كارت البنزين

[wama00]

يا جماعة حد سمع حاجة عن كارت البنزين ده؟؟
انا سجلت على الموقع من حوالى شهرين وامبارح اتصولوا بيا بتوع FedEx علشان استلم الكارت والراجل هيجيلى بكرة
حد استلمة او يعرف هنشغل بيه امتى؟؟؟؟

[أبو آسر]

أنا استلمته النهاردة بالفعل بس مش عارف أعمل بيه ايه !!
وهل محطات البنزين دلوقتي مجهزة للكارت ده ولا لسة ولا ايه محدش عارف حاجة في البلد دي !

[hossam_elwani]

انا كمان مسجل ومتظر

[sherif1986]

أنا جبت الكارت برضه وكلمت شركة E-finance على الرقم 19683قالولى عشان تفعله لازم تروح البنزينه وممكن تمون بيه بالاسعار العاديه برضه لأن لسه الحكومه محددتش أى حاجه وأنا عن نفسى لسه سايبه فى الظرف زى ماهو ونفضت .

[beshoyyy]

انا معايا من شهر و لسة مافيش جديد

[hossam_elwani]

اتصلو بيا النهارده وحيوصلوه ليا بعد اسبوع مقابل 20 جنيه شركة فيدكس

[kliken]

انا اصﻻ ما سجلتش نفضت بصراحه بس مش باين اى شىء جديد ﻻ محطات مجهزه و غالبيه الناس مش مسجله من اﻻساس

[hossam_elwani]

على فكره ممكن تطلع نصبايه فى النهايه وشركات التوصيل تستفاد وخلصت على كده كل شىء ممكن فى مصر

[tarekMANDOUH]

انا استلمت الكارت من شهر برضو وبيقولو في محطات وطنية شغالة بي تجريبي مش رسمي بس انا عن نفسي لسة مستخدمتوش وبصراحة كدا اضمن عشان لما يطبقوة رسمي نكون في الامان ومنتزنقش في اخر لحظة

[sherif1986]

التوصيل ب 20ج أه .... لكن لو انت عاوز تروح أقرب فرع ليك fedex هتستلمه ببلااااااش أنا عملت كده

[Msanad]

انا مسجل فى شهر 8 واستلمته اول 9 وجربته مره فى بنزينه امارات وشغال تمام وعادى جدا
واستلمته مقابل 20 جنيه