مشكلة فى نيسان صنى 2008

[mizotion]

السلام عليكم ورحمة الله

يا اخوانى انا بقابل مشكلة بقالى فترة قريبة انا معايا نيسان صنى 2008 ليه شاريها من اربع شهور مستعملة طبعا وحالتها زى الفل واول ما اشتريتها عملت طقم سيرفيس كاااااااامل :

1- تغيير فلاتر
2- تغيير طقم بوجيهات
3-تغيير زيوت
4-تغيير تيل فرامل
5-تغيير طنابير أمامى
6-تغيير سيور التكييف والدينامو



القصة ان العربية بقالها شهر كدة بلاحظ انها سعات وانا ماشى بتنتش وبعدين تروح مبطلة وانا ماشى

وكمان اما اجى ادوس فرامل عشان اقف الاقى العربية بطلت لوحدها


ناس قالتلى دى مشكلة بوجيهات وناس تانية قالتلى مشكلو البوبينا وناس قالتلى ياطرمبة بنزين يا فلتر بنزين انا احترت وقلقان لتكون مشكلة فى طرمبة البنزين

ياريت تفيدونى ولو بوبينا اروح لكهربائى ولا ميكانيكى وممكن تتكلف كام

[eng_amrnabil]

ربنا يعينك وحد من الأعضاء الخبرة يرد عليك

[moumen_hs]

طيب سؤال قبل لما تغير البوجيهات كانت بردو بتقطع ولا بعد التغير
الاجابة
نعم كانت بتقطع يبقة مشكلة فى كهرباء العربية وبص على الار بى أم مضبوط ولا واطى عن المعدل 650
لا كانت كويسة
ممكن البوجيهات مش كويسة نغير البوجيهات أضعف الايمان والتكلفة هتكون بسيطة فى حدود 70 بالتركيب وياريت تجيب البوجيهات الاستندر بتاعة العربية ngk وربنا يسهل وتكون منهم.

[wama00]

هى بوجيهات النيسان كام شمعة؟

[moumen_hs]

هى بوجيهات النيسان كام شمعة؟

واحد شمعة ngk

[tarekmomo]

خد يالك لو ركبت اى بوجيهات غير ال ngk العربية هتدور بصعوبة وهتنتش فى المشى

[Karim_Monir]

بالفعل لازم تركب البوجيهات الاصلية وكمان ممكن البوجيهات تكون واخدة رطوبة
وممكن يكون فلتر البنزين مسدود او طلبمة البنزين الضخ بتاعها مش كويس
كان مركز الصفا عامل كشف مجاني الجمعه اللي فاتت والل يقبلها وده متخصص انجكشن ودورة
وحتي لو بفلوس تمنه معقول وبيعمل خصم للاعضاء
جرب تروحلة يكشفلك عالدورة كلها عشان مش اي حد يفتي فيها
http://www.nilemotors.net/Nile/249389-a.html