أنــــــــــــا و الفـــــــــــــــتيس و العـــــــــــــــذاب

[HaNo_ELBeh]

أذيكم يا احلى شباب
مش هاطول عليكم علشان الصيام وحرام احق دمكم قبل الفطار بس حبيت اقول على ملاحظه غريبه وممكن تتحول الى مصيبه بعد كده وربنا يستر عليا وعليكم
انا طبعا وزى ماحضرتكم عارفين انى مالك للعربيه الجميله صنى الشكل الجديد ربنا مايحرمنى منها قولوا

أمــــــــــــــــــــــــــــــــــــــــــــــــ ـــــــــــــــــــــــــــين

المهم نكلم فى الموضوع انا ملاحظ من فتره بسيطه ان نقلات الفتيس مش زى الاول بمعنى انى بحس انى لما بنقل من ال p مثلا الى ال R او الى ال D ان علبه الفتيس بتعمل زى صوت خبطه بسيطه مابين النقلات وخصوصا مع ضعف الفرامل هتلاقى ان النقلات بقت صعبه والعصايه تقلت مابين النقلات
مش عارف هل القصه ديه انا بس اللى ملاحظها
ممكن كل واحد من حضراتكم يجرب ويرد عليا
معلش علشان الموضوع حارق دمى وعايز اشاركم معايا
كل سنه وانتم طيبين

[M.Al-Hefnawy]

زيت الفتيس أخباره ايه ... غيرته قبل كده ... الفتيس cvt ولا عادي وستبترونك؟

[Youssef.Awad]

ملاحظات يجب اخذها فى الاعتبار مع اى فتيس اتوماتيك ..

1. ميل الارض له عامل على النتشة دى بمعنى لو الارض مستوية بيكون فيه سهولة اكتر من لو الارض مايلة حتى بدرجة خفيفة لان وقتها بتكون العجلات متحركة على الارض وتروس الفتيس وقت الشبك مش فى مكانها وقت فك التعشيقة .. والحل انك تقف بالفرامل وتشد فرامل اليد قبل ما تشيل رجلك من على الفرامل وتنقل عصاية الفتيس وتعمل العكس قبل ما تتحرك تنقل الفتيس قبل ما تفك فرامل اليد ورجلك على الفرامل

2. تغيير زيت الفتيس لابد منه وضرورى كل 40 الف كم عالاكثر او حسب توصيات الصانع والتوكيل بنفس نوع الزيت ونفس مواصفاته

[john55]

ساعات بسمع صوت اللوك بتاع الفتيس في اكسنت2012 زي ثقل في النقلات بين pالي r دي علي اساس الارض بمعني لو في ميل هتسمع صوت وثقل النقلات ولو ارض مستويه مفيش مشكله جرب شد فرامل اليد قبل تحريك الفتيس لو قلقان في اقرب صيانه قول لهم في التوكيل وشكرا

[wama00]

انا معايا ال 2007 وفعلا بحس بنفس الخبطة بالظبط بين ال p & R بس مش على طول يعنى ساعات وساعات بس ما لاحظتش بصراحة موضوع ميل الارض ده,, هبقى اخد بالى واشوف

[HaNo_ELBeh]

زيت الفتيس أخباره ايه ... غيرته قبل كده ... الفتيس cvt ولا عادي وستبترونك؟

ياباشا العربيه زيرووووو ماشيه 5000 ك
وطبعا الفتيس عادى

[HaNo_ELBeh]

ملاحظات يجب اخذها فى الاعتبار مع اى فتيس اتوماتيك ..

