إعـــــــلان

Collapse

.

,
See more
See less

لتعلم ان الوكيل هوه سندك فى السيارة اللى هتشتريها

Collapse
X
 
  • Filter
  • الوقت
  • Show
Clear All
new posts

  • لتعلم ان الوكيل هوه سندك فى السيارة اللى هتشتريها

    السلام عليكم ورحمة الله و بركاته
    كل عام و انتم بخير يا اعضاء منتدانا الجميل
    احب احكيلكم قصتى مع نيسان بس معلش لو مقدرتش اكمل الموضوع مره واحده لانى مصدقت اخدذت اجازة وقلت اقعد ادردش معاكو بس القصة حلوة و هتطلعو منها بملخص حلو للسيارة
    بدايه قررت اشترى سيارة فقلت اشتريها كاش و الا قسط؟ فقررت فى الاول قسط وكنت خلاص صممت على كده و لفيت لما انهريت لغاية ما وصلت لللاتفاق مع بنك ناصر بفائده 6.5 % سنويا
    المهم قلت ادور على نوع العربية اللى هشتريصراحة ما كنش عاجبنى شكلها الجديد ها
    اولا قررت انها تكون يابانى او كورى
    لقيت معشوقة الجماهير نطت ل 80 الف اقصد الفيرنا فقلت فى بالى بلاش ادفع المبلغ ده كله و ما فيهاش اى وسائل امان او حماية من السرقة او نظام فرامل
    فكرت فى اللانسر بس كانت اعلى من امكانياتى
    ورحت للاكسنت ار بى بس لقيتهم عاملين منها 4 موديلات تقريبا و الهاى لاين بتاعها قرب من الالنترا
    وقعدت افكر و بصراحة كان تايه عن بالى النيسان خالص رغم انى بحبها جدا
    بس بصراحة ماكنش عاجبنى شكلها الجديد اوى لغاية ما قررت اروع فرع مودرن موتورز اللى جنبنا قلت اتفرج على العربية و ما كنتش اعرف ان الموديل القديم لسه بينزل
    المهم كان فيه اتنين موديل قديم و كذا واحدة من الجديد علة حته تيدا على واحده قاشقاى
    فقلت اركز على الشكل الجديد و قعدت افلى فى العربية يمين و شمال واروح واعدى عليها بعد يوم و الا اتنين ووريتها لزوجتى و والدتى
    فعجبتهم وبدات اقتنع بيها و قررت اعزمت امرى على شرائها وقلت اتوكل على الله و اجيبها

  • #2
    نكمل ....... القصة لسه طويلة حبتين و مش هتصدقو اللى حصل و الله
    المهم حجزت حته نيسان اتوماتيك الفئة الاولى اللون الاحمر و بعدين غيرت راى وخليتها برونز الكلام ده فى اوائل فبراير اللى فات
    واخذت عرض سعر و قلت اروح البنك اخلص قصة القسط دى و بعدين قلت فى نفسى ما تخلص و تريح روحك و تجيبها كاش ولا حظر بيع و لا وجع دماغ واقتنعت و لغيت فكرة التقسيط
    و بلغت الجماعة بتوع مودرن ان الدفع كاش فانبسطو وزقططو اوى و كنا قبل كده ان التسليم بعد اسبوعين او تلاته و كانت بالسعر الجديد 107 الف
    وكان هذا التغير فى خطة الدفع لحكمة لم يكن احد يعلمها الا الله هقولهالكم بعد شوية
    المهم اتصل عليا مندوب المبيعات بعدها بعشر ايام وقالى انه فى سيارة كانت محجوزة و صاحبها لغى الحجز تحب تستلم قولتله اوى اوى
    روحت تانى يوم البنك و سحبت الفلوووووووووس ورحت استلم السيارة و اخدو الفلوس و استلمت العربية و الحمد لله كانت كل حاجه فيها زى الفل و كانت عامله 70 كيلو
    مسافة ما بتيجى العربية من ابورواش
    المهم كان معايا اخويا الاكبر فقلتله سوقها انته لغاية البيت و انا كان معايا عربيتى القديمة و لانى مش متعود اسوق الاتوماتيك
    و من ستر ربنا بردو ان اخويا اللى ساق لان لو انا اللى سوقت عملرى ما كنت اكتشفت المشكلة ابدا لانى كنت همشى تاته تاته وةمش هعدى ابدا ال60
    زهقتو و الا اكمل

