يا جماعة هو ده عادي في النيسان ولا

[lol656]

انهرده عملت صيانة الالف وطبعا مكنتش اسحب بالعربية عشان التليين بس انهرده قلت جرب واسحب بالعربية -المهم العربية ما شاء الله سحبها زي الفل بس الكارثة اني لما عديت 130 لقيت صوت الهوا مسموع في الصالون وكان جزء من الزجاج مفتوح فتحة بسيطة-ولما وصلت 160 لقيت صوت صفارة هواء -كنت حجنن -طب انا بعت الدايو عشان الاصوات دي-بس للامانه كان الهواء شديد جدا بره عشان صحرا وجبل
السؤال هل ده طبيعي ولا لا وهل في تظبيطات في فتحات التكييف لها علاقة بالموضوع ده ولا الرجاء الرد مع الشكر

[hih2]

بداية مبروك الالف وعقبال مانبارك على المليون

ممكن يكون الكبوت الامامي مش مقفول كويس او الجلد بتاعه فيه مشكلة

عموماً انا ماجربتش 160 وعلى 140 كان الصوت عادي مافيش الصفارة طالما الازاز مقفول كويس والتكييف شغال

انا بتكلم على الصني 2005 ياباني

[dr_ahmed80]

انا كان معيا صنى 2011 و كان العزل بتاعها زى الوفت و بعتها علشان خاطر العفشة بتاعتها وحشة و العزل على السرعات العالية مش اد كده

[dodyam]

حضرتك أنا معايا الصنى موديل 2013 الشكل الجديد وكذا مرة أمشى على سرعة 160 وأعلى والحمد لله مفيش صفارة ولا حاجة

بس حضرتك بتقول ان فاتح جزء من الزجاج
فممكن تجرب على نفس السرعة وانت قافل زجاج الأبواب كلها وشوف فى صفارة و لا لأ

[wama00]

نفس المشكلة,,, انا معايا 2007 وعلى 140 وكمان 120 فيه صوت هوا رهيب جاى من اعلى الزجاج اللى جنبى من الباب نفسة

[د.هشام]

كويس انك جبت ال ١٦٠ وكنت مركز في الصفارة، دي علامة كويسة

[hatahet]

حضرتك كاتب ان الشباك فيه جزء مفتوح
و دا اكيد اللى عامل الصوت و ملهاش علاقة باى حاجة
و انا معايا العربية و بسافر بيها 140 و الحمد لله مفيش مشكله من موضوع صوت الهوا دا
جرب و انت قافل الزجاج

[mony10]

الصفاره دي ممكن تحصل برده لو ابواب العربيه مش مظبوطه كويس خليهم في التوكيل يكشفو عليها تاني الموضوع دا حصل مع اتنين اصحابي بس عربيتهم ما كانتش نيسان كانت ماركات تانيه واحد ظبط الابواب في التوكيل وهو بيعمل الصيانه الدوريه بتاعته والتاني لسه مستني لما يروح يعمل الصيانه وانا عنتدي الباب اليمين مش مظبوط برده وبيعمل صوت صفاره على السرعات العاليه ومستني اظبطه عند حد كويس علشان الصوت يروح انشاء الله