راى مالكى القشقاى واعادة تقيم قشقاى قبل بيعها؟

[mohie777]

السلام عليكم ورحمة الله

الاخوة الاعزاء مالكى قشقاى

ارجو منكم افادتى قبل اتخاذ القرار فى بيع السيارة بناءا على تجربتى ليها خلال 7 شهور وعلشان مااطولش عليكم
العربية 2013 عاملة 5500 كيلو والامس كانت اول تجربة سفر لى بالسيارة كنت رايح الساحل وكان معايا زوجتى والاولاد ( 9 سنين -6 سنين- 3 سنين) انا كتبت اعمارهم علشان تعرفوا الاوزان الى فى السيارة وكنت طبعا مشغل التكييف وطبعا قلت اجرى شويه بالسيارة لنى كنت متاخر على اصدقاء لى فى الطريق وبدات المعاناة الفعلية السيارة مش بتجمع خالص بدون مبالغة واقصى حاجة ليها 120 -130 بطلوع الروح والضغط على دواسة البنزين للاخر واشغل الاسبورت مود برده مافيش فايدة وصوت الماتور عالى جدا بس فاعليةبجد انا اتصدمت فى السيارة مع العلم انا كنت لسا فى التوكيل وقلت لهم العربية تقيلة اوى فى السحب وهم قالوا انها فى الاول بس بتكون تقيلة بس بعد كده بتكون احسن
المهم وانا راجع قلت اطفى التكييف ويكون الطريق فاضى شويه واجرب برده مافيش فايدة العربية بطة بطة بتجمع براحتها على الاخر لو فكرت انك تحب تعدى حد ولا حاجة طوارى انسى انها تساعدك فمتفكرش واقصى حاجة وصلت لها 140 كيلو
ورجعت مضايق جدا وفكرت فعلى انى اغيرها بجد كرهت العربية اتمنى تساعدونى اعمل ايه انا مصدوم
على فكرة انا مش بتاع جرى بالسيارة بس احب تكون السيارة الى معايا بتجرى وانا مش بسافر خالص الا فى الصيف .بجد التويوتا برقبتها .......... سامحونى لكن ده حقيقة

[hamaka]

غريبة جداً ، طب ما تروحلهم تانى التوكيل ، يجوز فى مشكلة عندك ، 120 -130 ده قليل جداً...ده التيجو بتجيب أعلى من كده ، أكيد عندك مشكلة...

[م. حاتم السباعي]

السلام عليكم ورحمة الله

الاخوة الاعزاء مالكى قشقاى

ارجو منكم افادتى قبل اتخاذ القرار فى بيع السيارة بناءا على تجربتى ليها خلال 7 شهور وعلشان مااطولش عليكم
العربية 2013 عاملة 5500 كيلو والامس كانت اول تجربة سفر لى بالسيارة كنت رايح الساحل وكان معايا زوجتى والاولاد ( 9 سنين -6 سنين- 3 سنين) انا كتبت اعمارهم علشان تعرفوا الاوزان الى فى السيارة وكنت طبعا مشغل التكييف وطبعا قلت اجرى شويه بالسيارة لنى كنت متاخر على اصدقاء لى فى الطريق وبدات المعاناة الفعلية السيارة مش بتجمع خالص بدون مبالغة واقصى حاجة ليها 120 -130 بطلوع الروح والضغط على دواسة البنزين للاخر واشغل الاسبورت مود برده مافيش فايدة وصوت الماتور عالى جدا بس فاعليةبجد انا اتصدمت فى السيارة مع العلم انا كنت لسا فى التوكيل وقلت لهم العربية تقيلة اوى فى السحب وهم قالوا انها فى الاول بس بتكون تقيلة بس بعد كده بتكون احسن
المهم وانا راجع قلت اطفى التكييف ويكون الطريق فاضى شويه واجرب برده مافيش فايدة العربية بطة بطة بتجمع براحتها على الاخر لو فكرت انك تحب تعدى حد ولا حاجة طوارى انسى انها تساعدك فمتفكرش واقصى حاجة وصلت لها 140 كيلو
ورجعت مضايق جدا وفكرت فعلى انى اغيرها بجد كرهت العربية اتمنى تساعدونى اعمل ايه انا مصدوم
على فكرة انا مش بتاع جرى بالسيارة بس احب تكون السيارة الى معايا بتجرى وانا مش بسافر خالص الا فى الصيف .بجد التويوتا برقبتها .......... سامحونى لكن ده حقيقة

