إعـــــــلان

Collapse

.

,
See more
See less

تقرير: ما بعد استلام النيو صني 2013 (أحداث - تعليقات - زيارة ديتيلرز كار كير)

Collapse
X
 
  • Filter
  • الوقت
  • Show
Clear All
new posts

  • تقرير: ما بعد استلام النيو صني 2013 (أحداث - تعليقات - زيارة ديتيلرز كار كير)

    السلام عليكم ورحمة الله وبركاته
    ده تقريري التاني عن النيو صني بعد ما اشتريتها من أوتو إيجيبت.
    النهاردة إن شاء الله حأحكيلكوا اللي حصل من بعد الشراء لحد قبل صيانة الألف على طول وبرضه إن شاء الله حأقسمه لأجزاء:-

    بعد ما استلمت العربية وابتديت اتحرك بيها كانت ملاحظاتي كالآتي

    1- الباور ناعم جدا ( وده بالنسبة للفيرنا اللي كنت بآخذ عليها كورس السواقة)
    2- كان فيه صوت وأنا بألف الدركسيون من وضع الوقوف ( وقريت في الكتالوج إن ده عادي ... لكني برضه حأسأل في الصيانة اللي جاية)

    روحت فولت بنزين 92 (دفعت 70 جنيه للتفويلة الكاملة)

    بعديها بيومين روحت بريدج ستون عباس علشان أعمل الآتي:
    1-أملى الكاوتشات بالنيتروجين
    2-
    أظبط الضغط 33 قدام و 30 ورا (مكتوب على قايم السواق)
    3- عملت شيك على الاستبن علشان الترصيص بتاعه وكان مش مترصص صح وظبطهولي
    .
    وكانت ملاحظاتي بعد ده كالآت
    ي:-
    1- العربية بقت أنعم.
    2- إحساسي بالمطبات والنقر وغيرها من مشاكل الطريق قلت كتير.


    سافرت اسكندرية ووأنا راجع واحد كسر عليا جامد وكنت ماشي بسرعة 100 وكانت حتبقى حادثة لولا فضل ربنا عليا
    تعليقي:-
    1- فرامل الصني فوق الممتازة العربية تزلت من المية للصفر في وقت قليل جدا ومسافة السير أثناء الفرملة كانت قليلة جدا.
    2- نتيجة الفرملة الجامدة بقيت بأحس برعشة في بدال الفرامل بعد كده لما بأفرمل.

    أخيرا كانت عندي مشكلة في تنضيف العربية سواء اليومي أو الشهري وقررت إني أروح ديتيلرز كار كير (إعلانه هنا على المنتدى) وهناك عملولي الآتي:-
    1- نضفولى العربية من بره (جسم وقزاز وكاوتشات ومرايات جانبية .. وكل حاجة)
    2- نضفولي العربية من جوه (أرضية وتابلوه وقزاز)
    وعطروها
    3- عملولي بوليش شالولي بيه بعض الخدوش وحسنولي بيه شكل اللي ما اتشالش.
    تعليقي:-
    1- المعاملة : فوق الممتازة سواء من ناحية الاستقبال أو الكلام مع العميل والنصح ليه بإخلاص.
    2- جودة الشغل: أحسن مرة نضفت فيها العربية (أنا نضفت في السبع لما كنت بأعمل صيانة ومرة في الجراج ومرة مع البواب هما كانوا الأفضل بكل جدارة).
    3- أهم نصيحة اتعلمتها منهم : إوعى تنضف عربيتك بالفوطة الزفرة أبدا ولو عندك حد بينضفهالك بشكل دوري خليه ينضفها بفوطة بميه مش بفوطة زفرة لان الفوطة الزفرة بتخلي لون العربية يبهت مع الوقت.

    أخيرا أنا لسه ما كتبتش انطباعاتي عن العربية علشان لسه ما كونتش نظرة متكاملة عنها إن شاء الله أول لما تكمل نظرتي حأكتب تقرير بيها على طول.
    [CENTER][shfaf2]http://i1309.photobucket.com/albums/s623/melkashef/Nile%20Motors/Nissan-Sunny-2013_zps6fd24d24.jpg[/shfaf2][/CENTER]

  • #2
    ربنا يباركلك فيها . ويكفيك شر الطريق

    Comment


    • #3
      الف مبروك عليك العربيه والصيانه والغسيل

      بس كنت عايز اعرف منك هو النيتروجين فرق بنسبة كام فى الميه من ناحية صوت الكاوتش والاحساس بالمطبات ؟؟

