الواحد بدأ يكره العربية بعد ما كان بدأ يفكر فيها

[moh_shahin]

بصراحة اول مرة اعرف ان قرار شراء عربية جديدة صعب جدا للدرجة دي
انا بايع عربيتي الدايو بقال اكتر من شهرين دلوقتي وبدور بس اجيب ايه شوية اقول لانسر كلاسيك وارجع اقول عربية بقالها سنين بنفس الشكل وكمان سعرها عالي شوية
وشوية افكر في بيجو 301 وستروين اليزية وخايف منهم لانهم لسة جداد في السوق وان كان اسمهم معروف وخصوصا البيجو والاوروبي عموما اعلي من الياباني
واخيرا استقريت علي الصني من فترة فقلت اشوف اخبارها وقلقت منها بعد المواضيع الكتييرة بالسلب والايجاب وان كانت المواضيع السلبية اكثر ومعظمها في الفرامل والسحب والعزل

فما هو الاختيار الامثل في حدود مبلغ من 110 الي 130 الف خصوصا ان دي اول عربية اركبها ان شاء الله زيرو

وهل النيسان تخسر اسمهما في السوق بسبب شوية مشاكل بسيطة


ارجو افادتي وجزاكم الله خيرا

[addams_2]

نيسان سيارة محترمة جدا
أنا جربت الصني و كنت معجب بالسحب ولتسارع جدا

[moh_shahin]

نيسان سيارة محترمة جدا
أنا جربت الصني و كنت معجب بالسحب ولتسارع جدا

شكرا لرد حضرتك وليا كام سؤال لو تكرمت
حضرتك جربتها فترة كافية بحيث انك تقدر تحكم علي المشاكل اللي بعض الزملاء الافاضل اتكلموا عليها زي مشاكل الفرامل وسوء التقفيل والعزل السئ بسبب الكاوتش ولا
وهل بيفرق التسارع كتيير من المانوال للاتوماتيك

شكرا مقدما لحضرتك

[mony10]

كل عربيه ليها مميزتها وهيوبها انت قرأت عن المميزات والعيوب لكل عربيه في حدود المبلغ المحدد اظن انك ممكن تكون خدت قرار مبدأي هتشتري ايه بعد كدا تبدأ تسال عن العيوب دي من الناس اللي جربت العربيه اللي انت اخترتها باستفاضه اكتر وجمع آراء اكتر ويفضل انك تجربها طبعا لأن ممكن حد يكون كاتب عيب على عربيه وتكون مشكله فرديه وممكن حد يكون كاتب عيب ويكون بالنسبالك ملوش تاثير او مش فارق معاك على سبيل المثال موضوع العزل هو مش وحش في النيسان لأ هو عادي لأن العربيه اساساً ناعمه جدا ودا سبب انها مش محتاجه عزل عالي بس بيظهر العيب دا في السرعات العاليا ممكن تقول من بعد 140 فهل انت ممكن يكون دا عيب بالنسبالك ولو عيب يخليك تغير رايك خصوصا ان على السرعات العاليه بيكون في صوت ضجيج ظاهر فعلا بس مش عالي قوي يعني تقدر تتعايش معاه ودا طبعا مثال وليس للعيوب اللي انت قرأتها.
تجربتي الشخصيه مع النيسان معايا صني 2004 اي حاجه غيرتها فيها كانت نتيجه لسوء استخدام او سوء صيانه طبعا ما عدا العفشه دا كان عمر افتراضي.
بمعنى اصح انا مبسوط منها جدا في حدود امكانيات العربيه لكن لو انا عايز منها حاجات اكتر من امكانياتها يبقى مش هكون مبسوط معاها والحل اني اشوف عربيه تانيه تكون فئه اعلى منها علشان ترضيني.
ارجو اكون افادتك

[dodo2000]

اولا لازم العربية يكون فيها ايرباج و abs
ثانيا تكون اوتوماتيك و موتور 1600 علشان القوة و العزم

[mony10]

اولا لازم العربية يكون فيها ايرباج و abs
ثانيا تكون اوتوماتيك و موتور 1600 علشان القوة و العزم

دي حاجه متوفره تقريبا في معظم العربيات النهارده حتى العربيات الصغيره على سبيل المثال كيا بيكانتو فيها حاجات وامكانيات كتيره جدا اكتر من اللي انت طلبته دا بس طبعا موتورها اضغر من 1600 بس متناسب مع حجمها وبيدلها سرعه وعزم كويسين

[moh_shahin]