    Comment


    • #3
      نكمل مع بعض القصة

      واستلمت العربية بناء على توصيات احد زملائنا فى المنتدى الرائع ده كيفية الاستلام الصحيح وكانت العربية زى الفل و مه ميه و كانت عامله 70 كيلو مسافة ما بتيجى من ابورواش
      المهم ازكلت مهمة توصيل العربية للبيت لاخى الاكبر لانى ما كنتش متعودعلى الاتوماتيك و حسيت ان العربية ابعاد ها كبيرة ودى كانت تانى حكمة ان اخويا اللى يسوقها مش انا لانى عمرى ما كنت مزود عن 60 ك/س
      المهم روحنا فولنا التانك بسبعين جندى و الناس فرحنالى بالعربية وكل شوية واحد يقول لخويا مبروووووووك
      المهم بدانا ناخد سكة البيت و يبعد 15 كيلو من المعرض
      و جه اخويا فى اخر 5 كيلو الطريق بيفتح فضغط على الدواسة وطار بالعربية ووصلنا البيت وركنا ونزلنا نشرب كوبايتين شاى
      لقيت اخويا بيقولىى ان العربية كويسة بس فيه صوت بيظهر بعد 80 لما فتح بالعربية
      و جربه مرة كمان
      المهم الدنيا كانت ليلت و اخوبا كان بيقولى دى حاجه بسيطة ما تقلقش فما خرجتش بالعربية اشوف الصوت ده
      بس عملت حاجه حلوة انى اتصلت بالمبيعات و بلغتهم موضوع الصوت المهم قالى تلاقيك ما كنتش منزل الهاند بريك للاخر و ده سبب الصوت
      اه نسيت اقولكم الصوت ده ما كنتش سمعته بس بلغتهم بيه فى لحظتها
      زهقتو و الا لسه............. هاقوم انام دلوقتى و اكملكم بكره ان شاء الله
      لو مهتمين نكمل قولولى علشان ما تعبش نفسى فى الكتابة على الفاضى

      Comment


      • #4
        معاك 11 واحد كمل ياباشا والف مبروك ...
        [SIZE=3]" اللهم إنا نجعلك في نحورهم ، ونعوذ بك اللهم من شرورهم "[/SIZE]

        Comment


        • #5
          كمل كمل كمل كمل

          كمل يا عم هو انت هتحكي مسلسل تركي من 7000 حلقة انت شوقتنا قوي وبعد كدة التتر نزل ولا مسلسلات رمضان..انا اتشوقت للقصة ويا ريت تكملها مرة واحدة

          Comment


          • #6
            هاه و فاطمة عملت ايه بعد كدا ياباشا معك كمل

            Comment


            • #7
              صباح الخير عليكم
              و الله انا بحكى بشوية تفاصيل مش غلاسة ولا حاجه ولا تشويق مسلسلات رمضان انما لحاجه واحده لازم كلنا نؤمن بيها ( ما كان لك ما كان ليخطئك و مالم يكن ما كان ليصيبك)
              المهم اخويا قالى ان الصوت ده زى صوت ونه بعد ما عدى ال80 بالسياره وانها ممكن تكون بلية العجل هيه اللى بايطة
              المهم عديت يوم ورحت اليوم اللى بعده من الساعة 9 لمودرن استلم الورق و اروح ارخص
              وانا فى الطريق قرصت على العربية و سمعت الصوت ووصلت المركز وقلتلهم على الصوت وبقو مستغربين اوى ومش مصدقين
              طلع فنى الصيانة بالعربية ومعرفش فيها ايه
              وطلع وراه بالعربية مهندس الصيانة وماعرقش بردو فيها ايه
              فكو العجل و صنفرو التيل و ما فيش فايده بردو
              المهم قالولى العربية فى الضمان ما تقلقش اى حاجه هتتغير فيها لو بايظة على حسابهم
              بس بصراحه حسيت ان انا مش مبسوط لان الموضوع شكله كبير و مش موضوع بلى عجل
              الساعة جت واحدة وبالصدفه لقينا وزة اقصد مهندسة من مصنع نيسان جايه تعمل شيك اب على المركز و سمعناها الصوت و معرفتش بردو و الانكى انها قالت انها ما تعرفش تفاصيل الموديل الجديد هيه متخصصة فى n16 بس
              و قالولى سيب العربية نبعت الصوت بعد ما سجلوه على موبايل للمركز الرئيسى و يفتيهم للصوت و يجى مهندس من هناك يفحص السياره
              من هنا قررت ان انا مش هاخد السيارة دى
              وبدات اطالبهم بتغير السيارة
              المهم مهندس الصيانه كان محترم و قالى نعرف الاول ايه اللى فى السيارة و بعد كده نسيبلك القرار اذا كانت حاجه بسيطة و الا حاجه كببيرة
              المهم انا رفضت و قلتلهم انا ارفض ان انا اشترى عربية زيرو فيها مشكلة
              و صممت على تغيير السيارة وقلتلهم بدل ما اسحب الفلوس كلها و اقعدلكم فى المبيعات و اطفشلكم الناس اللى جايه تشترى
              المهم بعد طول نقاش اتفقنا على تبديل السيارة واظن ان ده معجزة مش ممكن تحصل فى اماكن كتيرة او توكيلات كتيرة
              لان ساعتها كانو هيقولو الضمان و ما الى اخره
              وكان فيه سيارة فيرانى هناك و قالولى استلمها فرفضت و قلتلهم عاوز نفس اللون اللى انا طالبه وتم بالفعل ارسال سياره بنفس المواصفات تانى يوم من مخزن ابو رواش
              واحب اوضح ان لو كنت اشتريتها قسط ما كنتش هستلم العربية الا يوم ما انا رايح ارخص السيارة وكانت هاتترخص باسمى ومكنتش هاكتشف الصوت ده الا بعد الترخيص وماكنتش هاعرف ارجعها ابدا
              اولا اود ان اقول الحمد لله كثيرا فهو مدبر لكل امر
              ثانيا اوجه الشكر لشركة مودرن لتعاونهم معى قسم المبيعات لانه هوه اللى غير العربية
              وانا دلوقتى عامل 5000 كيلو بمحبوبتى نيسان صنى و هاكتبلكم عن ادائها و تقييمها بكل امانه بس لما اشوف تشجيع منكم يا حبايب منتدانا

