نويت اشتري صني الجديدة نصائحكم

[smartcode]

السلام عليكم ورحمه الله وبركاته
الاخوة الكرام
انا جديد معاكم هنا بقالي فترة بفكر اشتري اي عربية وربنا وفقني وقررت علي النيسان الشكل الجديد لكن مع البحث هنا لقيت مواضيع كتير جدا بتعيب فيها وبصراحة متردد

الرجاء من اصحاب النيسان الجديدة نصائحكم


شكراً

[kazamodia]

انا كان نفسي اشتري العربية دي لكن عمري ما سمعت فيها كلمة كويسة
بلاش لان صاجها ورق وفراملها بايظة

[shady.shaheed]

خليك فى الشكل الجديد . جميله و ناعمه . انا معايا من 4 شهور . ماشاء الله عليها . هيا بس مشكلة التيل و فى رأى دى حاجه هايفه , عندك السيراتوا اللى هيا اغلى ب 50 الف مليانا مشاكل تيل و نفس القصص

اتكل على الله :) و سيبك من الكلام اللى بيتقال

[د.هشام]

أكيد حلوا مشكلة صاجة التيل في الدفعات الجديدة
غير كدة العربية ممتازة

[jos]

السلام عليكم ورحمه الله وبركاته
الاخوة الكرام
انا جديد معاكم هنا بقالي فترة بفكر اشتري اي عربية وربنا وفقني وقررت علي النيسان الشكل الجديد لكن مع البحث هنا لقيت مواضيع كتير جدا بتعيب فيها وبصراحة متردد

الرجاء من اصحاب النيسان الجديدة نصائحكم


شكراً

انا العربية معايا عاملة 3000 كيلو والحمد لله مفيش اى مشكلة بالنسبة للفرامل انا مقابلتش الاصوات اللى البعض اشتكى منها وكمان كنت شايف ان مشوار الفرامل طويل بس الفكره انها بتشتغل حسب قوة الضغط بمعنى لو ضغطت بقوة هتلاقى العربيه وقفت وكلبشت اما لو ضغت بقوه ااقل هتلاقى الفرامل مشوارها اطول
اما بالنسبه للصاج فهو فعلا مش قوى بس كل العربيات كده مفيش عربيه صاجها جامد الا العربيات الالمانى
تقييمى انا للعربيه انها صفقه رابحه العربيه ناعمة وسحبها اتحسن جدا بعد اول 1000 كم الاوبشنز اللى فيها وخصوصا السوبر صالون كتيره ومتلاقيهاش متجمعه الا فى عربيات اغلى بكتير كمان العربيه عاليه مبتحكش فى المطبات وواسعه جدا من جوه الكراسى مريحه وانا فتحت الكابود وشفت الاجزاء معظمها صنع فى اليابان معدا الدينامو مكتوب عليه نيسان الهند
العربيه تقفيلها من تحت محترم اجزاء العفشه تبان انها قويه ومتينه والشكمان معزول كويس
الحقيقه لو مش معاك الا 118 الف مش هتلاقى عربيه زيرو مكونات اساسيه يابانى وتقفيل معقول جدا باوبشنز كتبره بالسعر ده الا هيا لو معاك اكتر ممكن تفكر فى الالمانى

[limo81]

الفكره انها بتشتغل حسب قوة الضغط بمعنى لو ضغطت بقوة هتلاقى العربيه وقفت وكلبشت اما لو ضغت بقوه ااقل هتلاقى الفرامل مشوارها اطول
اما بالنسبه للصاج فهو فعلا مش قوى بس كل العربيات كده مفيش عربيه صاجها جامد الا العربيات الالمانى

+11111111

[ramymoharram]

العربية رائعة وسيبك من الناس اللي بتتلكك لنفسها.....انا العربية عاملة معايا 3000 كيلو وبقالها معايا شهرين وشايفها زي الفل وربنا يبارك.....عربية ناعمة وواسعة بغباء واوبشنها رائعة بالنسبة لسعرها......أنا قعدت اعمل مقارنات كتيرة قبل الشراء بينها وبين عربيات تانية وبصراحة شايف العربية رائعة مقارنة بسعرها.....يعني مينفعش اقارن بينها وبين عربية أغلي خمسين ألف وأقول دي وحشة......صدقني نفس التلاكيك اللي الناس بتتلكك منها موجودة وأكتر في الأكسنت والسيراتو والإلينترا.......توكل علي الله ومتفكرش كتير أنا الناس كانوا محيرني أوي وكل واحد يقول كلمةوفي الأخر اكتشفت ان الرضاء جميع الأذواق صعب.....لو العربية عجباك توكل علي الله واشتريها