صوت "تزييق" عند ركوب صني الشكل القديم 2012

[citadeldeath]

الأخوة الأعزاء،

معي سيارة نيسان صني 2012 الشكل القديم عدادها حوالي 39.000 كلم. أتسائل عن صوت يشبه "التزييق" عند ركوب السيارة لأفراد في قسم المقاعد الخلفية من المقصورة، هو صوت بسيط وليس كبير، ولكني أخشى أن يكون هناك مشكلة في المساعدين، هلى تعرض أحدكم لمثل هذا الموقف، وما هي اقتراحاتكم للمشكلة؟ وإذا كان مساعدين، أليس مبكراً تغييرهم عند الـ 40.000 كلم فقط؟ وكم سعرهم عند التوكيل؟

وشكراً على سعة صدركم وكل عام وأنتم جميعاً بخير

[mony10]

لو انت متاكد ان الصوت من بره العربيه او من العفشه مش من جوه او من اي حاجه تانيه اكيد الصوت بيكون في حالة ركوب او نزول اي فرد من الكرسي الخلفي مش الركوب بس.
جرب تاني بدون الضغط على الفرامل مع عدم رفع فرامل اليد ممكن تخلي الفتيس على p او تكون العربيه في مكان مستوي بحيث انها ما تتحركش لو مش دايس على الفرامل او رافع فرملة اليد ومستني الرد

[citadeldeath]

لو انت متاكد ان الصوت من بره العربيه او من العفشه مش من جوه او من اي حاجه تانيه اكيد الصوت بيكون في حالة ركوب او نزول اي فرد من الكرسي الخلفي مش الركوب بس.
جرب تاني بدون الضغط على الفرامل مع عدم رفع فرامل اليد ممكن تخلي الفتيس على p او تكون العربيه في مكان مستوي بحيث انها ما تتحركش لو مش دايس على الفرامل او رافع فرملة اليد ومستني الرد

الصديق العزيز،

هو فعلاً الصوت عند الركوب والنزول من السيارة وليس الركوب فقط، أنا مش متأكد بصراحة إذا كان الصوت من برة العربية أم من العفشة، هو صوت بسيط بصراحة بس أنا بحب أكون مطمئن وأتلافى أي مشكلة في بدايتها، كما أن الصوت ده مبيبقاش موجود في كافة الأوقات، يعني إمبارح مثلاً كان موجود وأنا معايا أوزان كبيرة في الخلف. هجرب موضوع الفرامل ده وهردّ عليك. وشكراً مجدداً

[ahmed salah90]

الصوت ده لما تبقى الفرامل اللي ورا ماسكه يعني شادد فرامل اليد و موقف العربيه بدوسه فرامل بسيطه ده من التيل اللي ورا و الله اعلم انا عندي نفس الصوت في صني 2011 وده تحليلي للموقف موش عفشه ولا كنبه بسيطه موش تركز اوي في الصوت علشان لو ركزت في كل حاجه ممكن تتعب نفسك و فلوسك الا اذا كانت حاجه مهمه اوي
و كل عام و حضرتك بخير عيد سعيد عليك انشاء الله

[Youssef.Awad]

اطمن عالاخر وده صوت طبيعى جدااااااااااااااا فى الصنى الشكل القديم

والسبب ان الصوت ناتج عن احتكاك التيل الخلفى بالطنابير الخلفية اللى شكلها طبلات مقفولة drum والتيل اللى عليها بيكون حركته انفراجية وليس انضاغطية مثل الامامى مع الديسكات الامامية وده بيكون لو حضرتك دايس فرامل الرجل او شادد فرامل اليد انما لو جربت حد ينزل ويركب بدون فرامل مش هاتسمع حاجة
لأنه لما حد بيركب وينزل خلوص العربية الخلفى عن الارض بيتغير طلوع ونزول وده بيخلى العجلات الخلفية تلف حول محورها الرأسى بشكل بسيط يظهر فى صوت التزييق من التيل

