استلمت صنى الجديدة .. بس عملت غلطة !

[medo-312]

الحمد لله استلمت صنى الجديدة 2014 أول فئة يوم 30/9 بس علشان دى اول عربية اشتريها ومش واخد على أجراءات الشراء والتراخيص ووجع الدماغ ده بصراحة دماغى وجعتنى المهم كنت فى المعرض النهارده باخلص ورق وخليت عامل هناك يركن العربية وبعدين نزلت وأخدت العربية وانا ماشى حاسس العربية سحبها مش هو وتقيلة شوية وانا للأمانة جديد فى السواقة الاوتوماتيك وصلت الجراج ونزلت من العربية لقيت العجل اللى ورا بيدخن وعرفت ان فرامل اليد كاااانت مشدودة وانا ماشى ياريت حد ياجماعة يفيدنى فى الموضوع ده مع العلم المسافة اللى مشيتها مش كبيرة يعنى من ش احمد عرابى المهندسين لغاية بعد مستشفى الشرطة بالعجوزة .. انا جربت الفرامل لقيتها تمام ومافيش اى صوت الحمد لله هل كده حصل
مشكلة فى التيل واللا بعد مابردت العربية تخلص المشكلة ؟؟ ياريت حد فاهم يرد عليا وشكرا للجميع

[elmkaneeki]

ان شاء الله بسيطة
جرب تمشي علي ٣٠ او ٤٠ ومور العربية وشد فرامل اليد بشويش وانت دايس عالزرار
لو الدراع في ايدك متهزش جامد يبقي كدة ان شاء الله عديت علي خير
وان شاء الله مفيش حاجة لا تقلق

[wardet]

الف مبروك يا باشا
زيادة اطمئنان روح لحد يفك العجلتين اللى ورا ويبص على التيل كحرص مش اكتر
لكن اعتقد مفيش حاجة

[medo-312]

ان شاء الله بسيطة
جرب تمشي علي ٣٠ او ٤٠ ومور العربية وشد فرامل اليد بشويش وانت دايس عالزرار
لو الدراع في ايدك متهزش جامد يبقي كدة ان شاء الله عديت علي خير
وان شاء الله مفيش حاجة لا تقلق

الف مبروك يا باشا
زيادة اطمئنان روح لحد يفك العجلتين اللى ورا ويبص على التيل كحرص مش اكتر
لكن اعتقد مفيش حاجة

ربنا يطمنكوا يارجالة .. والله قلبى واجعنى من ساعتها .. ان شاء الله تعالى اعمل بنصيحتكم واشوف والف شكر مرة تانية

[hossam_elwani]

غريبه لانى الى اعرفه ان العربيه دى بتدى انظار لو مشيت والفرامل مرفوعه

[medo-312]

غريبه لانى الى اعرفه ان العربيه دى بتدى انظار لو مشيت والفرامل مرفوعه

كانت بتدى انذار ومابصتش عليه ( غلطة ) لأن انذار الحزام كان شغال قبلها فكرته هو ومابصتش وقلت سيبه يرن

[mahmoud_afifi]

ماتقلقش ان شاء الله. اقصى ضرر ممكن يحصل هو ان التيل يتاكل

[Ahmed Amin]

مش هيحصل حاجة متقلقش, لأن بعد فترة من المشي والهاند مرفوعة التيل بيرخي ومش بيفضل قافش علي الطنابير,

دليل علي كدا العربيات اللي بيجي يقطرها ونش المرور, بتكون واقفة مخالف ورافعة فرامل اليد,
ولما بتتقطر أول كان متر بتكون قافشة بعد كدا الواير بيفك سنة وبتتحرك عادي,

وكدا كدا التيل هيتاكل مع الأستخدام وهتغيرة في معاده مش قبل معاده, لأن التيل الخلفي مش بيتاكل بسرعة زي التيل الأمامي..

[georgedada82]

ولا اي حاجة طالما المشي بسيط جرب بس فرامل اليد علي منزل ولا حاجة شوف العربية هتثبت ولا لا وغالبا هتثبت لانك ما مشيتش كتير ... ولو ماكانش ... وانت بتعمل الصيانة اللي جاية قوله يرجلش لك علي فرامل اليد وشكرا علي كده واستمتع بسياراتك والف مبروك عليك

[kliken]

ان شاء الله بسيطه و اخرها التيل الخلفى يكون اتاكل شويه مفيش حاجه اكتر ان شاء الله

[د.عماد صلاح]

مبروووووك وماتقلقش ..

[mhkorayem]

1000 مبروك عليك العربيه وربنا يباركلك فيها

[mohamedxsayed]

الف مبروك ومتقلقش انا شديت الهاند وانا ماشى على 120 عشان العربيه عامت منى جااامد بس ربنا سترها وطلعت دخان كتير جداااااااااااااا ومحصلش حاجه للتيل وربنا يديك خيرها ويكيفك شرها وحافظ على مواعيد صيانتها فى التوكيل

[jos]

الحمد لله استلمت صنى الجديدة 2014 أول فئة يوم 30/9 بس علشان دى اول عربية اشتريها ومش واخد على أجراءات الشراء والتراخيص ووجع الدماغ ده بصراحة دماغى وجعتنى المهم كنت فى المعرض النهارده باخلص ورق وخليت عامل هناك يركن العربية وبعدين نزلت وأخدت العربية وانا ماشى حاسس العربية سحبها مش هو وتقيلة شوية وانا للأمانة جديد فى السواقة الاوتوماتيك وصلت الجراج ونزلت من العربية لقيت العجل اللى ورا بيدخن وعرفت ان فرامل اليد كاااانت مشدودة وانا ماشى ياريت حد ياجماعة يفيدنى فى الموضوع ده مع العلم المسافة اللى مشيتها مش كبيرة يعنى من ش احمد عرابى المهندسين لغاية بعد مستشفى الشرطة بالعجوزة .. انا جربت الفرامل لقيتها تمام ومافيش اى صوت الحمد لله هل كده حصل
مشكلة فى التيل واللا بعد مابردت العربية تخلص المشكلة ؟؟ ياريت حد فاهم يرد عليا وشكرا للجميع

المفروض فيه صوت تنبيه لو ماشى وفرامل الايد مرفوعه

[Ahmed_selmy]

بسيطه ان شاء الله ومبروك على العربيه