      Comment


      • #4
        2- كان فيه صوت وأنا بألف الدركسيون من وضع الوقوف ( وقريت في الكتالوج إن ده عادي ... لكني برضه حأسأل في الصيانة اللي جاية) حضرتك بتسمع صوت زي لقلقه بسيطه اصل انا معايا اكسنت 2012 وروحت التوكيل علشان الصوت دا قالي دا طبيعي فيالريت حضرتك توضح ايه الصوت الللي بتسمعه وشكرا

        Comment


        • #5
          تسلم علي التقرير
          وربنا يبارك في العربية ان شاء الله

          Comment


          • #6
            المشاركة الأصلية كتبت بواسطة مانويل مايكل مشاهدة المشاركة
            ربنا يباركلك فيها . ويكفيك شر الطريق
            ويباركلك انت كمان في عربيتك ويريحك من مشاكلها قريب إن شاء الله
            المشاركة الأصلية كتبت بواسطة hossam_elwani مشاهدة المشاركة
            الف مبروك عليك العربيه والصيانه والغسيل

            بس كنت عايز اعرف منك هو النيتروجين فرق بنسبة كام فى الميه من ناحية صوت الكاوتش والاحساس بالمطبات ؟؟
            الله يبارك فيك يا باشا
            بص العربية كان ضغط الكاوتشات فيها عالي (تظبيط المصنع) وكانت الكاوتشات منفوخة هوا.
            لما ظبطت الضغط وبدلت الهوا بالنيتروجين نقدر نقول إن الاحساس قل بنسبة 50 ل 60 في المية لكن ده تأثير الظبط والنيتروجين مع بعض فما أقدرش أقولك بالظبط تأثير النيتروجين بس كام.


            المشاركة الأصلية كتبت بواسطة john55 مشاهدة المشاركة
            2- كان فيه صوت وأنا بألف الدركسيون من وضع الوقوف ( وقريت في الكتالوج إن ده عادي ... لكني برضه حأسأل في الصيانة اللي جاية) حضرتك بتسمع صوت زي لقلقه بسيطه اصل انا معايا اكسنت 2012 وروحت التوكيل علشان الصوت دا قالي دا طبيعي فيالريت حضرتك توضح ايه الصوت الللي بتسمعه وشكرا
            لا يا باشا أنا الصوت اللي عندي مش لقلقة ده زي تزييق لما بألف الدركسيون بسرعة من وضع الدركسيون (ونيسان في الكتالوج قايلة انه فيه صوت ممكن يظهر في الحالة ديه لكنهم مش موضحين طبيعته إيه)
            المشاركة الأصلية كتبت بواسطة janagabr مشاهدة المشاركة
            تسلم علي التقرير
            وربنا يبارك في العربية ان شاء الله
            ويباركلك انت كمان ان شاء الله.
            [CENTER][shfaf2]http://i1309.photobucket.com/albums/s623/melkashef/Nile%20Motors/Nissan-Sunny-2013_zps6fd24d24.jpg[/shfaf2][/CENTER]

            Comment


            • #7
              مبروك على العربية .. ربنا يبارك لك فيها.
              تقرير جميل تسلم إيدك.
              [SIGPIC][/SIGPIC]

              Comment


              • #8
                تقرير رائع
                ربنا يبارك ..

                Comment


                • #9
                  العربية لسه فى الاول استنى شوية

                  العربية دى طلعت أكبر مقلب عملت معايا دلوقتى 6000 كيلو متر وصوت صفارة فى الفرامل الأمامى وبعد محاولات مع التوكيل قالوا لازم الطنابير الأمامية تتغير عشان عيب تصنيع وحتى الأن منذ 15 يوم لا توجد فى المخازن عندهم فضلا عن صوت سيمفونية الطوب التى تسمعها لأن الكاوتش ردئ جداً ويحمل الطوب والعربية المحترمة ما فيش فيها كارتيرات صوت جديد ظهر عندى طأطأه فى الملفات ربنا يستر وما يكونش الكبالن عشان أنا قابلت عميل فى صيانة الألف قالى إن مشكلة الكبالن ظهرت معاه وبقاله أكتر من شهر مش موجودة فى التوكيل الواحد ندم فعلاً على شراؤة للعربية دى

                  Comment

                  Working...
                  X