الاخ الحبيب الفاضل الاستاذ محيي

قرأت كل حرف و استوعبته جدا و لو الموضوع ده كان من يومين تلاتة كنت هزعل جدا واظن ان الموضوع ده بيحدث مع حضرتك فقط و كنت سأقول لك اذهب للتوكيل و شوف معاهم الحكاية لان هذا لا يحدث ابدا معي و لم احس به مطلقا من قبل

و لكن امس الاول كان عندي حالة وفاه و ذهبنا للدفن علي طريق الفيوم و طبعا الجو كان نار وكنت مشغل التكييف منذ دخولي للعربية من بعد صلاة الظهر و اثناء المشوار بالفعل استغربت جدا من العربية وحسيت انها تقيلة جدا علي غير العادة ( يمكن لاني اول مرة اظل مشغل التكييف طول الوقت لاني لست من هواة التكييف ) لو ده هو الطبيعي بتاعها مش عارف

بس اللي انا متأكد منه ان هذا لم يحدث معي مطلقا من قبل و التفسير اللي ممكن اميل اليه هو ان البنزين اللي ممكن يكون اتحط في العربية اليومين دول ( مخلوط مثلا 90 علي 92 بنسبة ) الله اعلم
لان قبل هذه الازمة و انا بسافر بيها ما لا يقل عن 350 كم والعربية بتجيب ال 140 و ال 150 وطبعا بخف رجلي بسرعة لاني مش من هواة الجري و بعض الاخوة هنا قالو انها جابت 180 و اخ فاضل قال 200

عموما انا رأيي فكرة البيع دي فكرة ليست جيدة لان معظم العربيات فيها ( مزايا و عيوب ) و ممكن بعد التجربة ايضا لا قدر الله انك تتخنق من الاخري بسبب اي عيب اخر لم تكن تعرفه

رأيي المتواضع انك تجرب تفول من بنزينة تانية و تخرج للتجربة علي طريق السخنة او الصحراوي و تشوف كده ايه الاخبار


تحياتي اليك

[mohie777]

الاخ الحبيب الفاضل الاستاذ محيي

قرأت كل حرف و استوعبته جدا و لو الموضوع ده كان من يومين تلاتة كنت هزعل جدا واظن ان الموضوع ده بيحدث مع حضرتك فقط و كنت سأقول لك اذهب للتوكيل و شوف معاهم الحكاية لان هذا لا يحدث ابدا معي و لم احس به مطلقا من قبل

و لكن امس الاول كان عندي حالة وفاه و ذهبنا للدفن علي طريق الفيوم و طبعا الجو كان نار وكنت مشغل التكييف منذ دخولي للعربية من بعد صلاة الظهر و اثناء المشوار بالفعل استغربت جدا من العربية وحسيت انها تقيلة جدا علي غير العادة ( يمكن لاني اول مرة اظل مشغل التكييف طول الوقت لاني لست من هواة التكييف ) لو ده هو الطبيعي بتاعها مش عارف

بس اللي انا متأكد منه ان هذا لم يحدث معي مطلقا من قبل و التفسير اللي ممكن اميل اليه هو ان البنزين اللي ممكن يكون اتحط في العربية اليومين دول ( مخلوط مثلا 90 علي 92 بنسبة ) الله اعلم
لان قبل هذه الازمة و انا بسافر بيها ما لا يقل عن 350 كم والعربية بتجيب ال 140 و ال 150 وطبعا بخف رجلي بسرعة لاني مش من هواة الجري و بعض الاخوة هنا قالو انها جابت 180 و اخ فاضل قال 200

عموما انا رأيي فكرة البيع دي فكرة ليست جيدة لان معظم العربيات فيها ( مزايا و عيوب ) و ممكن بعد التجربة ايضا لا قدر الله انك تتخنق من الاخري بسبب اي عيب اخر لم تكن تعرفه

رأيي المتواضع انك تجرب تفول من بنزينة تانية و تخرج للتجربة علي طريق السخنة او الصحراوي و تشوف كده ايه الاخبار