              Comment


              • #8
                قدر الله وما شاء فعل والف مبروك ع العربيه بس كنت ممكن تختصر الحوار الكبير في كلمتين انهم غيروا العربيه بس خير المهم انك راضي ع التوكيل والعربيه

                Comment


                • #9
                  ألف مبروك على العربيه ونصيحه خلى بالك وخليك دايما متابع للعربيه لو ظهر اى حاجه اجرى عليهم
                  [frame="7 80"][SIZE="3"]التقدم في العمر حتمي
                  ولكن ان تشيخ روحك فهو اختيارك[/SIZE]:Zb_sor1[1]:[/frame]

                  Comment


                  • #10
                    المشاركة الأصلية كتبت بواسطة jojojojo مشاهدة المشاركة
                    قدر الله وما شاء فعل والف مبروك ع العربيه بس كنت ممكن تختصر الحوار الكبير في كلمتين انهم غيروا العربيه بس خير المهم انك راضي ع التوكيل والعربيه
                    اولا متشكر لاهتمامك بالرد بس كان قصدى من سرد الموضوع ان فيه ناس كتيرة بتعيش نفس الحيرة عند شراء سيارة جديدة سواء النوع و الموديل او طريقة الشراء
                    ثانيا ممكن حد يتعرض لنفس الموقف او ياخد باله من عيب جايز يظهر فى عربيات من نفس الموديل
                    ثالثا ما ضاع حق وراءه مطالب و اخيرا ان العربيات دى حظوظ و بخت
                    كل عام و انته بخير

                    Comment


                    • #11
                      المشاركة الأصلية كتبت بواسطة hano_elbeh مشاهدة المشاركة
                      ألف مبروك على العربيه ونصيحه خلى بالك وخليك دايما متابع للعربيه لو ظهر اى حاجه اجرى عليهم
                      الله يبارك فيك يا باشا مرسى لذوقك
                      و متشكر جدا على النصيحة وانا رايح صيانه 5000 يوم الخميس ان شاء الله و فيه ملاحظات هحاول اعملها هناك فى الصيانة

                      Comment


                      • #12
                        1000مبروك
                        شكرا للسرد الجميل
                        [SIGPIC][/SIGPIC] ياتقول كلام في محله يا تقول حلو ياحلو
                        [url]/photos/a.879931698703941.1073741827.879900435373734/879931905370587/?type=1[/url]

                        Comment


                        • #13
                          الصراحه خدمه نيسان ممتازه من مبيعات الى توكيل الى خدمه ما بعد البيع
                          بصراحه ده مميزات تفتقدها شركات كتيير
                          والحمد لله انها جت على اد كده اخى العزيز
                          وربنا يبارك لك فيها ويعطيك خيرها ويكفيك شرها

                          Comment


                          • #14
                            المشاركة الأصلية كتبت بواسطة mem مشاهدة المشاركة
                            الصراحه خدمه نيسان ممتازه من مبيعات الى توكيل الى خدمه ما بعد البيع
                            بصراحه ده مميزات تفتقدها شركات كتيير
                            والحمد لله انها جت على اد كده اخى العزيز
                            وربنا يبارك لك فيها ويعطيك خيرها ويكفيك شرها
                            فعلا ده اللى لاحظته مع نيسان فى المبيعات و الصيانه
                            وربنا يباركلنا كلنا فى سيارتنا و يكفينا شر الطريق

                            Comment


                            • #15
                              مبروك العربيه ........الحمد لله الذى لا يحمد على مكروة سواة

                              Comment

                              Working...
                              X