صني 2007

[أحمد خاطر]

السلام عليكم يا أهل المنتدى الكرام..

كنت عاوز اعرف ينفع احول العربية الصني من مانيوال إلى أتوماتيك عشان زحمة الطريق و كده..فعاوز أعرف تتكلف كام تقريباً و تتعمل فين و هل التوكيل بيعمل كده ولا لأ و هل ده هيأثر عالعربية ولا لأ..

شكراً جزيلاً..

[ALKareem]

مش هياثر على العربية غير في التسارع لان المنوال طبعا اسرع اما بنسبة انة ينفع فممكن بس لازم تشوف الكونترول و الكمبيوتر بتاع العربية هل كمبيوتر المانوال لو غيرت الفتيس اوتوماتيك بيقرا عادي ولا لازم تغير الكمبيوتر معاة لان عارف السيفيك لو مانوال و قلبتها اوتوماتيك لازم تغير الكنترول بتاعها لكنترول اوتوماتيك انما لو العكس يعني العربية اوتوماتيك و قلبتها مانوال مش بتغير الكنترول بنسبة للتكلفة حوالي 2000 جنية الرانج دة طبعا لو هتجيب فتيس استيراد التوكيل ممكن يكون بيعمل كدة بس غالي فحضرتك ممكن تجيب قطع الغيار من برة و تركبها في التوكيل عشان نظافة الشغل

[ALKareem]

في ميكانيكي في امبابة اول ما تنزل من الدائري نزلة القومية هتلاقية على ايدك اليمين لو انت جاي من ميدان لبنان و ماشي في اتجاة شبرا الخيمة اسمه محمد و شغال في الاوبل و الجولف و اسعارة كويسة المصنعية ربنا يكرمك و يكفيك شرها اسمة محمد اوبل

هو قلب عربيت صحبي من منوال لاتوماتيك و بيشتغل في الياباني برضوا ممكن تروحلة و تشوف لو فية حاجة كلمني على الخاص لو محتاج اي مساعدة :)

[ahmedalaahosny]

هو مش هيعمل فرق غير ف التسارع بس التكلفة ووقفه الصنيعية هى اللى بتحكم الموضوع لو لقيت واحد كويس اوى ف ا الحوار بتاع تحويل المانيول لاوتو يبقى توكل على الله تروح لواحد من بتوع الاستيراد وتتفق معاه انك تديله حاجة المانيول اللى راكبه عندك وتاخد منه حاجة الاوتوماتيك وشوف الفرق كام او الافضل بيع بتاعتك واشترى واحده اوتو من المصنع توفير للتكلفة وفتى الصنايعية

[khaleel]

افضل شيئ تعمله عشان تريح دماغك ومتدخلش في مشاكل كتيرة ووجع دماغ
بيع العربية
واشترى واحدة اتوماتيك
للامانة ده افضل شيئ تعمله

[mony10]

طبعا ممكن تغير المانيوال لاوتوماتيك وكان عندي تجربه في الموضوع دا من فتره بسبب اني كان عندي مشكله في الفتيس المانيوال وكان لازم يتغير ولقيت ان الفتيس الاوتوماتيك متوفر جدا في السوق وسعره ارخص من المانيوال واخدت القرار اني اشتري اوتوماتيك بس قولت اروح التوكيل الاول ودا كان رد اتنين مهندسين في السبع:
- فتيس اوتوماتيك طبعا
- لوحة عدادات جديده للاوتوماتيك
- دواسات جديده اوتوماتيك طبعا بنزين وفرامل فقط بدون دبرياج
- كونسول اوتوماتيك مع عصاية الفتيس الاوتوماتيك
- راديتير جديد يكون للاوتوماتيك بيكون فيه فتحتين زياده من تحت لتبريد الفتيس
- تغيير ضفيرة العربيه بالكامل من ضفيرة مانيوال لاوتوماتيك
- احسب في الآخر المصنعيه علما باني قولتلهم هشتري الحاجات دي من بره واركبهم هنا و التوكيل رفض انه يعمل الموضوع دا
وكان الحل اني اشوف اي ورشه بره تعمل الموضوع دا.
وفي الاخر صرفت نظر واشتريت فتيس مانيوال وركبته وخلاص

[wama00]

بالظبط كدة اسلم شئ انك تبيع المانيوال وتجيب اوتوماتيك,,,, ده حوار وتكلفة مهولة وكمان مش اى صنايعى يعمل الموضوع ده

[أحمد خاطر]

متشكر ليكم يا جماعة..واضح ان الموضوع مش بسيط..و هيتكلف فالأفضل فعلاً البدل بأتوماتيك.. شكراً جزيلاً..