العربية مش بتسحب ( جوك 2013 )

[amigo77]

السلام عليكم

انا استلمت عربية جوك 2013 و عاملة دلوقتى 500 كم
بتبع ارشادات التليين زى ما قال الكتاب
بس ملاحظ ان العربية مش بتسحب كويس خصوصا فى الطلعة او لو وقفت فى اشارة و انا بطلع بحسها مش بتساعدنى كويس
لكن بعد ما بتاخد سرعتها بتبقى طبيعية جدا
هل ده عادى علشان الفتيس ال cvt و لا لا قدر الله فى مشكلة ممكن تكون موجودة ؟

[jojojojo]

ياريت بس تصبر لحد مكمل الالف الاولي واي مشاكل قبلتك في الالف الاولي اقلهم عليها في التوكيل وانا شايف ان ده طبيعي وخاصه ان العربيه لسه في التلين وهتلاقي تحسين بعد تغيير الزيت والفلتر وتربيط العفشه في صيانه الالف

[osaa]

يا باشا الف مبروك ودة طبيعى جدا عشان cvtانامعايا قشقاى نفس الماتوروالفتيس وحسيت بنفس الخوف فى الاول بس بعد كدةعرفت اتعامل مع الفتيس بوضع القدم على دواسة البنزين و رفعها ثم وضعها تانى وفى التوكيل قالولى لما العربية ماتسحبش دوس بنزين للاخر وارفع رجلك لا تقلق و استمتع بالعربية ربنا يباركلك فيها

[k50_]

لو انت عامل ال D-mode علي ال ECO فتأكد انها مش هتسحب تماما , غيره لل Normal هتلاقيها طبيعية.

[amigo77]

ياريت بس تصبر لحد مكمل الالف الاولي واي مشاكل قبلتك في الالف الاولي اقلهم عليها في التوكيل وانا شايف ان ده طبيعي وخاصه ان العربيه لسه في التلين وهتلاقي تحسين بعد تغيير الزيت والفلتر وتربيط العفشه في صيانه الالف

يا باشا متشكر على ردك و اهتمامك
فعلا انا مستنى احكم بعد صيانة الالف
بس اعذر قلقى
تحياتى

[amigo77]

يا باشا الف مبروك ودة طبيعى جدا عشان cvtانامعايا قشقاى نفس الماتوروالفتيس وحسيت بنفس الخوف فى الاول بس بعد كدةعرفت اتعامل مع الفتيس بوضع القدم على دواسة البنزين و رفعها ثم وضعها تانى وفى التوكيل قالولى لما العربية ماتسحبش دوس بنزين للاخر وارفع رجلك لا تقلق و استمتع بالعربية ربنا يباركلك فيها

الله يبارك فيك و يعزك
و يا ريت يا باشا تكلمنا عن تجربتك فى التوكيل فى صيانة الالف
نستفاد من تجربتك
تحياتى

[amigo77]

لو انت عامل ال D-mode علي ال ECO فتأكد انها مش هتسحب تماما , غيره لل Normal هتلاقيها طبيعية.

و الله انا عاملها على ال normal على طول
لانى عرفت من المنتدى هنا ان ال eco بيخنقها فعلا