضوع ده بيحدث فى كل الاحوال بمعنى فى درجات الحرارة العاليه او فى الطرق المزدحمه او البطيئه