التحويل من d الى n والعربية ماشية

[Msanad]

سلام عليكم جميعا

عندى سؤال بخصوص التحويل من d الى n والعربية ماشية - انا كنت قريت انى ممكن استخدم الطريقة دى على المنازل علشان توفير البنزين - بس لما قريت الكتالوج لقيتم بيحذروا من الموضوع ده

فأيه الاصح ؟؟

[mem]

النقل من ال d الى n
يكون مثلا فى اشاره تجيب ال n
فى زحمه والطريق واقف تجيب ال n على شان ميبقاش فى حمل على الموتور مستمر
فى مطلع جامد والطريق وقف تجيب ال n وتشد الهاند بريك ولما تيجى تطلع تجيب 1 وبعدين 2 وبعدين تبقى تجيب الd
ف ال n ده لحالات معينه لكن مش لمشى

[saddam]

الأصح إن التوفير لا يذكر و أمانا يستحسن تسيبه على ال دي عشان لو إحتجت تجمع بسرعة وبالتوفيق

[Ahmed Amin]

ممكن تعمله عادي مفهوش أي مشكلة ولا ضرر عال فتيس,
والتحذير اللي مكتوب دا بيبقي خوفاً من إن السائق يستخدم الزرار وهوا سايق وينقلها بالغلط علي r بدلا من n ويكسر الفتيس من جوة..!!
فا لو عايز تمورها وتديها n علي منزل أو وأنت داخل علي أشارة, تزق الفتيس زقة لقدام من غير ما تضغط علي الزرار الخاص بالنقل أبداً.
وحتي لو عملتها علي السريع ورجعت في كلامك وحبيت تديها d تاني, بتزق العصاية لتحت ناحيته والعربية بتحسب السرعة اللي هيا ماشية عليها وبتديها الغيار المناسب, يعني مش محتاج تقف عشان تديها d من الأول,
ومفيش مشكلة من أنك تمور n وتديها d تاني وأنت ماشي.

وفي الأول والأخر الموضوع دا مش هيفرق معاك الفرق الخرافي اللي يستحق أنك تحطها عال n وترجعها عال d تاني وأنت في وسط البلد, بس أنا حبيت أعرفك أنو مش غلط ولا مضر عال فتيس وكلنا بنعمله عادي.
ممكن بس لو أنت في منزل وفي أخر المنزل دا في عربيات كتير واقفة أو هتقف لمطب وكدا كدا هتحطها عال n
أو لو علي الطريق السريع وداخل علي كارته أو مطب تحطها عال n برضه لو حابب

[Ahmed_Adham]

مش هتفرق بس أهم حاجه وانت واقف متبقاش على d لأن العربيه بتبقى عايزه تمشي وانت في نفس الوقت ماسك فرامل.

[asyl84]

انا هقولك على حد علمى وقناعتى الشخصية ...اللعب فى الفتيس كتير بلاش منة واصلا قصة n يوفر بنزين على الار بى ام مابحسش بكدة لانى بشوف الار بى ام بيعلى على الـn عن الـd وفكرة ان العربية تمشى على المور مش مستحب ..انا عايز اقولك ان من خوفى على الفتيس نفسى اشاورلة ان العربية ترجع لورا من غير ماهو يتحرك من مكانة اصلا ..وربنا يسترها علينا عشان الفتيس الاتوماتيك زعلتة وحشة اوووووووووى انا بجيبها على الـN فى الاشارة الطويلة بس ...هو انا الى ليا سؤال تانى احنا لما بنمشى بالعربية فى طريق زحمة والعربية تخلص الاول ولسة يادوب نقلت التانى هوب الطريق يقف ونعيد تانى وهكذا بحس ان العربية هتتجنن منى مابتلحقش تنقل على التانى ترجع على الاول عشان كدة ساعات لما بحسها هنقضيها كدة كتير بجيب الفتيس على 1 وامشى بية لحد ما احس ان الطريق مشى وينفع العربية تبقى على ال d تانى .