بخصوص بارات الدركسيون وتيل فرامل صني 2012

[osama405]

السلام عليكم يا شباب
انا معايا نسان صني 2012 عاملة 20000 كيلو المهم روحت اعملها صيانتها و كنت بشتكي من نقر وخبط في الدركسيون لما امشي علي ارض مش مرصوفة او امشي بسرعة فوق ال 100 المهم قاللي المهندس عاوزة تغيير بارات دركسيون و تغيير قطمة الدركسيون وتيل امامي وخلفي!!!!!!!!!!


السؤال هو بارات الدركسيون وتيل الفرامل مش تبع الضمان والمفروض مش ادفع تمنهم؟؟؟؟؟؟؟؟؟

[osama405]

, و هل انا باخد معايا كل قطع الغيار القديمة اللي غيرها لي ؟؟؟؟؟و هو الاحسن في المرحلة دي زيت 5000 ولا 100000؟؟؟؟؟؟؟؟؟

[hugan]

طالما ملتزم بمواعيد الصاينه الدوريه
يبقي التغيير عليهم
وطبعا زيت تخليقي 10000 افضل
بس نيسان وتغير بارات علي 20000 كيلو
مش المفترض ان العربيه دي ياباني
واعتماديه
في عضو تاني عامل موضوع عن عربيته في التوكيل ليها سنه ونصف
وداخله في مقايسه عفشه وفتيس 28000 جنيه

[Youssef.Awad]

انت بتتكلم على صنى الشكل القديم ولا اى عربية ؟؟
اصل موضوع التيل والبارات والحاجات دى مش بيظهر كعيب فى الصنى القديمة
كل اللى اعرفهم ما حدش غير تيل امامى على اقل من 30 الف كم فى صنى قديمة !!!

[Ahmed Amin]

المهندس دا شكله بيشتغلك وعايز يعمل شغل ليك,, عربية عاملة 20 ألف كيلو أخرها تربط عفشة,
ولو البارات فيها عيب صناعة وانت ماكلتش بيها حفرة كبيرة او مطبات تتغير ف الضمان.

الفرامل لو أدائها كويس معك منتاش محتاج تغير تيل,, ولا الجدول بيقول فرامل تتغير علي 20 ألف !!
ولو غيرت تيل بتغير أمامي بس مش بتغير خلفي معاه, لأن الأمامي بيتاكل بشكل أعلي من الخلفي
ولما بتيجي تغير التيل المفروض بيتكشف عليه بالنظر عليه كدا. مش بيقولك غير الاتنين علي طول..

وفي الغالب العربيات الاوتو بتغير مرة تيل خلفي مع كل مرتين أمامي, والمانيوال مش بيغير تيل علي 20 ألف خااالص.

وطبعا لو أنت في الضمان والحاجات دي معيوبة بتتغير في الضمان, زي تيل النيسان صني الجديدة اللي بيتغير علي 5000 و 10 الاف كيلو,
أما لو أنت أستهلك التيل أستهلاك طبيعي ويتغير علي 40 الف كيلو مثلا فهو كدا قضي مهمته وبتغيرة وتدفع حسابة وبيبقي برة الضمان.

أطلع علي مركز خدمة تاني غير دا لأن المهندس دا شكله معندوش ضمير,
أو هيا دي سياسة المكان لتعويض خساير تانية فبيعمل شغل عليك.

[osama405]

هي صني القديمة والمهندس بيقولي ان البارات دي قطع غيار استهلاكية فبالتالي مثل السيور و اي شئ كاوتش لاتتدخل في الضمان و لما قلتولوا ان العربية عاملة 20 الف كيلو بس قاللي ان تغييرها مالوش دعوة بالعمر او العداد
و الحمد لله العربية مطلعتش محتاجة تيل فرامل كان في تصفير خفيف كدة في الفرامل و طلع محتاج تنظيف بس للتيل
لكن البارات مش نافع خالص يحسبها علي الضمان و عايزها علي حسابي

[Ahmed Amin]

هي صني القديمة والمهندس بيقولي ان البارات دي قطع غيار استهلاكية فبالتالي مثل السيور و اي شئ كاوتش لاتتدخل في الضمان و لما قلتولوا ان العربية عاملة 20 الف كيلو بس قاللي ان تغييرها مالوش دعوة بالعمر او العداد
و الحمد لله العربية مطلعتش محتاجة تيل فرامل كان في تصفير خفيف كدة في الفرامل و طلع محتاج تنظيف بس للتيل
لكن البارات مش نافع خالص يحسبها علي الضمان و عايزها علي حسابي

طيب أنا مش هفتي في حتة إن الكاوتش في الضمان ولا لأ, لأنها ممكن تبقي برة الضمان فعلاً,
ولو برة الضمان هتغيرها علي حسابك,
وراجع الكتالوج لو مكتوب فيه الاجزاء اللي بيشملها الضمان.

و الحمد لله العربية مطلعتش محتاجة تيل فرامل, وأنو طلع بيفتي زي ما قلت لك,,
حرررص منهم أووي المهندسين الفتايين اللي معندهمش ضمير ولا بيشتغلو زي الناس دوول,

وأيه أخبار موضوع قطمة الدركيسون اللي كان قالك عليه ؟