بعد 3 شهور من البحث أصبحت تيداوي

[Medhat Bahgat]

السلام عليكم جميعا
أخيرا و بعد طووووول انتظار الحمد لله خلصت امبارح في تيدا هاتش باك 2009 , العربيه ما شاء الله حالتها كويسه و فبريكه بره و جوه و في خبطه في الباب اللي ورا السواق , طلعت جربت العربيه عال إن أيه امبارح و ما شاء الله جابت مني 180 و انا مش واخد بالي , العربيه ما شاء الله ثابته جدا عالطريق و ال أوفر درايف بيخليها مجنونه بزياده , بشكر كل واحد في المنتدى كتب حاجه عن العربيه ديه علشان انتوا اللي حببتوني في العربيه بجد و خلتوني اتمسك اني اجيبها عالرغم من اني قاعد بقالي 3 شهور مقضيها تكاسي ,
و هكتب كده حته للتيداويه و الصيناويه ميزعلوش مني طلعت انا وواحد صاحبي معاه صني الشكل الجديد 2013 و مع ان العربيه 2009 بس من الاخر و في كلمه واحده "علمت عالصني بزياده"
تحياتي للجميع

[haysam2000]

الف مبروك و العربيه موتوها بسم الله ماشاء الله و بتعلم على الفيرنا عادى كده :(

[Ahmed_selmy]

مبروك يا باشا ربنا يباركلك فيها

[saddam]

بالتوفيق يا مواطن زمان كنت خطبت بنت معاها تيدا نبيتي وربك متممهاش على خير فدايما لما تيجي سيرة العربية.أفتكر الذي مضى تقبل مروري ودمتم للنضال

[ahmedteam]

الف مبروك يا باشا و ربنا يحفظهالك

[monamize4]

مبروك يا باشا

[Medhat Bahgat]

الف مبروك و العربيه موتوها بسم الله ماشاء الله و بتعلم على الفيرنا عادى كده :(

:) الله يبارك فيك يا باشا بس انت زعلان ليه ;) شكلك كده معاك فيرنا

[Thebutcherr]

سعر كام و العداد بليز؟

[Medhat Bahgat]

بالتوفيق يا مواطن زمان كنت خطبت بنت معاها تيدا نبيتي وربك متممهاش على خير فدايما لما تيجي سيرة العربية.أفتكر الذي مضى تقبل مروري ودمتم للنضال

احنا اسفين علشان فكرناك بالذي مضى يا ريس , بكره تاخد ست ستها و لا يهمك ;)

[Medhat Bahgat]

الله يبارك فيكم جميعا
العداد 74 ألف و السعر غالي سنه ب 92 ألف و أنا اعرف انها عامله 90 اللي في حالتها بس كنت مضطر علشان بقالي فتره من غير عربيه و غير كده العربيه نادره شويه و حالتها الصراحه شدتني .

[mohamed hussei]

طبعا العربية فيها ايموبلايز في كل فئاتها وسنوات بتاعتها صح ؟

[memo2000soft]

مبروك يا باشا

[Medhat Bahgat]

طبعا العربية فيها ايموبلايز في كل فئاتها وسنوات بتاعتها صح ؟

و الله يا باشا سؤالك جميل و ياريت حد يجاوب لأن المفتاحين اللي استلمتهم نفس الشكل " مفتاح +ريموت" مفيهو ش إلا 3 زراير واحد يفتح و التاني يقفل و التالت لونه أحمر مرسوم على سبيكر و أنا مش فاهم التالت ده بتاع أيه ! و هل فعلا العربيه فيها ايموبلايزر و لا لأ لأني مسألتش صاحبها عن الموضوع ده ؟

[Medhat Bahgat]

مبروك يا باشا

الله يبارك فيك

[mohamed hussei]

و الله يا باشا سؤالك جميل و ياريت حد يجاوب لأن المفتاحين اللي استلمتهم نفس الشكل " مفتاح +ريموت" مفيهو ش إلا 3 زراير واحد يفتح و التاني يقفل و التالت لونه أحمر مرسوم على سبيكر و أنا مش فاهم التالت ده بتاع أيه ! و هل فعلا العربيه فيها ايموبلايزر و لا لأ لأني مسألتش صاحبها عن الموضوع ده ؟

انا ركبتها 2012 كنت مع واحد قريبي هو استلم 3 مفاتيح معاهم تقريبا ومش لقي لمبة مكتوب عليها ايموبلايز مش عارف بئا فا انا بسئل علشان لو كدة واحد يشوف واحدة مستعملة عربية جميلة وميزتها عدم الانتشار تحس انت مختلف