غلطة الشكل الجديد الى ملاك النيو صنى

[gold_777]

السلام عليكم
هو احنا ملاك الشكل الجديد كده احنا غلطنا فى الاختيار للنيسان
على الرغم من ان الواحد كان فاكر انه هيبقى اختيار جيد
وبعدين التقرير اللى كان نايل موتورز منزله بالصور والله كان له معايا تاثير كبير
طيب مفروض الموقع يعدل التقرير
واحنا نعمل رابطه ونشوف حل مع شركه نيسان
حتى لو وصلت اننا نروح نرميلهم العربيه فى وشهم ونسبها بس ميضحكش علينا كده . ونسكت
والا الناس ايه رايها

[mmohamed15]

ترمي العربيه ايه يا باشا
ما انت دفعت خلاص يعني خدوا فلوسهم بس فعلا التقربر كام مبدئي كانوا هيعرفوا مشاكل التيل منين ما مش بتبان الا بد ما تقطع علي الاقل الف كيلو بالعربيه
بس اللي الواحد اتعلمه انه ميشتريش عربيه قبل ما تقعدلها في السوق سنه علي الاقل و تكون كل حاجه فيها بانت

[AhMeD MeTwAlY]

انا قولت الصني دي عربيه كتيانه ومشاكلها كتير الناس اتخنقت معانا

[monamize4]

بس اللي الواحد اتعلمه انه ميشتريش عربيه قبل ما تقعدلها في السوق سنه علي الاقل و تكون كل حاجه فيها بانت

+1111111

[Mohammmed]

طيب هى طلع فيها ايه ياباشا

[mmohamed15]

المشكله الحقيقه اللي انا شايفها موضوع الفرامل كل الحاجات التانيه عادي و موجوده في عربيات كتير لكن الفرامل دي اللي مصيبه بجد

[hamaka]

انا قولت الصني دي عربيه كتيانه ومشاكلها كتير الناس اتخنقت معانا

ناس كتير يا باشا قالوا رأيهم فى العربية اتبهدلوا من ملاكها و قسم النيسان بالذات من كل أقسام المنتدى اللى مليان مواضيع من النوع ده و على العربية دى بالذات ، ناس تقول رأيها و ناس تدخل تهاجمهم و خلاص ، و يطلعوا يقولولك دى حملة تشويه....

[mmohamed15]

المشكله الاساسيه بدال الفرامل اللي ركبه عفريت و كل لحظه بشكل لو المشكله دي تتحل اعتقد ان احنا هنبقي راضين عن العربيه

[nona_yaris]

مع كامل احترامي لمحبي النيسان
النيو صني والجوك
شكلهم صعب جدا زي ما تكون العربية عندها عاهة مستديمة او تشوه في الجينات الوراثية وحاسة ان اللي صممها هو نفسه اللي صمم السبرانزا 213 المكعبرة دي
زي ما يكون اللي صممهم قاصد يعكنن على اللي يشوفها في الشارع
انا طبعا باتكلم عن الشكل الخارجي اما الامكانيات معرفش طبعا لاني عمري ما سوقتهم
والمسألة ازواق في الآخر

[mikology]

مع كامل احترامي لمحبي النيسان
النيو صني والجوك
شكلهم صعب جدا زي ما تكون العربية عندها عاهة مستديمة او تشوه في الجينات الوراثية وحاسة ان اللي صممها هو نفسه اللي صمم السبرانزا 213 المكعبرة دي
زي ما يكون اللي صممهم قاصد يعكنن على اللي يشوفها في الشارع
انا طبعا باتكلم عن الشكل الخارجي اما الامكانيات معرفش طبعا لاني عمري ما سوقتهم
والمسألة ازواق في الآخر

[abokoko]

لاصحاب العربيه
صبرا يمكن التوكيل يخاطب الشركة ويلاقوا حل على حساب الشركة
بس الاهم هو الشكوى الجماعيه لحمايه المستهلك والشركة الام
وما ضاع حق لمطالب

[nona_yaris]

لاصحاب العربيه
صبرا يمكن التوكيل يخاطب الشركة ويلاقوا حل على حساب الشركة
بس الاهم هو الشكوى الجماعيه لحمايه المستهلك والشركة الام
وما ضاع حق لمطالب

تفتكر ممكن يعملو عمليات تجميل للعربيات اللي في السوق ؟؟
اليابان ممكن تعملها
دول جبابرة

[mmohamed15]

المشكله مش في الشكل اللي جاب العربيه مفرقش معاه شكلها لكن يفرق معاه ان فيها abs , ba , ebd و بدال الفرامل كل مره ليه طول ده اللي يفرق يا اساتذه

[abokoko]

تفتكر ممكن يعملو عمليات تجميل للعربيات اللي في السوق ؟؟
اليابان ممكن تعملها
دول جبابرة

انا بتكلم عن مشكلة الفرامل
الشكل شيئ وافق عليه من اشتراها من البداية

[amrwael12]

الحمد لله معايا صنى 2010 سوبر صالون بسم الله ما شاء الله عليها بقالها معايا 3 سنين و الحمد و الشكر لله عمرى ما قابلت منها مشاكل فى اى جهه عربية ما شاء الله بمعنى الكلمة بجد