مشكله فى نقلات الفتيس الاوتوماتيك بتاع الصنى

[sunnawy]

يا جماعه انا عندى صنى 2009 ex saloon
و حصل معايا ان الفتيس بيجى عند ال 50 كم كده و ميرضاش ينقل غيار الاقى الار بى ام رفع عشان دايس بنزين كانى دايس على الفاضى لازم اقف و اطفى العربيه رجعت اشتغلت زى الفل و بتنقل و كله تمام و اتكرر الموضوع ده برضه بالظبط على سرعه اكبر 120كم بس دى محتاجتش انى اطفى العربيه و اشغلها لانى هديت و مرضيتش اعدى ال 120 و دى كانت المرتين اللى حصلوا معايا ..... عاوز اعرف بقى هى المشكله دى تبقى من ايه ؟؟؟؟؟ ممكن حد يفيدنى و شكراا جدا

[Ahmed Amin]

المشكلة دي في الغالب زيت ناقص في الفتيس,
أنصحك تكشف علي منسوب الزيت بتاع الفتيس أنهارده ومتمشيش عليها وهيا كدا, عشان لو كان في تسريب ممكن الفتيس ممكن يبوظ كله,
يا إما تطلع علي التوكيل وتخليهم يكشفو لك عليه.

[khaabas]

فعلا عليك وعلى التوكيل ومتمشيش بالعربية اكتر من كده

[sunnawy]

شكرا للاهتمام يا شباب هشوف موضوع الزيت ده

[Ahmed Amin]

متنساش تبقي تعرفنا عملت أيه لما تحل المشكلة,
وتقولنا كان أيه السبب بالظبط ,لان سبب تاخر النقلة بيكون في الغالب ما بين الزيت أو الڤالڤات.
بس بداية التشخيص بتكون بالكشف علي منسوب ومستوي الزيت.

[sunnawy]

يا جماعه انا كنت كشفت على الزيت وقتها و كان مظبوط و مش ناقص و مفيش اى تسريب و رحت للميكانيكى و قالى نفس الكلام مظبوط و رحت كشفت على الكمبيوتر الراجل قالى فى حساس الارضى الى على البلوك بتاع الموتور مش قارى على الكمبيوتر بس لما جربنا كانت العربيه بتنقل عادى جدا و مفيش اى مشكله خالص و هى دلوقتى مظبوطه مفيش حاجه بس انا مش عارف بقى المشكله من ايه لانها ممكن تيجى تانى

[Ahmed Amin]

لو الزيت مظبوط تبقي كدا مشكلة ecu, أو عيب في الضفيرة.
والسبب ممكن يكون خاص بالكابل اللي واصل لل ecu هيكون فيه وصلة منه مشكلة,
يعني المشكلة ممكن تكون خاصة بالكونيكتور اللي بيشبك في ال ecu عايز يضغط عليه كويس لو بكلبسات زي عندي,
أو يكون العيب بجزء من أسلاك بالضفيرة اللي كان فيها مشاكل.

والسبب أن المشكلة تكون متعلقة بال ECU أو الضفيرة إن الفتيس بياخد أوامر نقل الغيارات للغيارت كلها من ال ecu

سواء النقل للغيار الأعلي بتحسب هيا سرعتك ودوستك علي البنزين لو ماشي هادي هينقل علي rpm قليل عشان يحقق أعلي Fuel Economy
ولو رجلك تقيلك شوية هيأخر النقلة أكيد عشان يديك تسارع,

والتسقيط لو كبست بنزين مرة واحدة, دا ليه أمر مختلفة كلياً جوا ال ROM بتاع ال ECU
ودي بتبقي كلها مدخلات منك ال ecu هيا بترجمها وبتدي الأوامر للفتيس بأنو ينقل الغيار للأعلي أو يسقط الغيار للأقل أو يستني عليه.

فمعني أنو يهنج علي سرعة 50 ومينقلش الغيار والزيت مظبوط, أن كدا المشكلة في الغالب الكترونيه.
يا من توصيلات ال ecu يا من الضفيرة,

وأنا أول مرة أسمع عن حاجة أسمها حساس أرضي,
هوا قلك سلك أرضي ولا حساس أرضي, عمتاً راجع عليه الأول سواء كان سلك أو حساس أرضي,
وممكن تكون المشكلة منه زي ماقالك والله أعلم.

[Ahmed Amin]

أخر حاجة أن مادام الموضوع بقي فيه أحتمال أنو يكون ليه علاقة بالأرضي,
ممكن تجرب تمشي بالعربية ببطارية حد تعرفة تكون جديدة,, وتشوف المشكلة هتظهر معاك تاني بعد ما تعدي سرعة ال 120 ولا لأ.

لأن في أوقات كتير بتكون المشكلة من البطارية أو شحن الدينامو بيخلي ال ecu يخرف.
فخلي موضوع البطارية دا في بالك جربه الأول قبل ما تدخل في أي حوارات تانية.

ومستني منك رد بعد ما تجرب العربية الأول ببطارية حد تكون جديدة.