الحل .. لما تروح صيانة ال40.000 كم هينضفولك التراب ويكشفوا على الطنابير والتيل ومدى سلامتهم ولو عندهم اسبراى يترش على التيل بيمنع صوت التزييق ده لفترة قبل عمل الصيانة المقبلة

[citadeldeath]

الصوت ده لما تبقى الفرامل اللي ورا ماسكه يعني شادد فرامل اليد و موقف العربيه بدوسه فرامل بسيطه ده من التيل اللي ورا و الله اعلم انا عندي نفس الصوت في صني 2011 وده تحليلي للموقف موش عفشه ولا كنبه بسيطه موش تركز اوي في الصوت علشان لو ركزت في كل حاجه ممكن تتعب نفسك و فلوسك الا اذا كانت حاجه مهمه اوي
و كل عام و حضرتك بخير عيد سعيد عليك إن شاء الله

الصديق العزيز،

نعم يبدو أن كلامكم كله صحيح، الموضوع موضوع فرامل اليد لما تكون ماسكة شوية، لأني جربت من غير فرامل اليد لم أجد صوتاً على الإطلاق. وشكراً للنصح

[citadeldeath]

اطمن عالاخر وده صوت طبيعى جدااااااااااااااا فى الصنى الشكل القديم

والسبب ان الصوت ناتج عن احتكاك التيل الخلفى بالطنابير الخلفية اللى شكلها طبلات مقفولة drum والتيل اللى عليها بيكون حركته انفراجية وليس انضاغطية مثل الامامى مع الديسكات الامامية وده بيكون لو حضرتك دايس فرامل الرجل او شادد فرامل اليد انما لو جربت حد ينزل ويركب بدون فرامل مش هاتسمع حاجة
لأنه لما حد بيركب وينزل خلوص العربية الخلفى عن الارض بيتغير طلوع ونزول وده بيخلى العجلات الخلفية تلف حول محورها الرأسى بشكل بسيط يظهر فى صوت التزييق من التيل

الحل .. لما تروح صيانة ال40.000 كم هينضفولك التراب ويكشفوا على الطنابير والتيل ومدى سلامتهم ولو عندهم اسبراى يترش على التيل بيمنع صوت التزييق ده لفترة قبل عمل الصيانة المقبلة

الأخ العزيز،

شكراً جزيلاً على الرد المفصّل، ويبدو أن استنتاجك في محله لأنني لم أجد صوتاً عندما نزلت فرامل اليد، ولكن بعد رفعها مجدداً وجدت هذا الصوت. وإن شاء الله مع صيانة الـ 40.000 كلم سأخذ بنصيحتك وأقول لهم ينضفوا التراب ويكشفول على الطنابير والتيل، علماً بأنني لسه مغير التيل الأمامي في صيانة الـ 35.000 كلم ومن قبله غيّرت التيل الخلفي، لذا أعتقد أن المشكلة ليست في التيل والله أعلم.

[citadeldeath]

لو انت متاكد ان الصوت من بره العربيه او من العفشه مش من جوه او من اي حاجه تانيه اكيد الصوت بيكون في حالة ركوب او نزول اي فرد من الكرسي الخلفي مش الركوب بس.
جرب تاني بدون الضغط على الفرامل مع عدم رفع فرامل اليد ممكن تخلي الفتيس على p او تكون العربيه في مكان مستوي بحيث انها ما تتحركش لو مش دايس على الفرامل او رافع فرملة اليد ومستني الرد

الأخ العزيز،

قمت بنصيحتك، ولم أجد صوتاً مع تنزيل فرامل اليد، مما يؤكد كلام الأخوة الأفاضل بأن المشكلة قد تكون أتربة متعلقة بالتيل أو ما شابه ولا علاقة لها بالمساعدين.

