تليين وفتيس النيو صني

[shady_mohamed]

السلام عليكم
دلوقت انا الحمد لله استلمت النيو صني من كام يوم وفيه شوية استفسارات كدا محتاج خبراء النيو صني فيها ..
العربيه دلوقت بقالها معايا 3 ايام .. عملت بيها في ال 3 ايام تقريبا 850 كيلو .. فهل دا كدا حمل علي العربيه في فترة التليين اللي شجعني اني امشي دا كله كلام الناس هنا ان كل ما فترة التليين بتقل كل ما يكون احسن .. مع العلم اني ملتزم بشروط التليين ومعدتش سرعة ال 100 غير مرتين ووصلت ل 110 و 120 في المرتين .
تاني حاجه المفتاح مش يطلع غير لما بيكون الفتيس ع ال p وساعات بانسي الموضوع دا فبعد ما اقفل الكونتاكت واجي اطلع المفتاح بضطر اني اجيب الفتيس علي p والعربيه مبطله لاني وقفت وهي ع ال N او D مثلا فهل دا فيه مشكله ؟
ومعلش طولت وياريت محدش يزهق مني عشان شكلي الفره اللي جايه دي هاسأل كتير

[mohamedbook]

ممكن تدوس علي زرار الشفت وتطلع المفتاح وهو علي المور
بس الافضل تخليها علي الباركين لما تركن

[Ahmed Amin]

متبطلش العربية تاني وأنت علي d عشان دا مش صح,
وأكيد أنت لما بتقفل بالعربية بتكون دايس فرامل,, فمتعاملهاش معاملة المانيوال بقي وحطها علي n عال أقل لو مش هتطحها علي p قبل ما تبطلها,

وعدد الكيومترات اللي أنت مشيته عادي ومفيش منه أي مشاكل,,
والعربيات الجديدة كلها بتيجي متلينة,, بس مفيش مانع أنك تمشي أول 1000 كيلو علي سرعة متوسطة متعديش ال 100 كيلو متر وعدد لفات الموتور ميعديش 3000 لفة في الدقيقة, علشان تحافظ علي عمر الموتور لفترة أطول.

[asyl84]

طيب اية الضرر فى انك تبطل العربية وهى على d وبعدين تبقى تجيبها على p يعنى مين الى بيضر فى الموضوع دة ولية بيضر اصلا؟

[hatahet]

بطل العربيه على ال n لان كدا انت بتكون فصلت تعشيق الفتيس لكن لما تبطل و انت على d بتكون التروس معشقه و دا بيشكل حمل ملوش لازمه و انت مبطل العربيه على الفتيس فيفضل انك تفصل على n و بعدين تجيب الفتيس على p و تخرج المفتاح
دا احسن طريقه تحافظ بيها على الجير بوكس

[drhay]

وانا بستلم عربيتى

السالز قالى :على فكرة العربية متلينه وامشى بيها براحتك وانت مشغل التكيف كمان !

والعربية عشان الامان مبيخرجش المفتاح الا لو على البارك جير

ولو عايز تسيها متموره بتفتح اللوك اللى جنب الفتيس وتنقلها على ال n

[shady_mohamed]

المشكله اني لسه ماتعودتش علي الاوتوماتيك وعملت الحركه دي تاني النهارده :) بس ان شاء الله اتعود عليه
بس هي الصيانه علي ض1000 ولا 2500 عشان وانا باستلم العربيه قالولي انها علي 2500 وانا كنت اعرف انها علي 1000 فأيه الصح

[asyl84]

1000 ياباشا ان شاء الله وهيتغير زيت وفلتر ب 300 جنية وهيربطو العفشة ويشوفوا كل السوائل الى فيها دة على كلامهم يعنى

[shady_mohamed]

1000 ياباشا ان شاء الله وهيتغير زيت وفلتر ب 300 جنية وهيربطو العفشة ويشوفوا كل السوائل الى فيها دة على كلامهم يعنى

الف شكر ع الرد بس هو استفسار تاني معلش .. انا لسه ما اتصلتش بيهم عشان افعل الضمان وهل ينفع اروح علي طول من غير ما افعل الضمان او حتي احجز ؟

[asyl84]

الف شكر ع الرد بس هو استفسار تاني معلش .. انا لسه ما اتصلتش بيهم عشان افعل الضمان وهل ينفع اروح علي طول من غير ما افعل الضمان او حتي احجز ؟

اعتقد انك لما هتتصل بيهم عشان تحجز هيعلولك الضمان وكمان هى مش محتاجة قصة التفعيل دى مكالمة لنيسان فى السريع يعنى ماتعملهاش مشكلة انا فعلتة قبل ما اتصل لحجز الصيانة بدقيقتين وادونى رقم كتبتة ومحدش طلبة منى على ما افتكر