كاسيت النيو صنى بتاعتى عندها حساسيه ضد الشمس ياشباب

[محمد هلال]

تحياتى لكل الاعضاء الكرام مشكله عندى فى النيو صنى ومش عارف السبب ولا حلها والتوكيل كمان عجز عن الحل كاسيت العربيه بيفصل ويشتغل بشكل متتابع وده بيحصل لما تكون العربيه مركونه فى الشمس الاول مش بيشتغل خالص الا بعد لما اطلع بالعربيه ويعدى مش اقل من عشر دقائق ويمكن اكتر وبعدين بيشتغل ويفصل بعد مثلا 3 دقائق تقريبا ويشتغل تانى ويرجع يفصل تانى بعد نفس المده تقريبا ويشتغل لغايه لما يستقر وربنا يهديه ويشتغل على طول الموضوع ده مضايقنى جدا ومش عارف بيحصل مع الناس من ملاك العربيه ولا لأ ولو بيحصل ايه الحل والمشكله فين اصلا من الكاسيت ولا العربيه مع العلم ان العربيه لو مركونه فى الضل وبعيد عن الشمس بيشتغل تمام من غير اى مشاكل حساسيه علاجها ايه يا شباب ياريت تفيدونى وشكرا

[hh]

متشغلش دماغك كتير. خليهم يغيروه في الضمان ده حقك

[محمد هلال]

متشغلش دماغك كتير. خليهم يغيروه في الضمان ده حقك

تسلم ياباشا على الرد بس الموضوع انا عاوز اعرف ايه السبب ممكن يكون مش الكاسيت ويكون فى الكهرباء بتاعه العربيه

[lad]

غيره فى الضمان

[wama00]

هى العربية ديه مشاكلها كتير ليه؟؟ ده لسه اول سنة ليها, امال لما يبقى عندها على الاقل 5 سنين هتعمل ايه؟؟؟

[waleed mohamme]

غيره فى الضمان فورا ولا تتنازل عن حقك المشكلة فى الكاسيت مش فى الكهرباء لو المشكلة فى الكهرباء ما يشتغلش اصلا