تحياتي اليك

الاخ المحترم المهندس حاتم
اشكرك لسرعة ردك وصراحتك الشديدة
بس والله انا امبارح اتصدمت فعلا من السيارة المشكلة مش علشان السرعة انا مش بحب الجرى وخاصة لما يكون معى الاولاد بس تجميع السيارة بطى جدا جدا لدرجة تضايق يتحس انك بتبذل مجهود كبير اوى ومش مرتاح خالص انت سايق ولو قدر الله وحصل اى شيئ عمرها ما حتصعفك ابداوكمان لى وجهة نظر انا مع حضرتك ان كل عربية فيها عيوب بس ده عيب قاتل انا مش بيجيب عربية جديدة وماركة كويسة وادفع فلوس الا علشان اكون مرتاح بنسبة كبيرة من سواقة السيارة مش سايق سلحفة
وحاجرب كل حاجة ممكن اعملها قبل ما ابيعها
والله يا باشمهندس كانت اول سيارة 128 من اكتر من 20 سنة وكنت باملها اصحابى ونطلع على الساحل عمرى ما حسيت الاحساس الى شفته امبارح ده بجد والله مش قادر اوصفه

[خالد عادل]

الحكمة بتقول ان الايام دي في مشكلة في البنزين واكيد هيكون متخلط ومضروب وحصلت معايا كنت راجع من اسكندرية وحطيت بنزين علي الطريق وانا ماشي وساعتها حسيت ان العربية تقلت وبتجري بالعافية بعديها بكام يوم اما البنزين اللي معايا خلص وفولت من هنا تاني العربية رجعت بتسحب وبتجري اصبر اليومين دول الازمة تكون عدت واحكم عليها صح

[Abo.Moazz]

سيدى الفاضل .. انا كنت كاتب تقرير قبل كده عن مشكلتى مع عربيتى الكيا سيراتو الله يرحمها بنفس المشكلة .. على طريق شرم الشيخ بعد ماكنت بجيب ال220 بالعربية إذ فجأةً وبدون مقدمات وبدون تكييف وجدت العربية سرعتها مابتزدش عن ال 140 ومع آخر دواسة البنزين .. ولفيت بيها على ناس كتير وغيرت فلتر هواء وفلتر بنزين وبوجيهات وكشفت كمبيوتر وغيرت حاجات كتير ومفيش فايدة برده .. نفس المشكلة
الخلاصة قعدت فترة بعدها مطنش المشكلة خالص .. وساعات أجد إن المشكلة إتحلت وجبت السرعة القصوى بالسيارة وساعات ألاقيها بطة
إستنتجت إن المشكلة بتبقى فى حاجتين .. أولاً نوع البنزين .. ثانيا وأهم شئ .. ظروف الطريق
أنا من رأيى إنك تروح تكشف على حساسات العربية فى التوكيل وتجرب تحط بنزين نضيف شوية وتكشف على فلتر الهوا والبنزين والبوجيهات .. لو مفيش مشكلة ظاهرة يبقى طنش المشكلة .. وهتلاقيها تتحل لوحدها مع الوقت لما تمشى على طريق يكون الظروف الجوية والمطالع والمنازل تسمح للعربية معاك إنها تفتح

[monamize4]

فعلا يا باشا ممكن يكون البنزين

و بعدين لو بعتها هتجيب ايه ؟؟
صعب ان حد ركب suv يرجع يركب سيدان تانى

[walid tageldine]

بجد انا مش مصدق العربية عملة مبيعات رهيبة في العالم كله و معدية مبيعتها 2 مليون و شوية و تيجي مصر يركبها العفريت وتبقي و حشة والكوري يطلع احسن .
الموضوع كله ممكن يكون بنزين و ممكن يكون التعود علي cvt لانه مختلف لو عايز تجيب سرعات عالية اصل نفس الموقف حصل معايا و كنت جي من الساحل و العربية فعﻻ في الدوسة العادية بتجيب 120 لكن لو دوست جامد لغاية الاخر الrpm بيعلي لغاية 4 و تسحب تاني وتجيب لغاية 150 اكتر من كدة بتشيل رجلك و تكبس الدواسة لغاية الاخر و تكمل دوس بتحس اكن في سوسة دخغت عليها و دي بتخلي الrpm علي 6 و توصل معاك لغاية 180 الي 200 و جرب و الكﻻم ده بناءا علي تجربة وكانت العربية محملة و مشغل التكيف 3 اشخاص هو الموضوع محتاج تعود و دوسة البنزين في cvt مختلفة ﻻزم لغاية الاخر و تشيل رجلك بس بعد التعود حتحس انه احلي بكتبيير من الفتيس العادي العربية جميلة و محتمرة و استمتع بيها صدقني انا جبتها بعد ما جربت كل العربيات المنافسة ( اسبورتج و ix35 ) دي حاجة تانية خالص كفاية العفشةوعزل الصوت و الخامات