[Youssef.Awad]

الأخ العزيز،

شكراً جزيلاً على الرد المفصّل، ويبدو أن استنتاجك في محله لأنني لم أجد صوتاً عندما نزلت فرامل اليد، ولكن بعد رفعها مجدداً وجدت هذا الصوت. وإن شاء الله مع صيانة الـ 40.000 كلم سأخذ بنصيحتك وأقول لهم ينضفوا التراب ويكشفول على الطنابير والتيل، علماً بأنني لسه مغير التيل الأمامي في صيانة الـ 35.000 كلم ومن قبله غيّرت التيل الخلفي، لذا أعتقد أن المشكلة ليست في التيل والله أعلم.

حضرتك غيرت ازاى التيل الخلفى قبل الامامى فى صنى شكل قديم ؟!!!!!
كل اللى اعرفهم مش بيغيروا الامامى قبل 30-40 الف كم مانيوال او اتوماتيك
وفى ناس تانية وانا منهم الحمد لله ما غيرتش على ضعف الارقام دى نهائى
طبيعة السواقة والطرق وعربية مانيوال او اتوماتيك بتفرق طبعااا
بس نصيحة لا تركب اى قطع غير اصلية فى عربيتك لأن عمرها الافتراضى وجودة صناعتها بتفرق كتييييييييييييييير

[citadeldeath]

حضرتك غيرت ازاى التيل الخلفى قبل الامامى فى صنى شكل قديم ؟!!!!!
كل اللى اعرفهم مش بيغيروا الامامى قبل 30-40 الف كم مانيوال او اتوماتيك
وفى ناس تانية وانا منهم الحمد لله ما غيرتش على ضعف الارقام دى نهائى
طبيعة السواقة والطرق وعربية مانيوال او اتوماتيك بتفرق طبعااا
بس نصيحة لا تركب اى قطع غير اصلية فى عربيتك لأن عمرها الافتراضى وجودة صناعتها بتفرق كتييييييييييييييير

الأخ العزيز،

والله ده على حسب ما أنا فاكر، ممكن يكون العكس، بس إللي متأكد منه إني غيرت تيلين حتى الآن واحد في صيانة الـ 25 ألف والتاني في صيانة الـ 35 ألف. وطبعاً أنا مبتعاملش مع أي مركز خدمة غير التوكيل سواء في الميكانيكيا أو حتى تصليح السيارة لا قدر الله، لذا فكل قطع الغيار أصلية وتبع التوكيل.

[khaledshaheen]

شكرا جزيلا للإفادة يا Youssef.Awad
وده كلام فعلا حقيقي أنا معايا 2008 ونفس الحكاية

[khaledshaheen]

سؤال بقه للناس الرايقة صوت زعقة عند الضغط على الفرامل بالذات فى السلانسيه ولما قولتلهم فى التوكيل قالولى حنضف التيل من التراب الللى عليه بس الصوت رجع تانى ومستمر علطول مع الفرملة ده يبقى تيل ولا طنابير ولا ايه ؟ وبالمرة سعهم ايه بالضبط انا معايا 2008 أوتو

[Youssef.Awad]

سؤال بقه للناس الرايقة صوت زعقة عند الضغط على الفرامل بالذات فى السلانسيه ولما قولتلهم فى التوكيل قالولى حنضف التيل من التراب الللى عليه بس الصوت رجع تانى ومستمر علطول مع الفرملة ده يبقى تيل ولا طنابير ولا ايه ؟ وبالمرة سعهم ايه بالضبط انا معايا 2008 أوتو

غالبا بتحصل الاصوات دى اول ما تيجى تتحرك الصبح او بعد ركنة طويلة يعنى والعربية باردة مش كده ؟؟

بص هو فعلا بيكون من التراب بين التيل والطنابير وبيضيع بعد كام ضغطة على الفرامل واول ما تسخن كمان

والمهم ان قوة الفرامل بغض النظر عن الاصوات والبرودة والسخونة زى ماهى ما بتتأثرش