انا قررت اشتري قشقاي ولكن ؟

[0samah]

بسم الله الرحمن الرحيم

ان شاء الله انا عقدت النيه اني اشتري القشقاي وجهزت الفلوس وكله تمام بس في كام سؤال كده علشان انا واحد زميلي قلقني من حاجه ممكن بسببها الغي خالص الحوار ده
بيحكيلي ان واحد صاحبه كان معاه قشقاي و غيرها في اقل من سنه علشان بيقول سحب العربيه وحش وانها تقيله علي المتور مش عارف بقي انتو فيدوني علشان لو كده انا ممكن اكنسل خالص

اما لو طلع الكلام ده فاكس (ان شاء الله يعني) يريت تقولولي
اشتري من فين انا بفكر في الريان حد عنده اقتراح افضل ؟؟
كمان انا شفت منها بيكون المعرض مركب الـdvd و gps وحساسات ركن وكاميرا ومزود في تمنها انتو ايه رايكم اجبها دي ولا اشتري العاديه واركب انا علي مهلي وياريت اسعار الحاجات دي لو هركبها بره ؟؟

في انتظار اقتراحاتكم ولو حد عايز يلفت انتباهي لحاجه ممكن اكون معرفهاش اكون شاكر جدا

[k50_]

انا اعتقد ان المكنة بتاعت القشقاي بالنسبة لهيكل السيارة اضعف لكن ده مش معناه ان السيارة سيئة , افتكر فيه معايير تانية انت محتاج تبص عليها زي اسعار قطع الغيار والريسيل للعربية .
اتصور ان العربية افضل وحدة ف فئتها مقارنة بالكوري المتواجد وناس كتيرة ركباها .
انا ممكن افيدك ف الجزء الخاص بالكماليات , كل الحاجات الي هتكون محتاج تركبها لو هتركبها اول مرة ف التوكيل هتدفع مبلغ محترم , انا معايا جوك وكنت عايز اركب الجي بي اس لقيت تمنه ف مودرن موتورز ابو رواش 6600 جنيه , ومكنش الاصلي الي بينزل مع الجوك , كان حاجة تانية كدا . والسينسورز ب 250 جنيه تقريبا . ف حين اني لو اشتريت الحاجات دي من علي الايباي هدفع ف الجي بي اس 300 دولار والسينسور 20 دولار .
ف لو انت ليك حد ف السعودية اقرب شئ ممكن يعملك اوردر بالحاجات دي وتبقا تركبها لما ينزلك مصر .
الحاجة الاخيرة ف مودرن موتورز انا كنت سئلت لو انا جايب الجي بي اس او اي قطعة من برة ينفع يركبوها , قالو لأ ولو ركبتها العربية هتخرج من الضمان , لكن الناس بتوع السبع ف المعادي ( ناس محترمة والله ) المهندس قالي هات الي انت عايزه واحنا نركبه , ومفيش حاجة اسمها العربية كلها تخرج من الضمان , الجزء الي بيتلعب فيه هوا بس الي بيخرج من الضمان .

وربنا يبركلك فيها مقدما :)

[0samah]

انا اعتقد ان المكنة بتاعت القشقاي بالنسبة لهيكل السيارة اضعف لكن ده مش معناه ان السيارة سيئة , افتكر فيه معايير تانية انت محتاج تبص عليها زي اسعار قطع الغيار والريسيل للعربية .
اتصور ان العربية افضل وحدة ف فئتها مقارنة بالكوري المتواجد وناس كتيرة ركباها .
انا ممكن افيدك ف الجزء الخاص بالكماليات , كل الحاجات الي هتكون محتاج تركبها لو هتركبها اول مرة ف التوكيل هتدفع مبلغ محترم , انا معايا جوك وكنت عايز اركب الجي بي اس لقيت تمنه ف مودرن موتورز ابو رواش 6600 جنيه , ومكنش الاصلي الي بينزل مع الجوك , كان حاجة تانية كدا . والسينسورز ب 250 جنيه تقريبا . ف حين اني لو اشتريت الحاجات دي من علي الايباي هدفع ف الجي بي اس 300 دولار والسينسور 20 دولار .
ف لو انت ليك حد ف السعودية اقرب شئ ممكن يعملك اوردر بالحاجات دي وتبقا تركبها لما ينزلك مصر .
الحاجة الاخيرة ف مودرن موتورز انا كنت سئلت لو انا جايب الجي بي اس او اي قطعة من برة ينفع يركبوها , قالو لأ ولو ركبتها العربية هتخرج من الضمان , لكن الناس بتوع السبع ف المعادي ( ناس محترمة والله ) المهندس قالي هات الي انت عايزه واحنا نركبه , ومفيش حاجة اسمها العربية كلها تخرج من الضمان , الجزء الي بيتلعب فيه هوا بس الي بيخرج من الضمان .