1. ميل الارض له عامل على النتشة دى بمعنى لو الارض مستوية بيكون فيه سهولة اكتر من لو الارض مايلة حتى بدرجة خفيفة لان وقتها بتكون العجلات متحركة على الارض وتروس الفتيس وقت الشبك مش فى مكانها وقت فك التعشيقة .. والحل انك تقف بالفرامل وتشد فرامل اليد قبل ما تشيل رجلك من على الفرامل وتنقل عصاية الفتيس وتعمل العكس قبل ما تتحرك تنقل الفتيس قبل ما تفك فرامل اليد ورجلك على الفرامل

2. تغيير زيت الفتيس لابد منه وضرورى كل 40 الف كم عالاكثر او حسب توصيات الصانع والتوكيل بنفس نوع الزيت ونفس مواصفاته

منور يا يوسف بيك وحشنى والله
انا بتكلم على الغيارات بصفه عامه وماجبتش سيرت ان الارض مايله لانه ومن الطبيعى ان ميل الارض هيساعد على صعوبه الغيارات
على العموم ان بشكرك على مدخلتك بس مش ده اللى انا اقصده
انا بتكلم على الغيارات بصفه عامه ان ممكن يكون فى مشكله فى علبه الفتيس ومع الوقت نكتشف المصيبه زى الفرامل
ربنا يستـــــر

[HaNo_ELBeh]

ساعات بسمع صوت اللوك بتاع الفتيس في اكسنت2012 زي ثقل في النقلات بين pالي r دي علي اساس الارض بمعني لو في ميل هتسمع صوت وثقل النقلات ولو ارض مستويه مفيش مشكله جرب شد فرامل اليد قبل تحريك الفتيس لو قلقان في اقرب صيانه قول لهم في التوكيل وشكرا

اذيك يا جون باشا منـــــــــور
انا فاهم قصدك بس انا زى ماقولت فى رد الاستاذ يوسف انها مش مشكله طريق مايل او ان انا مش عارف اشد فرامل اليد علشان افك التعشيقه انا بتكلم ان ممكن يحصل مشكله مع الوقت ولاحتكاك فى علبه الفتيس
وموضوع التوكيل ده قصه فاشله يعنى هما حلوا مشكله الفرامل لما اروح اقولهم ان فى مشكله فى النقلات
متشكر ليك

[HaNo_ELBeh]

انا معايا ال 2007 وفعلا بحس بنفس الخبطة بالظبط بين ال p & r بس مش على طول يعنى ساعات وساعات بس ما لاحظتش بصراحة موضوع ميل الارض ده,, هبقى اخد بالى واشوف

فعلا هى مش على طول وبرضه مش هتبقى ميل الارض
على العموم لاحظ ورد علينا
متشكر ليك

[HaNo_ELBeh]

متابع...!!

[essamcne]

بص عالموضوعين دول

http://www.nilemotors.net/Nile/74319-a.html

http://www.nilemotors.net/Nile/222333-a.html

و للمزيد من المواضيع المفيدة

http://www.nilemotors.net/Nile/163656-a.html

[HaNo_ELBeh]

بص عالموضوعين دول

http://www.nilemotors.net/nile/74319-a.html

http://www.nilemotors.net/nile/222333-a.html

و للمزيد من المواضيع المفيدة
http://www.nilemotors.net/nile/163656-a.html

شكرا ليك
بس انا مش باقصد كيفيه التعامل مع الفتيس او شرح علشان ازاى استخدم الفتيس انا بتعامل مع الاوتوماتيك من 10 سنين
انا بتكلم فى موضوع تانى وهو هل فى حد لاحظ ان فتيس الصنى الجديده فى مشاكل
شكرا وتحياتى

[maryano]

http://www.nilemotors.net/Nile/373952-9.html

[mmekha]

الموضوع دة بيحصل معايا انا كمان بالظبط صوت تكة وخبطة كدة اما تنقل الغيار من p الى اى غيار تانى وكمان اما باجى انقل الى p بسمع صوت تكة قوية برضوا ومش عارف اى السبب
عربيتى 2009 اتو

[elnady_1987]

يا باشا لما تركن وتجيب الفتيس على p متشلش رجلك من على الفرامل غير لما تشد الهاند بريك ولما تيجى تمشى متنزلش الهاند غير لما تدوس فرامل