استهلاك البنزين مع نيسان الشكل القديم

[Eng.Mohammed]

انا الحمد لله معايا دلوقتي نيسان الشكل القديم موديل 2014 بس العربيه فيها حاجه مضايقاني .. استهلاكها للبنزين عالي غير ما كنت متوقع الصراحه .. في حل للموضوع ده .. وايه سبب الاستهلاك العالي برغم انها 1600 سي سي بس ؟؟؟

[ethooo]

هو فعلا الموديل ده معروف بالاستهلاك الزائد عن المعدل الطبيعي يعني تعمل في الصفيحه من 180الي 200 ك وانتظر الرد من الخبراء

[Ahmed_Rahem]

راجع فهرس الموضوعات او اعمل بحث في القسم هتلاقى اسباب زيادة الاستهلاك وكل الى انت عايزة.
وباختصار الى بيزود الاستهلاك اسلوب القيادة، فية اعضاء بيعملوا 200 كيلو في الصفيحة ودة متوسط استهلاك 1600 سى سى وفية بيعمل اكتر.

ولك الشكر

[cupid]

راجع فهرس الموضوعات او اعمل بحث في القسم هتلاقى اسباب زيادة الاستهلاك وكل الى انت عايزة.
وباختصار الى بيزود الاستهلاك اسلوب القيادة، فية اعضاء بيعملوا 200 كيلو في الصفيحة ودة متوسط استهلاك 1600 سى سى وفية بيعمل اكتر.

ولك الشكر

بمعنى ايه اسلوب القياده هو اللى بيفرق
ممكن توضيح لوسمحت

[Ahmed_Rahem]

بمعنى ايه اسلوب القياده هو اللى بيفرق
ممكن توضيح لوسمحت

ابحث في ارشيف القسم فية مواضيع كتير ة في النقط الى انت بتسأل عليها
زى دول

http://www.nilemotors.net/Nile/335290-a.html

http://www.nilemotors.net/Nile/227761-180.html

وشوف استهلاك الناس التانية اية وطريقة السواقة - جوة البلد على الطريق السريع بدكييف او بدون حرق على الغيار ولالأ - هو دة الى بيفرق.
طريقة المعايرة سهلة فول لحد الزور واطلع على طريق طوالى 200 كيلو وارجع فول تانى واحسب استهلاكك.

ولك الشكر

[hossam eldeen]

فعلا فالمتوسط 200 كيلو فالصفيحه ,, وبتختلف علي حسب اسلوب واماكن السواقه , بتحرق جامد , مشغل التكييف ,, حمولة العربيه,,, سواقه داخل المدينه ولا طرق سريعه ,,كدا يعني ,

[wama00]

هههههههههههههههه
انا بقالى حوالى 3 اسابيع عمال احسبها وفعلا معدل غبى جدااااا الصفيحة بتعمل 110 كم بالعافية وساعات بتعمل 100
انا بقالى 3 اسابيع افول لحد الزور واعمل 100 كيلو وافول تانى من نفس المكان بس فى كل اللى فات ده سواقة داخل البلد والتكييف شغال وطبعا الطريق كالعادة واقف

انا جربتها على طريق سفر مرتين من كام شهر وعملت بيها 230 كم فى الصفيحة بالتكييف بس كان على طريق سفر والطريق مفتوح
بجد مش عارف ايه الحل هل جوا البلد بس الاستهلاك عالى علشان الزحمة ولا ايه؟؟؟

[Elwan117]

صدقوني نفسي أرد علي الموضوع ده وكل مواضيع المنتدي الخاصه بإستهلاك الصني للبنزين عشان انا شايف ان في حاجه مهمه اوي محدش واخد باله منها

[Batman372]

هههههههههههههههه
انا بقالى حوالى 3 اسابيع عمال احسبها وفعلا معدل غبى جدااااا الصفيحة بتعمل 110 كم بالعافية وساعات بتعمل 100
انا بقالى 3 اسابيع افول لحد الزور واعمل 100 كيلو وافول تانى من نفس المكان بس فى كل اللى فات ده سواقة داخل البلد والتكييف شغال وطبعا الطريق كالعادة واقف

انا جربتها على طريق سفر مرتين من كام شهر وعملت بيها 230 كم فى الصفيحة بالتكييف بس كان على طريق سفر والطريق مفتوح
بجد مش عارف ايه الحل هل جوا البلد بس الاستهلاك عالى علشان الزحمة ولا ايه؟؟؟

+++ 111
انا بقالى حوالى شهرين ملاحظ ان استهلاك البنزين غبى جدا !!!
بعد التفويله حتى اضاءه لمبه البنزين (35/40 لتر) بتعمل بالعافيه 240 كم !!! طبعا بتشغيل التكييف على طول و الزحمه الفظيعه ...
لكن للامانه انا بقالى اكتر من سنه ما روحتش التوكيل ... اخر صيانه زيت و فلتر كنت مسافر و مستعجل و عملتها فى محطه بنزين ...
اعتقد انها محتاجه ظبط على الجهاز او تغيير فلتر هواء ... الخ ..
تحياتى ...

[mem]

حضرتك بتقول العربيه موديل 2014 يعنى لسى فى فتره التليين
على شان كده فى استهلاك عالى شويه فى استهلاك البنزين
فحضرتك بعد صيانه ال 1000 هتتحسن شويه ولكن مش كتيير
لكن بعد صيانه ال 5000 هتتحسن تحسن ملحوظ فى كل حاجه
فى استجابه العربيه ونعومتها واستهلاكها هيتحسن بشكل كبير جدا
فحضرتك الاستهلاك ده على شان فتره التليين بس