بكره هخلص في تيدا 2012 رجااااااااء المساعده العاجله

[Medhat Bahgat]

السلام عليكم و رحمه الله
معلش يا جماعه , في دلوقتي هاتش باك سودا 2012 تيدا صاحبها شاريها في شهر سبعه 2012 المشكله انها عامله 25 ألف ك و انا حاسس ان ده كتير على سنه و احده بس , بس عاجبني انها 2012 و مطلوب فيها 105 و قابل للتفاوض على فكره هي الفئه الاولى يعني مفيش فتحه سقف و لا طاره مالتي و لا جنوط , رأيكم أيه انا رايح اشوفها بكره , ياريت تنصحوني في السعر و اخلي بالي من ايه و انا بفحصها عند التوكيل و اي نصيحه بس رجاءا بسرعه
تحياتي للجميع

[m_love4me]

اولا سعر العربيه جديده تقريبا 132 الف

العربيه عامله 25 الف ف سنه , دا مش كتير بحكم حاله العربيه
يعني انا ف شهر 3 الجاي هبقي كملت 3 سنين ولحد الان عامل 60 الف كيلو
بس تركب العربيه , وصوتها وشدتها و العفشه و الصيانات , العربيه كأنها زيرو الحمدلله
لانى لو سمعت صوت فيها بتجنن لحد ما اشوف ايه السبب

ال بيحكم حاله العربيه ,,,والمرممطه و اسلوب السواقه

لو العربيه حلوه فعلا واكشف عليها ف التوكيل
توكل على الله ومش هتندم

تحياتى لك

[jojojojo]

25 الف مش كتير المهم تكشف عليها في التوكيل وتتاكد من حالتها وتحاول تنزل في سعرها شويه والتيدا من العربيات الممتازه جدا والف مبروك مقدما

[SERGIOOO90]

سعرها حلو جدا على فكره لو كانت بحالة ممتازة

[sayco100]

انا بعت عربيتى النيسان بعد 11شهر بالظبط
كانت عاملة 22الف ك تقريبا مش كتير ولا حاجة 25
المتوسط 20الف فالسنة
بس سعرها والله مفتيش فيه
لكن عموما التيدا الهاتش الأبر ((العالية)) مفيش كلام عليها
وانا لو بفكر اشترى جديد اشترى التيدا من روعتها
وربنا يوفقك فيها ان شاااءالله

[Omar_4ever]

اهم حاجة تكشف على اهم عيب في التيدا وهي علبة الدركسيون وقطمة الدركسيون

[Medhat Bahgat]

شكرا جدا لكل الناس اللي شاركت في الموضوع للأسف بعد ما كنت واخد كلمه من الراجل بكلمه علشان اعرف العنوان قالي اتباعت :( , الحمد لله قدر الله و ما شاء فعل
بشكركم على تفاعلكم فعلا و ربنا يكرمكم
معلش ايه موضوع قطمه الدريكسيون و هل هو منتشر في التيدا فعلا ؟