إعـــــــلان

Collapse

.

,
See more
See less

عاوز اعمل ريست لكمبيوتر نيسان صني

Collapse
X
 
  • Filter
  • الوقت
  • Show
Clear All
new posts

  • عاوز اعمل ريست لكمبيوتر نيسان صني

    كل عام و انتم بخير و عيد سعيد ليكم كلكم انشاء الله


    كنت عاوز اعمل ريست لكمبيوتر نيسان صني 2011 علشان مشكله ارتفاع عدد لفات المحرك على السلانسيه خصوصا اني ماروحتيش التوكيل ولا مره من ساعه ما اشتريت السياره علما اني جبتها زيرو بس كنت بكسل اروح التوكيل فانا عاوز اجرب حوار اني اعمل ريست لكمبيوتر العربيه انا سمعت عن الحوار ده الموضوع ده صحيح ولا ايه و بيتعمل ازاي بالتصوير البطيئ
    و جزاكم الله خير

  • #2
    (( تدخل المفتاح في الكونتاكوتديره كأنك هتشغل السياره لحد اللمبات لما تنور وطبعا بتطلع لك المبات جميعها ولمبة التشييك ومن ضمنهم لمبه الايرباق اول ماتضي ركز فيها واول ماتنطفئ اطفئ المفتاح مباشره للاخر بدون ماتطلعة برة لأنك لو تأخرت ما بتضبط البرمجة
    نعيد عشان توضح تفتح المفتاح وتنتظر لمبة الايرباق ليما تنطفئ واول ماتنطفئ تأفل المفتاح كانك هتشيلة لاخر تكة وتعملها اربع مرات متواصله و الخامسه
    تشغل السياره مباشره ومبروك عليك البرمجه ))

    Comment


    • #3
      المشاركة الأصلية كتبت بواسطة moumen_hs مشاهدة المشاركة
      (( تدخل المفتاح في الكونتاكوتديره كأنك هتشغل السياره لحد اللمبات لما تنور وطبعا بتطلع لك المبات جميعها ولمبة التشييك ومن ضمنهم لمبه الايرباق اول ماتضي ركز فيها واول ماتنطفئ اطفئ المفتاح مباشره للاخر بدون ماتطلعة برة لأنك لو تأخرت ما بتضبط البرمجة
      نعيد عشان توضح تفتح المفتاح وتنتظر لمبة الايرباق ليما تنطفئ واول ماتنطفئ تأفل المفتاح كانك هتشيلة لاخر تكة وتعملها اربع مرات متواصله و الخامسه
      تشغل السياره مباشره ومبروك عليك البرمجه ))
      ربنا يخليك و الف شكر
      و كل عام و حضرتك بخير
      عيد سعيد انشاء الله

      Comment


      • #4
        يعنى إيه إعادة برمجة الكومبيوتر يعنى كل العدادات حتتمسح ولا إيه بالضبط ماهى الفائدة من ذلك ؟

        Comment


        • #5
          المشاركة الأصلية كتبت بواسطة khaledshaheen مشاهدة المشاركة
          يعنى إيه إعادة برمجة الكومبيوتر يعنى كل العدادات حتتمسح ولا إيه بالضبط ماهى الفائدة من ذلك ؟
          يعني اللوحه بتاعه العربيه الانجيكشن يتعملها ريست ترجع من اول و جديد يعني يمسح كل الاخطاء بمعنى زي ما تعمل للموبايل اعاده ضبط المصنع دي المعلومات اللي عاندي والله اعلم

          Comment


          • #6
            دي اعراض تلف ضفيرة الكهرباء . الريست مش حينفع . ﻻزم تتغير والحق غيرها ف الضمان
            .
            [sor2]http://www14.0zz0.com/2013/04/28/21/496557114.jpg[/sor2]

            Comment


            • #7
              المشاركة الأصلية كتبت بواسطة zinger مشاهدة المشاركة
              دي اعراض تلف ضفيرة الكهرباء . الريست مش حينفع . ﻻزم تتغير والحق غيرها ف الضمان
              هي دي المشكله اني ماروحتيش اعمل ولا صيانه لحد دلوقتي و العربيه عامله 38000 كم موش عارف كده خرجت بره الضمان ولا ايه هروح قريب انشاء الله و شوف الموضوع و شكرا لتجاوب حضرتك معايا و
              كل عام و حضرتك بخير عيد سعيد انشاء الله

              Comment


              • #8
                العربية ضمانها 3سنين أو 100000 كلم يعنى لسة فى الضمان حاول تغير أى حاجة فيها عيوب إنت أولى

                Comment


                • #9
                  تمام حضرتك عندك حق و ربنا يسهل و عيد سعيد انشاء الله

                  Comment


                  • #10
                    طيب بالنسبه للى بره الضمان - ايه الحل ؟؟

                    Comment


                    • #11
                      و الله انا سمعت انها في التوكيل عامله 4500 جنيه و الله اعلم و يعوض عليك

                      Comment


                      • #12
                        طيب لو متغيرتش ايه اللى يحصل
                        والعيب تفتكر يستاهل تغيير كامل للضفيره ؟ ولا عيب و بيتصلح و يقولو غيرنا الضفيره ؟ وبالتالى ممكن اغير اللى فيه العيب و خلاص

                        Comment


                        • #13
                          المشاركة الأصلية كتبت بواسطة mikology مشاهدة المشاركة
                          طيب لو متغيرتش ايه اللى يحصل
                          والعيب تفتكر يستاهل تغيير كامل للضفيره ؟ ولا عيب و بيتصلح و يقولو غيرنا الضفيره ؟ وبالتالى ممكن اغير اللى فيه العيب و خلاص
                          تستاهل التغير علشان هتبى مدايق و انت واقف في اشاره او حاجه زي كده و العربيه عاليه غير كده استهلاك بنزين و ممكن العربيه تسخن مع الوقت غير كده الطالعه بتاعت العربيه هتبقى مقرفه و هتفضب تاكل في الاسطوانه بالذات في المطالع انا عن نفسي ببقى قرفان و ربنا يسترها معانا

                          Comment


                          • #14
                            هو انا عندى بتعلى على 1200 rpm مثلا - وبينى بينك انا هابقى مضايق اكتر لو دفعت 4500 جنيه و العيب اكيد مش فى كل الضفيره - لو نعرف بس هما بيغيرو ايه فى التوكيل بالظبط ؟؟ كان الواحد عملها بايديه و بكده فعلا مش هاضايق ههههههههههههههههههههههههههههه

                            Comment


                            • #15
                              حضرتك سؤالى موصلش لحضرتك لما بقولك والعيب تفتكر يستاهل تغيير كامل للضفيره ؟
                              اللى اقصده هنا عن الضفيره ؟ تفتكر العيب ده سببه ضفيره ؟؟ - مش سلك ولا فيوز و لا مقاومه - ضفيره كامله ؟؟؟!!!

                              Comment

                              Working...
                              X