لو رجع الزمن هشترى القشقاى او لآ

[osaa]

سؤال لملاك القشقاى لو رجع الزمن بيك هتشترى القشقاى و لية نعم و لية لآ

[Ahmed Amin]

متابع,

[walid tageldine]

انا مش عارف ايه حكاية القشقاي الايام دي حاسس ان فيه حملة عليها .
طب ممكن نسئل السؤال بالعكس كنت عايز تجيب ايه و فضلت القشقاي عنها
وانا شخصيا كنت حشتريها تاني و تالت كمان ده انا حتي مستني الشكل الجديد علشان اغير

[م. حاتم السباعي]

العربية ممتازة و موضوع السحب انا نفسي ذكرته في اول تقرير لي عند اقتنائي للعربية و قلت ان الناس اللي متعودة علي السحب السريع العربية غير مرضية لهم و ما دون ذلك العربية اكثر من رائعة

و انا حاسس ان مشكلة البنزين هذه الايام فعلا هو اللي بيؤثر علي سحب العربية لهذه الدرجة اللي ظهرت فجأة بين بعض الملاك

معني ان عضو يكون معاه العربية لمدة 5000 كم او 1000 كم و يبتدي يشتكي من ان العربية تقيلة فهذا معناه انها كانت في الايام الاولي لاقتنائه لها مرضية بالنسبة له او علي الاقل شبه مرضية فلو دخل عامل مشاكل خلط البنزين هذه الايام و الناس معظمها بتشتكي و مع تشغيل التكييف بأستمرار فمن الممكن ان تحدث هذه الشكوي

[abo3bdolrahman]

هى الأفضل فى هذه الفئة بهذا السعر و بالنسبة لموضوع السحب أتفق مع الرأى بأن السبب مشكلة البنزين اليومين دول أنا عامل بيها دلوقت 3500 كم تقريبا و السحب حتى الآن كويس و مشيت بيها لحد سرعة 170 كم و باخد بيها غرز عادى صحيح بحس بعض الأحيان إنها تقيلة شوية بس أنا لاحظت إن ده بيحصل لما بسوقها بنفس طريقة سواقة الأتوماتيك اللى أنا كنت متعود عليها فى عربيتى السابقة لاكن لما باخد بالى و أغير لمود السى فى تى بترجع تشد و تجرى معايا عموما هيا لغاية دلوقتى أديها 8.5 من عشرة فى المجمل و لما توصل لل 10 آلاف أو 20 ألف كم هايكون التقييم أكثر واقعية و لكنها حتى الآن مازالت الأنسب فى هذه الفئة من حيث السعر و الإمكانيات و التصنيع و التقفيل و التكنولوجى.

[osaa]

انا راى انى لو رجع بيا الزمن و قررت اشترى عربية suv لن اجد افضل من القشقاى رغم تحفظى على بعض الاشياء فيها ولكن مايفرقش معايا موضوع ارتفاع العربية سوف اشترى عربية سيدان متناسبة مع 1600 cc مثل الاوكتافيا او الالنترا او جولف 000000

[شادى عبدالمنعم]

رأى العربيه مميزه جدا ومفيش عربيه كامله المهم انت مناسبه ليك ومقتنع بيها وﻻ لأ . أو نفصل العربيه بأه على مقاسنا .

[Mezox]

انا راى انى لو رجع بيا الزمن و قررت اشترى عربية suv لن اجد افضل من القشقاى رغم تحفظى على بعض الاشياء فيها ولكن مايفرقش معايا موضوع ارتفاع العربية سوف اشترى عربية سيدان متناسبة مع 1600 cc مثل الاوكتافيا او الالنترا او جولف 000000

ال octavia ال 1600 مبقتش موجوده و آخر سعر ليها الكلام ده كان من شهر 4 كان 205 للبيزلاين

ال جولف و الأكتأفيا الجديد نازل بفتيس DSG و ده مشاكلة لا تعد ولا تحصي