أنــــا هـــابـــــــيع الـنيــــــــــــــــــــ سان

[HaNo_ELBeh]

أذيكم يا اجمل اصدقاء
كل عام وكل المصريين بخير وبصحه
انا باذن الله ناويت ابيع العربيه علشان محتاج فلوس لظروف خاصه
لو محتاج العربيه ياريت يكلمنى ونحدد ميعاد
المواصفات:
1-النوع:نيسان صنى الشكل الجديد 2013
2-العداد:4900 ك
3-اللون:نبيتى غامق
4-الفئه:سوبر صالون 1500 سى سى
5-كماليات اضافيه:سنسور بارك
العربيه باسمى عليها اكياس المصنع
تم تغير الزيت مرتين علشان التلين فيها زيت شيل
6-السعر:120000 ج
موبايل:01066631226
تحياتى

[lamada]

انت هتبيعها مستعملة ب 120 الف

اومال هى زيرو بكام؟

[monamize4]

بالتوفيق ان شاء الله

[eng_amrnabil]

موفق في البيع ان شاء الله

[M I D O]

موفق ان شاء الله في البيع

[hugan]

انت هتبيعها مستعملة ب 120 الف

اومال هى زيرو بكام؟

+1 سعرها كام زيرو

[salah_86]

ليه ياباشا عاوز تبيعها ؟

[Dr.M_baz]

موفق في البيع إن شاء الله.

[HaNo_ELBeh]

ليه ياباشا عاوز تبيعها ؟

حبيبي يا ابوصلاح منـــــــــــــــــور بيتك التانى نيسان
بص بصراحه العربيه فيها مجموعه من وجهه نظرى مش عيوب ولكن انا باعتبرها اخطاء تصنيع على فقر فى خامات العربيه على عدم الاختيار الصحيح لخطوط الانتاج والبلاد المصنعه لخامات العربيه
العربيه من حيث المميزات فهى مش كتير يعنى الوسع/العلوا من الارض/الاضاءه الواضحه/انوار العدادات الجميله
ولكن كعيوب
1-الفرامل السيئه جدا جدا
2-الكاوتش السيئ
3-الجنوط الضعيفه
4-عدم الاتزان بعد ال120 على الطريق
5-عفشه نشفه نسبيا
6-صوت الموتور عالى بنسبه بسيطه بسبب سير الكاتينه الجنزير
7-مشاكل التكيف المتكرره
8-الصاج الخفيف
واعتقد ان اسم نيسان هيخسر كتير بسبب الصنى الجديده
تحياتى ليك

[S O P H O S]

ربنا يوفقك فالبيع ..

[khaledshaheen]

إستخير ربنا قبل البيع وربنا يختارلك الخير

[Karim_Monir]

انت شرررركت العربية خالص:-)
امال مين هايشتريها بعد اللي انت قولته ده :-)
ربنا يحسنلك بيعها
بس لما روحت جربتها في المصنع كانت كويس مجملا بالنسبة لتمنها
بس انت ادري لانك مالكها

[HaNo_ELBeh]

انت شرررركت العربية خالص:-)
امال مين هايشتريها بعد اللي انت قولته ده :-)
ربنا يحسنلك بيعها
بس لما روحت جربتها في المصنع كانت كويس مجملا بالنسبة لتمنها
بس انت ادري لانك مالكها

والله يا استاذ منير انا بقول اللى انا شوفته من العربيه ديه بعد 5000 ك من المشى والسفر وكمان لانى من مالكى اليابانى زى الانسر و الدايهاتسوا
اقدر اقيم ولو بخبره متواضعه ان نيسان بتلعب بتاريخها القديم والعريق بانهم يصنعوا عربيه زى ديه
ومع كل احترامى لتجربت حضرتك القصيره للعربيه انا كنت زى حضرتك كده اول مااستلامت العربيه كانت ممتازه لكن بعد فتره بسيطه حسيت ان فى بعض المشاكل واشهرها مشكله الفرامل وخوفى من ان القصه ديه تسمع فى مصر وتبتدى الشركه تسحب عربيتها من الشارع بسبب سوء التصنيع او عيوب فى التصنيع
تحياتى لحضرتك

[Islam_Shady]

و على كده لما تبيعها ناوى تشترى ايه؟

[theblackpirate]

هى عربيه بسم الله ما شاء الله عليها صاج زى الورقه البواب يلمعها الصبح يسند على الكابوت يقوم مطبق الكاوتش بسم الله ما شاء الله عليه بيلم حصا وطوب عشره على عشره ده غير صوته الجميل لما تفرمل وانت ماشى على 50 مثلا نيجى بقى لاحلى حاجه فيها الفرامل التيل بيصفر لما تيجى تفرمل واعتبر نفسى من المحظوظين عشان معملش كده معايا غير بعد 12000 كيلو ودى تعتبر مسافه كبيره بالنسبه لباقى العربيات الصنى الجديده عليه العوض ومنه العوض فى الفلوس اللى ادفعت فيها