مشكلة الفرامل في الصني الشكل الجديد

[د.هشام]

إزيكم يا شباب
مشكلة الفرامل بتتحل دلوقتي في التوكيل (ماستر الفرامل بيتغير)، يللا هجوم للي عنده الفرامل ضعيفة

[gold_777]

السلام عليكم
بتتغير تبع الضمان ولا التكلفه علينا
ولازم نحجز الاول

[shaibat]

ممكن تفاصيل اكثر لوسمحت وفى اى فرع من فروع الصيانه يتم التغيير

[د.هشام]

السلام عليكم
بتتغير تبع الضمان ولا التكلفه علينا
ولازم نحجز الاول

وعليكم السلام ورحمة الله وبركاته
تبع الضمان طبعا
انا مكنتش حاجز

[د.هشام]

ممكن تفاصيل اكثر لوسمحت وفى اى فرع من فروع الصيانه يتم التغيير

United group اللي في الدراسة
إسألني يا باشا التفاصيل اللي إنت عايزها وأنا أقول على طول

[mmohamed15]

باشا ده موضوع الطنابير ولا المشكله بتاعه مشوار الفرامل اللي بداله طويل

[د.هشام]

باشا ده موضوع الطنابير ولا المشكله بتاعه مشوار الفرامل اللي بداله طويل

مشوار بدال الفرامل الطويل اللي بيبان في السرعات القليلة
ملحوظة: العربية مكانتش كدة أول ما جبتها، بس بصراحة متوقعتش انهم يغيروا ماستر الفرامل

[hatahet]

انا ساعات بحس فعلا ان مشوار الفرامل بيتغير و خصوصا على السرعات القليلة
هل فعلا لما غيرو الماستر حسيت بفرق ؟؟ يعنى الموضوع اتظبط ولا ايه الكلام ؟؟؟
هل تغيير الماستر اثر على اداء ال ABS او ال Break Assist ؟؟؟
و انهى توكيل اللى بيعمل القصة دى ؟
و شكرا مقدما

[د.هشام]

انا ساعات بحس فعلا ان مشوار الفرامل بيتغير و خصوصا على السرعات القليلة
هل فعلا لما غيرو الماستر حسيت بفرق ؟؟ يعنى الموضوع اتظبط ولا ايه الكلام ؟؟؟
هل تغيير الماستر اثر على اداء ال ABS او ال Break Assist ؟؟؟
و انهى توكيل اللى بيعمل القصة دى ؟
و شكرا مقدما

بالنسبة للفرامل لما كنت بمشي مثلا في شارع زحمة وتيجي توقف العربية كنت بدوس بدال الفرامل لغاية الآخر، بس علي السرعات العالية الفرامل كانت كويسة
بعد تغيير ماستر الفرامل ،الحمد لله الفرامل رجعت طبيعي تاني زي أول ما إشتريت العربية.
ده تقييمي المبدئي، ولسة مجربتش العربية وقت كفاية
موضوع انهي توكيل، انا إتعاملت بس مع united group الدراسة علشان قريب من بيتي

[mmohamed15]

طيب معلش يا باشا ممكن تقول لنا انت بلغتهم بالمشكله ازاي يعني رحت المركز و قولت ايه بالظبط يعني وصفت ليهم المشكله ازاي

[د.هشام]

طيب معلش يا باشا ممكن تقول لنا انت بلغتهم بالمشكله ازاي يعني رحت المركز و قولت ايه بالظبط يعني وصفت ليهم المشكله ازاي

الشكوى كانت ضعف الفرامل على السرعات المنخفضة، بصراحة مكنتش مركز قوي في الشكوى دي، أصلي مبهتمش قوي بالفرامل ههههه
أنا كنت رايح أساسا علشان مشكلة صاجة التيل الخلفي، وكنت عارف انها مش عندهم، بس رحت علشان يسجلوا المشكلة ويحطوني في قائمة الإنتظار

[theblackpirate]

حد سال فى اوتو ايجبت يا جماعه عن الموضوع ده وحد تانى غيره

[theblackpirate]

الشكوى كانت ضعف الفرامل على السرعات المنخفضة، بصراحة مكنتش مركز قوي في الشكوى دي، أصلي مبهتمش قوي بالفرامل ههههه
أنا كنت رايح أساسا علشان مشكلة صاجة التيل الخلفي، وكنت عارف انها مش عندهم، بس رحت علشان يسجلوا المشكلة ويحطوني في قائمة الإنتظار

سؤال حضرتك غيرت ماستر الفرامل خلاص وﻻ اتحطيت فى القائمه وهيتصلوا بحضرتك

[د.هشام]

سؤال حضرتك غيرت ماستر الفرامل خلاص وﻻ اتحطيت فى القائمه وهيتصلوا بحضرتك

ماستر الفرامل= اتغير خلاص
صاجة التيل الخلفي اللي بيعمل صوت التريللا مع الفرملة الخفيفة = مش موجود في التوكيل والمفروض حطوني في ال waiting list

[theblackpirate]

ماستر الفرامل= اتغير خلاص
صاجة التيل الخلفي اللي بيعمل صوت التريللا مع الفرملة الخفيفة = مش موجود في التوكيل والمفروض حطوني في ال waiting list

شكرا ين فندم على الرد انا صاجه التيل الخلفى غيرتها من اوتو ايجبت فى شهر خمسه اللى فات وكانت موجوده فممكن تكلمهم تسال عليها
بالنسبه للماستر قالوا لحضرتك هيغيروا لكلوا ولا من اول شاسيه معين