كل عربيه ليها مميزتها وهيوبها انت قرأت عن المميزات والعيوب لكل عربيه في حدود المبلغ المحدد اظن انك ممكن تكون خدت قرار مبدأي هتشتري ايه بعد كدا تبدأ تسال عن العيوب دي من الناس اللي جربت العربيه اللي انت اخترتها باستفاضه اكتر وجمع آراء اكتر ويفضل انك تجربها طبعا لأن ممكن حد يكون كاتب عيب على عربيه وتكون مشكله فرديه وممكن حد يكون كاتب عيب ويكون بالنسبالك ملوش تاثير او مش فارق معاك على سبيل المثال موضوع العزل هو مش وحش في النيسان لأ هو عادي لأن العربيه اساساً ناعمه جدا ودا سبب انها مش محتاجه عزل عالي بس بيظهر العيب دا في السرعات العاليا ممكن تقول من بعد 140 فهل انت ممكن يكون دا عيب بالنسبالك ولو عيب يخليك تغير رايك خصوصا ان على السرعات العاليه بيكون في صوت ضجيج ظاهر فعلا بس مش عالي قوي يعني تقدر تتعايش معاه ودا طبعا مثال وليس للعيوب اللي انت قرأتها.
تجربتي الشخصيه مع النيسان معايا صني 2004 اي حاجه غيرتها فيها كانت نتيجه لسوء استخدام او سوء صيانه طبعا ما عدا العفشه دا كان عمر افتراضي.
بمعنى اصح انا مبسوط منها جدا في حدود امكانيات العربيه لكن لو انا عايز منها حاجات اكتر من امكانياتها يبقى مش هكون مبسوط معاها والحل اني اشوف عربيه تانيه تكون فئه اعلى منها علشان ترضيني.
ارجو اكون افادتك

اه طبعا حضرتك افدتني بدون شك وجزاكم الله خيرا
انا مش عايز اطلع في الفلوس عن 120 بصراحة
وموضوع العزل السئ بعد 140 مش مشكلة لاني نادرا ما هاوصل للسرعات دا بحكم الطرق الحلوة بتاعتنا وبحكم اني بمشي في طريق متلحقش تجيب فيه 100 اصلا
لكن انا موضوع قلقي الرئيسي كان من الفرامل خصوصا وبعد كدا الصاج الضعيف حتي دا مش مشكله لان اي عربية لو كانت ايه مع اي خبطة - لا قدر الله - هتأثر فيها
واخيرا ربنا يوفقنا جميعا في اختيار الافضل والانسب باذن الله
وشكرا مرة تانية لرد حضرتك

[amr011111]

نيسان تيدا
تقفيل مكسيكى - اتنين ايرباجز - مرايات كهرباء - فرامل abs+ebd+ba

[heshhesh]

بص هيه امكانيتها كويسه
فيها شويه مشاكل بس فى نوعيه الطيل والطنابير
غير كده مفيهاش حاجه مؤثره اوى

[مانويل مايكل]

نيسان 2013 شكل قديم او جديد عيوبها كتير وانا مجرب

[jojojojo]

انصحك بالنيسان تيدا اول فئه اتوماتيك عربيه ممتازه بس يارب تلاقيها وتقريبا مفهاش اي عيوب من الصني سواء شكل قديم او جديد لو ملقتهاش انصحك بنيسان صني الشكل القديم عربيه ممتازه واعتماديه اكتر من الشكل الجديد او الانسر بوما الكلاسيك عربيه برضه ممتازه قطع غيارها متوفره وياباني 100% وسوقها كويس غير كده هتلاقي الاسعار معديه الرينج اللي حضرتك حطه وبالتوفيق ان شاء الله

[i_Am_Legend]

بروتون بيرسونا ...وانسي الصنى

[monamize4]

ريو
او تيدا
او لانسر
او بيرسونا

[saidamer]

نصيحتى بلاش نيسان الجديدة

أنا نصيحتى ليك أوعى تشترى نيسان الشكل الجديد أنا ندمان إنى اشتريتها هو فى عربية جديدة طول ما انت ماشى سانع سيمفونية من الطوب اللى بيخبط فى الصاج عشان ما فيش كارتيرات على العجل ولا صوت صفارة الفرامل ولا صوت عربية نقل لو دوست على الفرامل وانت واقف وصوت تشغيل التكييف وحاجة تقرف شركة نيسان قللت السعر على حساب الجودة هو فى عربية يتغير فيها طنابير أمامية وتيل فرامل وكاوتشة مساعدين خلفى وصاجة التيل الخلفى وهى لم تتعدى 5000 كيلو متر

[huss2000]

انا محتار بين البرسونا والصني الشكل القديم ...