حادثه الساحل

[smartjo]

مساء الخير

امبارح عملت حادثه على طريق الساحل
دخلت ف عربيه نيو اكسنت من ورا
وقف فى الحارة الشمال خوفا من عربيه تانيه جنبه دخلت فى السور
وانا ضربت فرامل ع الاخر
العربيه زحفت مده
شيلت رجلى وفرملت تانى
زحفت برضه
لحد ما ف الاخر دخلت فيه

والنتيجه دغدغه الاكسدام
وكبس الكابوت بسيط مع الشبكه

لكن بأه الاكسنت ربنا معاه
اكسدام اتدمر
شنطه اتبهدلت
فانوسين مكسورين

ودى صور عربيتى

[Silent~Dream]

الحمد لله على السلامه و مش مهم العربيه اهم حاجه ان انتوا بخير

[aldesha989]

قدر الله وما شاء فعل

[Dr/ P.K.Sh]

الحمد لله

[مانويل مايكل]

حمدلله على سلامتك . أنا معايا نفس العربية 2013 وفعلا فى مشكلة فى زحف العربية . هل دة عيب ولا دة علشان عدم وجود abs لأن 2013 بدون abs

[kareem_eg]

قدر الله و ما شاء فعل ...المهم انك بخير

[eleanor]

الحمد لله والف حمد لله على سلامتك

[aimank]

بسيطة قدر الله وماشاء فعل
السرعة كانت كام الي كنت ماشي عليها و عندك abs ولا لآ ؟

[Mohab555]

الحمد لله قدر الله وماشاء فعل ... الحمد لله بسيطه ان شاء الله .. هو الاكصدام بس هيتغير و هتعمل الكبوت على البارد و ان شاء الله سهله ...

[jojojojo]

قدر الله وما شاء فعل بسيطه ان شاء الله والحمد لله ان معاك الصني عشان لو عربيه تانيه كانت هتبقي الخساير اكتر بس انا عايزك تكشف علي التكييف والريداتير وبخصوص الاكصدام اي حد بتاع فيبر يلحمه في عجينه عندهم بتبقي بلون الاكصدام بيلحم بيها وبترجع زي الاول واحسن ان شاء الله والكبوت يترد علي البارد بسيطه برضه وترجع ان شاء الله زي الاول وافضل والف حمد الله علي سلامتك

[toty_305]

-حسبي الله و نعم الوكيل

[wardet]

الحمد لله ياباشا بسيطة
انا برضه عملت قبل كدا حادثة على المحور
ودخلت فى ميكروباص وللحظ كان مركب الديفندر اللى بيبقى ورا دا
الاكصدام اتقطع بس من فوق عند الحتة النيكل كدا واتطبق طبعاً
والشبكة اتكسرت والكبوت عمل قبة من النص والحمد لله 1000 جنيه اتظبطت

[smartjo]

متشكر لكل الاهتمام

انا لحمت الاكسدام من جوة بس عشان مايترشش
ولسه هاعمل السمكرة

الحمد لله مفيش اى حاجه ف التكييف او الردياتير
هو بس البار اللى شايل الفوانيس معووج شويه
بس الحمد لله

اظن مشكلة الزحف دى جايه من سببين
ان العربيه تقيله اوى وبالتالى لما تدى فرامل لدرجه الزحف
تقل العربيه بيخليها تدى قصور ذاتى كتير
وكمان عشان من غير abs

إن شاء الله بعد ماخلص السمكرة واركب الاكسدام
هانزل الصور

شكرا لكل الاعضاء

[Youssef.Awad]

حمد لله على سلامتك اولا واخيرا ..

نصيحة وعن تجربة عملا بنصيحة احد الاصدقاء .. لما تلاقى موقف طوارىء او الطريق وقف فجآة اكبس فرامل للاخر هتسمع صرخة وقبل ما تزحف هوى رجلك سنة بسيطة من على دواسة الفرامل هتلاقى العربية بتهدى جامد جدااا وساعتها تكبس تانى وتقف قبل اخذ الصدمة
العملية بسيطة ومحتاجة تعود بس زى حاجات كتير فى سواقة العربية مثل المرايات وزاويتها والنقلات ووزن الرجل على الدواسات وغيرها
عن تجربة قوة فرملة الصنى بدون abs اقوى من الصنى اللى بabs اللى فيها جزء من قوة الفرملة بيهدر فى تشغيل النظام وفايدته من وجهة نظرى انك ممكن تناور وانت كابس فرامل وهتلاقى الدواسة بتترجرج تحتك .. ده كلام من ناس جربوا الاتنين برضه ومش عيب فى العربية ولا حاجة
واللى مش مصدق يركب اى عربية كورى ويجرب بنفسه !!!

[Silent~Dream]

حمدلله على سلامتك . أنا معايا نفس العربية 2013 وفعلا فى مشكلة فى زحف العربية . هل دة عيب ولا دة علشان عدم وجود abs لأن 2013 بدون abs

السوبر صالون فيها abs و العربيات الى مفيهاش بتزحف عشان الفرمله المفاجئه + ضغط جامد على الدواسه