هل التكييف كدة طبيعى

[wama00]

سؤال بخصوص نيسان صنى 2007 اوتو
هى مش مشكلة لكن عايز افهم بس هل ده طبيعى ولا ايه
التكييف لما بشغلة وببقى فى زحمة يعنى ماشى شوية شوية والتكييف شغال على اخر سرعة (4) الاقيه ضعيف اوى ويكاد يكون زى المروحة بالظبط , و اول ما الطريق يفتح واشد شوية بالعربية الاقى التكييف تلاجة لدرجة انى بقلل السرعة الى 2
التكييف شغال بالليل كويس وعلى 2 بيبقى تلاجة وبرضة ده مع الشد مش مع المشى اللى بالراحة
ايه ده بقى؟؟

[mikology]

هو انا زيك بس انا هاروح ازود الفريون عشان من ساعه ما صاحبها جابها مزودهاش

[exact]

ضعف كباس غالبا او السربنتينه من بره مليانه تراب او المروحة الخارجية ضغيفة

[MITSUKERO]

زود الفريون يا باشا و نضف السربنتينة و شكرا

[dya2008]

انا معي 2013 الشكل القديم و نفس المشكله عندي ؟!! معتقدش السبب تنظيف او فريون ؟

[hatemfox2005]

ده طبيعي في اي عربيه الكباس بيشتغل كويس اما تكون العربيه ماشيه اما لو واقفه بيكون ضعيف وده موجود في جميع العربيات

[mody112]

منهيالى انه كلما زادت سرعة دوران المحرك كلما زادت برودة التكييف لزيادة عمل الكباس

[wama00]

انا التكييف عندى ادائة الحمد لله كويس جداااا لكن بلاحظ المشكلة ديه لما العربية تكون واقفة او ماشى فى زحمة
متهيألى لو فيه مشكلة فى الكباس او الفريون هيكون ادائه واحد فى كل الاحوال.