غيرت الكاوتش

[Mohamed Abosef]

صباح الخير علي احلي شباب نيسان
من كام يوم كده الكاوتش ابتدي يستهبل و كنت انزل الصبح الاقي فرده كاوتش علي الرض خالص
و نظرا لظروف شغلي بروح و ارجع من علي الصحراوي قررت تغيير الكاوتش
و علي الفور توجهت الي واحد بتاع كاوتش محترم جدا عندنا في الاسكندريه اسمه / علي حبيب
و سألته علي الكاوتش البريدجستون قالي انه غالي و اقنعني بالكومهو فره ناعمه و نقشتها مريحه في الجري و الفرامل و اناشخصيا مجربها في سياره والدي الاوبل فيكترا كاوتش محترم و مريح
و قررت اني اجيب فردتين حطيتهم ادام طبعا و كانو مقاس الفابريقه اللي هو ١٨٥/٦٥/١٥و قالي بلاش تغير الاربعه و قالي ان الفردتين اللي ورا كويسين و حرام يتغيروا دلوقتي و ده يدل علي انه راجل محترم و مفيش عنده فصال في الاسعار و ده لانه يعتبر ارخص واحد في اسكندريه و كان تاريخ انتاج الكاوتش السبوع ال٣٠ من عام ٢٠١٣ و ده بيبقي مكتوب١٣٣٠ و علشان انا اعرفه قالي التركيب و الفك و الترصيص و النيتروجين و البلوف مجاناً
و قررت اني افك الفردتين اللي ورا علشان اراجع الترصيص و انضف الجنوط و اغير البلوف لانها ناشفه شويه و كل ده ب ٢٠ جندي فقط لا غير
الانطباع بعد تغيير الكاوتش:
• حسيت بالامان خاصة اني بمشي علي طريق سريع
• راحه و هدوء في المشي في الشوارع المكسره
• تحسن كبير و ملحوظ في اداء الفرامل
• نعومه في الدريكسيون و خفه في الباور حاصة و العربيه واقفه
• العربيه بقت ثابته في الجري




¥¥¥¥¥¥¥¥¥¥¥¥¥¥¥¥¥¥¥¥¥¥¥¥




و عامل التركيب نصحني اني اظبط زوايا لان الكوتش القديم كان متاكل من ناحيه و التانيه لا
و روحت عملت الزوايا في البنزينه بتاعه مصر اللي في البراهيميه علي البحر كان العجل فعلا مقفول و العربيه بطلت تحدف شمال و الاغرب ان الراجل طلع معايا علشان يجرب و بعد كده قالي الدريكسيون مش مظبوط و عدله و كله تمام و الكلام ده ب ٢٠ جنيه و اديته اكراميه ١٠ جنيه




¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥¥
الكاوتش روح العربية



و كده انتهي التقرير و يارب اكون افادتكم
و فعلا انت تستاهلو اكتر من كده

[svneleven]

1000 مبروك لكن نصيحة الكاوتش الجديد بيركب ورا مش قدام. و بعد كام ألف يطلع قدام.

[aldesha989]

الف مبروك ياريس انا كمان الحمد لله لسه مغيرهم وظابط زوايا فى بنزينه مصر بس اللى فى الشاطبى حلوين برضه

بس عملك ايه فى الدركسيون علشان عندى نفس المشكلة

[akmm]

مبروك الكاوتش الجديد وفعلا البياع ده محترم وامين ............. ياريت فيه منه في القاهره ...... البائع يعنى في امانته .

[wardet]

بكام ياباشا
والف مبروك

[Ahmed_Ramadan]

ألف مبروك و تدوبهم على خير ...عملوا كام الفردتين لوحدهم

[Mohamed Abosef]

1000 مبروك لكن نصيحة الكاوتش الجديد بيركب ورا مش قدام. و بعد كام ألف يطلع قدام.

الله يبارك فيك
بس اللي اعرفه ان الجديد قدام علشان العربيه دفع امامي و الفرامل كمان

الف مبروك ياريس انا كمان الحمد لله لسه مغيرهم وظابط زوايا فى بنزينه مصر بس اللى فى الشاطبى حلوين برضه

بس عملك ايه فى الدركسيون علشان عندى نفس المشكلة

الله يبارك فيك
غالباً انت عملت في نفس البنزينه اللي انا عملت فيها الزوايا
و الدريكسيون عندي كان معووج شمال و عدل الريجلاش بتاعه من تحت

مبروك الكاوتش الجديد وفعلا البياع ده محترم وامين ............. ياريت فيه منه في القاهره ...... البائع يعنى في امانته .

الله يبارك فيك و هو فعلا راجل محترم

بكام ياباشا
والف مبروك

الله يبارك فيك
الفرده الواحده عملت ٤٥٠ جنيه المقاس الاصلي

ألف مبروك و تدوبهم على خير ...عملوا كام الفردتين لوحدهم

الله يباركلك
الفردتين عملو ٩٠٠ جنيه المقاس الاصلي

[mem]

مبروك الكاوتش الجديد وفعلا الكومهو من الفرد المحترمه
بس حسيت انها فى مستوى البريد جستون ولا اقل شويه ولا زيها

[mamdouhsh1973]

ياريتك جبت بريدجستون الاصلى ما فبش اريح منة

[dr.hazem]

حسب اخر دراسات يفضل تحط الكاوتش الجديد ورا مش قدام طالما انت غيرت 2بس...
ده عشان تفادي ان العربيه تعوم منك بالذات احنا داخلين عالشتا.. ربنا يكفينا جميعا شر الطريق...
اللي عايز تفسيرات هوضحله باذن الله وممكن تدورا على ظاهرة الhydroplanning وفايدة نقشة الكاوتش....
تحياتي

Sent from my Xperia Arc S using Forum Runner

[K_Morsy]

شكرا على التقرير .. وربنا يبارك لك.

[hossam eldeen]

1000 مبرووك وفعلا علي راي الاساتذه الكاوتش الجديد لااااااااازم يبقي ورا للحفاظ علي اتزان وثبات السياره في الملفات والفرامل ,,,اتفرج عاللينك دا ..

Install Two New Tires on the Rear Axle - YouTube

[amr011111]

اى حد بيبع كاوتش بيرصص ويركب والبلوف من عنده مش شرط معرفه
ومبروك الكاوتش
ومعلومه جديده ان الكاوتش الجديد بيركب ورا

[night_whisper]

ألف مبروك على الكاويتش الجديد
بس اعتقد أخى الكريم انك تغيرة الاربعة مرة واحدة علشان يكون عمر الكاوتيش واحد و أمان ليك
انا برضو لسة مغير الكاويش رغم ان ماكنش فى شكوى من القديم بس بفضل اغير الكويتش كل 50 الف كيلو
تحياتى

[ygamgoum]

الف مبروووك حاول تجيب الفردتين التانين نفس النقشة وتركبهم بسرعة علشان يكونو في نفس المدة