بفول الصنى والمؤشر مش على الfull

[ahmad--ezzat]

مؤشر البنزين بقى يلخبط عندى يارجاله

من اسبوع فولت الصنى 2008 على الاخر المؤشر مجاش على ال FULL
جبت ازازه بنزين ومليت على الزور برضه مفيش فايده

العوامه حصلها ايه !!!؟

[superb]

الموضوع مش مقلق .. هو امر بيحصل مع ناس كتير .. حاول و انت بتفول العربيه متخليش المسدس على اعلى سرعه و خلى الراجل يحط بنزين غلى اول سرعه و يفضل متسبش التانك لجد ما العربيه تنور لأن لما البنزين بينزل التانك و هو فاضى و بسرعه فى تفريغ للهواء اللى جوا التانك مع رغاوى الهواء .. دا بيوصلك البنزين لزور التانك بس فى الحقيقه لما بيعدى شوية وقت المستوى بينزل و بالتالى العربيه مفولتش 100 %

[ahmad--ezzat]

مش فاهم حاجه ههههههههه
العربيه متفوله
والبنزين على الاخر

[zerocairo]

تفريغ هوا ؟؟؟؟؟؟؟
المسدس على أعلى سرعه ؟؟؟؟
طبيعى يعنى ان محدش يفهم حاجه عشان اصلا مفيش حاجه تتفهم
يريت حد بيفهم يشرح لصاحب الموضوع مشكلته ايه

[el diesel]

بص اللى فهمته من كلام العضو superb ان لما العامل بيملى البنزين بسرعة بيبقى عامل كانك فتحت ازازة بيبسى وفضيتها فى كوباية بسرعة فاهاتعمل كمية رغاوى كبيرة تاخد حيز هواء فقط مش سائل وبعد الرغاوى دى بتتبخر و بتفضى الكوباية بس مش عارف هل البنزين فيه نفس الفكرة ولا لأ

[ahmad--ezzat]

يارجاله رغاوي ايه ,,,هو احنا اول مره نركب عربيات ولا اول مره نحط بنزين

ثم ده بنزين مش بيبسي :d

بجد مش فاهم

[Mohamed Abosef]

انا عندي نفس المشكله في الصني ٢٠٠٩ و مش لاقي حل و خايف افك و العب في الطرمبه
وجربت اخلي العامل يعمل المسدس علي اقل سرعه و مافيش فايده العربيه متفوله للزور بس الموءشر عند ال 3/4

[aymankfafy]

السلام عليكم ....المشكلة يا جماعة بسيطة ومش عارف حاسس انكم مكبرين الموضوع شوية ....حضراتكم دى العوامة اللى جوا التانك فيها شوية بنزين او مليانة بنزين ودة طبعا عامل تقل فيها وخليها دايما تبقى تحت مستوى البنزين ...حضرتك فك العوامة وبصبر حاول تشوف الخرم فين وحاول تلحمة وبرضة والعوامة برة فى ايدك حتلاقى العوامة بتتحرك على طريق نحاس حاول تنظف النحاس دة بالدبليو 40 والموضوع كلة بسيط بأذن اللة

[windofchange]

وممكن تستخدم منظف دورة الوقود علي فلتر بنزين جديد...

[eleanor]

المشكله مش فى العوامه المشكله فى فيشه العوامه عايزه تتنضف فك الفيشه ونضفها وركبها تانى هاتلاقيها ظبطت