القشقاي ..... علامة النيسان الموجودة بالشبكة الأمامية

[yehia]

السلام عليكم ورحمة الله

كنت مسافر اسكندرية بالقشقاي في مشوار يومين وركنت العربية في الشارع يادوب سواد الليل نزلت الصبح لقيت علامة النيسان الكروم اللي في الشبكة الأمامية مسروقة وكذلك العلامة الكروم في الخلف بتاعة " xtronic" وحسبي الله ونعم الوكيل ..... وكويس انها جت لحد كده .........

أكون شاكر حضراتكم لو أعرف منين ممكن أجيب العلامات ديه وهل ممكن تركيب الكرومة اللي في الشبكة لوحدها ولا حتستدعي تغيير الشبكة كلها؟

[shawke hamed]

فداك وفدا العربية بص انت هتلاقيها عند اى واحد بتاع كمليات وخلاص مش حتحتاحج تغير شبكة

[windofchange]

سبها كده فترة

[yehia]

فداك وفدا العربية بص انت هتلاقيها عند اى واحد بتاع كمليات وخلاص مش حتحتاحج تغير شبكة

ألف شكر لحضرتك

[yehia]

سبها كده فترة

ألف شكر لحضرتك ... أنا نفسي أسبها شوية كده بس العربية "قرعة" من قدام بجانب النرفذة كل ما أشوف مكان البتاعة المسروقة

[Ahmed Amin]

أهلا بيك في أسكندرية. :)
دا بقي لايف إستايل هنا تقريباً.
أنا أتسرق مني العلامات قبل كدا اللي قدام وورا, واللي عال جنوط كمان
جبت اللي قدام بس من عند بتوع الأكسسوار, عادي ممكن تركبها من غير تغير الشبكة,
أما اللي ورا جبتها ومركبتهاش لحد أنهارده, اللي قدام كانت مبوظة شكل العربية وفعلاً كانت مستفسزة
والجنوط مفكرتش أجيبهم لأنهم مش مهمين أووي.

المهم فداك, بس هات غطي وغطي العربية عشان متتعرضش للموقف دا تاني.

[yehia]

أهلا بيك في أسكندرية. :)
دا بقي لايف إستايل هنا تقريباً.
أنا أتسرق مني العلامات قبل كدا اللي قدام وورا, واللي عال جنوط كمان
جبت اللي قدام بس من عند بتوع الأكسسوار, عادي ممكن تركبها من غير تغير الشبكة,
أما اللي ورا جبتها ومركبتهاش لحد أنهارده, اللي قدام كانت مبوظة شكل العربية وفعلاً كانت مستفسزة
والجنوط مفكرتش أجيبهم لأنهم مش مهمين أووي.

المهم فداك, بس هات غطي وغطي العربية عشان متتعرضش للموقف دا تاني.

ألف شكر لحضرتك ..... بالفعل اسكندرية اتغيرت أوي آخر كام سنة للأسف للأسوأ - زي بقيت مصر كلها - زحام رهيب وأخلاقيات التعامل والضمير شبه منعدمة مفيش أمان حاجة تكئب وتخنق ....... ربنا يصلح أحوالنا كلنا

إن شاء الله أبص عليهم في شارع دمشق أو التوفيقية ويارب اعتر فيهم خاصة وان موديل العربية حديث نسبيا

[0samah]

معلش يا باشا الحمد الله انها جد علي قد كده .. وانا مع الاستاذ ان انت تسبها فتره اهو حاجه تاخد العين علشان العربيات الجديده ديما بتكون ملفته .. وربنا يديك خيرها يارب

[Msanad]

هاتها من عند اى واحد بتاع اكسسورات وساعات العيال بتوع الكاوتش بتكون عندهم - هات الصينى وسيبك من التوكيل لانها هتكون فيه غاليه جدا جدا جدا
ده الطاسات بتاع النيو صنى ب 320 جنيه الواحده :))))))))