[م. حاتم السباعي]

بقولك ايه يا استاذ محيي

ان شاء الله احنا قريبا نعمل مقابلة لملاك القشقاي و نحاول نطلع طلعة علي السريع ونشوف كده ايه الاخبار و يكون كل واحد منا مفول من بنزينة مختلفة

بس البلد تهدي كده و ان شاء الله نحاول ان ننظمها قبل رمضان لو الامور هدأت ان شاء الله تعالي

[Hany Saad]

أسف يا جماعة على اللى بسمعة....لكن أعتقد فيه مشكلة فعلا فى السيارة بعد أن عملت بحث سريع على النت و طبعا أتمنى أنى أكون غلطان......سبب إهتمامى بالمشكلة هو أنى بفكر فى الفلوانس الجديدة اللى نازلة بنفس منظومة الموتور و الفتيس و علشان كده أنا مهتم .

الموضوع مسمع فى كذا بلد.....الأعراض كما ذكرها الأخ الفاضل أن العربية بتبقى ماشية تمام و ممكن حضرتك مثلا تشغل حاجة فى الكهرباء يعنى تكييف أو إضاءة أو كده و مرة واحدة السحب بيروح و مهما تضغط على الدواسة.....التسارع بيموت.....

للأسف محدش عارف العيب جاى منين....ناس قالت من سويتش الفرامل اللى تحت دواسة الفرامل بيدي error لوحدة ال ecu

ناس قالوا أن مهندسين نيسان بيقللوا كمية زيت الجيربوكس من الفتيس ال CVT علشان يعالجوا المشكلة

للأسف مفيش حل ناجع حتى الأن و لكن الكل أجمع أن ال error بيروح لو طفيت الموتور و دورت تانى......طبعا دى مشكلة رهيبة لو ماشى على السريع.....صعب جداً تطفى و تدور......

لاحظ المشكلة بتروح وقتى مع الطفى و التدوير و ترجع تانى فى أى وقت دون سبب معين......للأسف أيضاً لم يسجل كمبيوتر أعطال السيارة أى عطل فى الذاكرة و ده اللى مخلى مراكز الخدمة مش قادرة تحدد العيب فين......

مرة أخرى أنا مش متأكد من هذه المعلومات لأنى لا أملك السيارة و لكنى جبت المعلومات من البحث على النت و أهتمامى بالمنظومة خلاني أهتم.....أتمنى أن شاء الله أن تكون معلوماتى خطأ و تتحل المشكلة على خير.......

[Youssef.Awad]

بجد انا مش مصدق العربية عملة مبيعات رهيبة في العالم كله و معدية مبيعتها 2 مليون و شوية و تيجي مصر يركبها العفريت وتبقي و حشة والكوري يطلع احسن .
الموضوع كله ممكن يكون بنزين و ممكن يكون التعود علي cvt لانه مختلف لو عايز تجيب سرعات عالية اصل نفس الموقف حصل معايا و كنت جي من الساحل و العربية فعﻻ في الدوسة العادية بتجيب 120 لكن لو دوست جامد لغاية الاخر الrpm بيعلي لغاية 4 و تسحب تاني وتجيب لغاية 150 اكتر من كدة بتشيل رجلك و تكبس الدواسة لغاية الاخر و تكمل دوس بتحس اكن في سوسة دخغت عليها و دي بتخلي الrpm علي 6 و توصل معاك لغاية 180 الي 200 و جرب و الكلام ده بناءا علي تجربة وكانت العربية محملة و مشغل التكيف 3 اشخاص هو الموضوع محتاج تعود و دوسة البنزين في cvt مختلفة ﻻزم لغاية الاخر و تشيل رجلك بس بعد التعود حتحس انه احلي بكتبيير من الفتيس العادي العربية جميلة و محتمرة و استمتع بيها صدقني انا جبتها بعد ما جربت كل العربيات المنافسة ( اسبورتج و ix35 ) دي حاجة تانية خالص كفاية العفشةوعزل الصوت و الخامات

بغض النظر عن سبب المشكلة الفعلى
شكرا عالافادة .. وكلامك صحيح 100% خاصة ما تحته خط

[osaa]

