سؤال مستعجل للتيداويه المحترفين

[Medhat Bahgat]

السلام عليكم جميعا
دلوقتي أنا قدامي تيدا 2011 سوداء , هاتش باك , بدون فتحه سقف , تكييف تاتش "مش عارف يقصد الزراير تاتش يعني و لا ايه ؟! " , فبريكه جوه و بره , صيانه بالتوكيل , صاحبها طالب 107 ألف ..
أيه رأيكوا أتكل على الله فيها و لا غاليه بلاش و السعر المناسب لها كام و رأيكم أيه في العربيه ديه ؟
و أي نصيحه انا كلي أذان صاغيه , تحياتي

[jojojojo]

ياريت تفاصيل اكتر العربيه عامله كام كيلو عشان الكيلوات بيتحدد عن طريقها السعر ومتنساش تكشف عليها في التوكيل قبل الشراء والعربيه من العربيات الممتازه والف مبروووك مقدما

[Omar_4ever]

ماشية كام كيلو ؟

[Medhat Bahgat]

معلش نسيت اكتب انها ماشيه 22500 ك , و بعتذر عن التأخير في الرد

[m_love4me]

ممتازه جدا
اطلع جربها وامشي بيها
وروح التوكيل اعمل فحص
وتوكل على الله

[Medhat Bahgat]

ممتازه جدا
اطلع جربها وامشي بيها
وروح التوكيل اعمل فحص
وتوكل على الله

معلش يا جماعه , في دلوقتي هاتش باك سودا 2012 تيدا بردك صاحبها شاريها في سبعه 2012 المشكله انها عامله 25 ألف ك و انا حاسس ان ده كتير على سنه و احده بس , بس عاجبني انها 2012 و مطلوب فيها 105 و قابل للتفاوض على فكره هي الفئه الاولى يعني مفيش فتحه سقف و لا طاره مالتي و لا جنةط , رأيكم أيه انا رايح اشوفها يوم السبت !!