وربنا يبركلك فيها مقدما :)

ربنا يباركلك .. اسعار قطع الغيار انا عارفها ومعنديش مشكله اما الريسيل فانا ان شاء الله ناوي اقعدها شويه

يعني انت رايك اجيب اللي المعرض مركب فيها كل الحاجات دي وارايح دماغي طالما الفرق قريب ولا ايه ؟

[freeman207]

سحبها ضعيف فعلا

[M I D O]

عربية جميلة بس قطع غيارها ناااااااااااااااااااااااار

[aly_hosny]

في جيل جديد نازل منها

[0samah]

في جيل جديد نازل منها

نازل امتي يعني ممكن استني اد ايه ؟؟
و ايه المختلف عن الجيل ده اللي انا فهمتو ان نيسان مش ناويه تغير الشكل الا في 2015 او 2016 كمان

[abo3bdolrahman]

السحب معقول و الجرى أنا باجيب بيها فى السفر حتى 180 كم / ساعة و فى التخطى معقولة و الثبات بتاعها ممتاز السيارة معايا من شهر 4 و عامل بيها حوالى 7000 كم و هيا طبعا سى فى تى ( أتوماتيك)

[0samah]

السحب معقول و الجرى أنا باجيب بيها فى السفر حتى 180 كم / ساعة و فى التخطى معقولة و الثبات بتاعها ممتاز السيارة معايا من شهر 4 و عامل بيها حوالى 7000 كم و هيا طبعا سى فى تى ( أتوماتيك)

يا باشا انت معاك العربيه ربنا يباركلك انا وقعت من السماء وانت لحقتني
انت عارف المبلغ كبير ولو جبت حاجه وطلع فيها عيب مفهاش معلش ساعتها
انا معايا اتوماتك وعادي بالنسبالي ان السحب يبقا هادي بس مش لدرجه ضعيف ياريت تطمني علي الموضوع ده .. كده كده الجري في مصر مش متاح اوي الا في السفر انا عايز عربيه واسعه علشان الاولاد والمدام وطبعا امان
كلمني عن التكيف مع السرعه بيبقا ايه الاخبار مخنوقه ولا تمام ولا التكيف تعبان ولا ايه ؟؟

[kar!m]

متابع ...

[nab!l]

متابع

[walid tageldine]

ارجع للينك ده و حتنزل تدفع و تشيل علي طول

http://www.nilemotors.net/Nile/365203-a-2.html#post3875068559

حتلاقي في الينك ده إزاري تقدر تسوق العربية بصورة صحيحة و ناخد منها أحلي سحب ولا تقولي بطة في الطلعة ولا حاجة

[0samah]

ارجع للينك ده و حتنزل تدفع و تشيل علي طول

http://www.nilemotors.net/nile/365203-a-2.html#post3875068559

حتلاقي في الينك ده إزاري تقدر تسوق العربية بصورة صحيحة و ناخد منها أحلي سحب ولا تقولي بطة في الطلعة ولا حاجة

ربنا يباركلك .. طيب انا بعد كلامك ده ان شاء الله هتوكل واشتري :)

بس سؤال اخير .. اجيب الكماليات اللي راكبه في العربيه اللي قلت عليها في اول الموضوع ولا انفض واجيب البيزك واركب انا هيكون اقل ؟؟

[walid tageldine]

ربنا يباركلك .. طيب انا بعد كلامك ده ان شاء الله هتوكل واشتري :)

بس سؤال اخير .. اجيب الكماليات اللي راكبه في العربيه اللي قلت عليها في اول الموضوع ولا انفض واجيب البيزك واركب انا هيكون اقل ؟؟

دي حاجة ترجع لحضرتك علي حسب الفلوس الي معاك في اتنين ممكن تشوف عندهم
الأول فرع أوتو ايجبت حاطط شوية كمليات فرش جلد إشارة في المريات حليات علي الكصدام الخلفي و الأمامي مش فاكر في حاجة تانية و لا كانت ٢٠٥
التأني السبع نفس ما سبق و كمان كاسيت gps بكاميرا خلفية و مخادع شاشات و جهاز تراك للعربية و باركنج سنسور دي كانت ٢٠٨

بس أنا رأي شخصي بحب أجيب العربية و أنا اركب براحتي

[0samah]

متابع