اخى العزيز متزعلش نفسك المشكلة اللى انت بتمر بيها انا كمان بمر بيها المشكلة دى ليها من راى عدة اسباب ( العربية عملة 2000 ك الان )
- حضرتك و انا كنا ركبين سيارة سيدان ذات ماتور مميز و قوى سواء الكورولا او الالنترا 2008(حوالى 124 حصان بماتور cvvt بوزن قليل للعربية )مما يجعلنا نقارن دائما بين القشقاى بادائها و السيدان بادائة
- طموحنا فى العربية قبل شرائها كان كبير جدا على عكس الحقيقة سواء امكانيات و اوبشن او ماتور و سحب وكذلك المبلغ اللى مدفوع فى العرب كبير جدا على امكانيتها وهو نفس العيوب اللى موجودة بنفس الفئة فى كل الماركات سواء سبورتاج او الهيونداى ix35
- اخى العزيز المشكلة دى جعلتنى اروح مخصوص ل اوتوايجبت ابو رواش لمجرد السؤال دون عمل صيانة فقط لكى يطمئن قلبى ان العربية سليمة ودة الاداء الطبيعى ليها فسالت المهندس ان العربية ضعيفة فى السحب واحيانا بتيجى على 80 و بتقف مع تشغيل التكييف وكذلك صوت مروحة التكييف عالى جدا طول ماانت سايق سمعة فابلغنى ان دة الطبيعى للعربية و قالى لم العربية ماتسحبش معاك و انت ماشى دوس دواسة البنزين على الاخر لحد لما تحس بتكة معينة كدة فى الدواسة وارتفاع الrbm وبعدين تبتدى تزود عادى وان صوت المروحة طبيعى عالى وية وبتفصل بعد 30 ثانية من فصل التكييف
- انا لم استطع تجربة كلام المهندس على ارض الواقع حتى الان و عايز حضرتك تجرب العربية بس بطريق مفتوح و خالى قبل قرار البيع عشان حرام تخسر فى عربية لسة عملة 5000 ك
(اسف على الاطالة)

[Mezox]

النهاردة في في طابور البنزين اكثر من واحد كان بيتكلم في موضوع إن البنزين امبارح وأول فيه حاجة , لأن العربية كانت بتقطع معاهم و مبتسحبش , كان واحد معاه أكتأفيا وآخر معاه امبريزا

[walid tageldine]

اخى العزيز متزعلش نفسك المشكلة اللى انت بتمر بيها انا كمان بمر بيها المشكلة دى ليها من راى عدة اسباب ( العربية عملة 2000 ك الان )
- حضرتك و انا كنا ركبين سيارة سيدان ذات ماتور مميز و قوى سواء الكورولا او الالنترا 2008(حوالى 124 حصان بماتور cvvt بوزن قليل للعربية )مما يجعلنا نقارن دائما بين القشقاى بادائها و السيدان بادائة
- طموحنا فى العربية قبل شرائها كان كبير جدا على عكس الحقيقة سواء امكانيات و اوبشن او ماتور و سحب وكذلك المبلغ اللى مدفوع فى العرب كبير جدا على امكانيتها وهو نفس العيوب اللى موجودة بنفس الفئة فى كل الماركات سواء سبورتاج او الهيونداى ix35
- اخى العزيز المشكلة دى جعلتنى اروح مخصوص ل اوتوايجبت ابو رواش لمجرد السؤال دون عمل صيانة فقط لكى يطمئن قلبى ان العربية سليمة ودة الاداء الطبيعى ليها فسالت المهندس ان العربية ضعيفة فى السحب واحيانا بتيجى على 80 و بتقف مع تشغيل التكييف وكذلك صوت مروحة التكييف عالى جدا طول ماانت سايق سمعة فابلغنى ان دة الطبيعى للعربية و قالى لم العربية ماتسحبش معاك و انت ماشى دوس دواسة البنزين على الاخر لحد لما تحس بتكة معينة كدة فى الدواسة وارتفاع الrbm وبعدين تبتدى تزود عادى وان صوت المروحة طبيعى عالى وية وبتفصل بعد 30 ثانية من فصل التكييف
- انا لم استطع تجربة كلام المهندس على ارض الواقع حتى الان و عايز حضرتك تجرب العربية بس بطريق مفتوح و خالى قبل قرار البيع عشان حرام تخسر فى عربية لسة عملة 5000 ك
(اسف على الاطالة)

[addams_2]

جرب تملا التنك 95 بعد الازمة ديه ماتخلص