ريموت n16 توقف عن العمل مرة واحدة

[asyl84]

سؤال صغير يا جماعة ..انا عربيتى صنى الشكل القديم 2014 عاملة 600كم الريموت النهاردة فجاءة كدة مشتغلش قفلت بية العربية ومرضيش يفتحها ..فتحتها بالمفتاح وعملت ريسيت للكمبيوتر عن طريق فتح الكونتاكت 5ثوانى وقفلة عملتها 5 مرات اتاكدت ان العربية كلها بتقفل وتفتح بالمفتاح يعنى السنتر شغال ...اعتقد كدة مش فاضل غير محاولة فك كابل البطارية وتركيبة تانى بس انا خايف يأثرعلى حاجة زى الكاسيت مثلا ويكون عايز كود او حاجة ودة مش معايا او يكون فى تاثير تانى فى اى حاجة تانية ودى دخلة عيد يعنى اشغل ريموت وهى كلها تقف لقدر الله تبقى مشكلة ..حد بقى عندة معلومة ازاى ممكن احل المشكلة من غير فك كابل البطارية والا استنى لما ابقى اعمل 1000 واخليهم يحلوها فى التوكيل وبسبب سفرى المتكرر دة مش هيكون قبل 3شهور على ما اعمل 1000 بيها

[Elwan117]

أفصل البطاريه عادي مفيش كود للكاسيت ولا حاجه هي الفكره ان كل حاجه حيتعملها ريست ماعدا عداد الكيلو متر الساسي حيفضل زي مهو، بس ليه مفكرتش انها ممكن تكون بطارية الريموت نفسه، جرب غيرها قبل الريست عشان تكون مطمن.
وعرفني الجديد

[asyl84]

أفصل البطاريه عادي مفيش كود للكاسيت ولا حاجه هي الفكره ان كل حاجه حيتعملها ريست ماعدا عداد الكيلو متر الساسي حيفضل زي مهو، بس ليه مفكرتش انها ممكن تكون بطارية الريموت نفسه، جرب غيرها قبل الريست عشان تكون مطمن.
وعرفني الجديد

بص هو انا عامل مفتاح كيت كنت جايبة فى اخر طلبية قبل العربية ما اجيبها ولما جبتها ركبت الريموت فى الكيت ودة من شهر 8 واشتغل معايا زى الفل ولما حصل والريموت وقف كدة اول حاجة فكرت فيها ان ممكن يكون فى حاجة اتحركت من مكانها جوة الكيت ففتحتة واتاكدت انة متركب تمام ومسكت حجر البطارية وعملت زى العيال الصغيرة حطيتوا على لسانى ولسعنى + ان العربية من شهرين بس معايا فمعتقدتش الحجر حصلوا حاجة دة بيقعد سنين ...والا انت رائيك اية نبتدى باية الاول فصل البطارية ثم الحجر ثم التوكيل والا شايف اية ...وشكرا على الاهتمام

[Elwan117]

العفو يا عزيزي ، انا شايف ان النيسان صني بث الريموت بتاعها اصلاً ضعيف ولو البطاريه مش في افضل حال لو وقفت جمب العربيه مش حيستقبل ولا حيرسل حاجه انافعلاً بعاني من قصر المسافه فالبث. فالافضل انك غير الحجر واذا لم يستقبل اعمل ريست ومتقلقش مفيش اي ضرر بس عرفني احتياطي العربيه عندك نازله بأني كاسيت عشان انا عربيتي موديل ٢٠١٠ وممكن يكونو غيروا الكينوود لحاجه تانيه بتحتاج كود.
ثانياً عند فصل البطاريه يفضل انك تشيل الكبل وانت مروح ووصلو تاني يوم بحيث انه فعلاً يتعملو ريست ولا تقلق انشاء الله.

[asyl84]

هو هو الكاسيت على ما اعتقد كينود من غير يو اس بى والكلام دة العادى خالص......انا كمان بعانى من قصر المسافة معاها بس خلى بالك ان قصر المسافة مالوش علاقة بقوة الحجر لكن علاقتة بالبورد الى جوة الريموت يعنى ...انا معنديش مشكلة انى اغير الحجر بس هيبقى فى مشكلة لو كل شهرين اجبلها حجر وانا اصلا مستخدمتش الريموت 20 مرة على بعض بالفتح والقفل لانى مش بقفلها فى الجراج وخروجى ضعيف جداااااااا..على العموم هجرب بكرة ونشوف الى هيحصل..خير ان شاء الله

[M I D O]

اعتقد ممكن حجاير الريموت خلصت

[asyl84]

ياباشا ملحقتش وكمان بقولك عملت زى العيال الصغيرة حطيت الحجر على لسانى ولقيتة شغال ..على العموم هنجرب كل حاجة ونشوف اية الى هيتم

[Mohammed Fadl]

الف مبروك العربيه يا باشا اولا .. ثانيا موضوع الريموت ده انا رأيي تستنى لحد صيانه الالف و تبقى تقولهم عليها في التوكيل و مشي نفسك اليومين دول بالمفتاح

موضوع قصر المسافه ده بصراحه غريب .. انا عندي موديل 2012 الشكل القديم بصراحه المسافه بتاعت الريموت كويسه جدا بالذات مفتاح القفل .. انا محسنتلوش المسافه بالظبط بس عمرها متقل عن 15 متر .. و شهرين مسافه قليله خالص عشان الحجاره تضعف .. فانا رأيي قولهم ع المشكله في التوكيل وهما يحلوهالك ان شاء الله :)

[saddam]

صديقي المواطن
قولا واحدا بطاريات ريموت وبالتوفيق ودي كانت أول حاجة لازم تشوفها وليس باقي الحاجات والصح تجيب كذا حجر وتحط إحتياطي زي مبعمل أنا
ودمتم للنضال

[asyl84]

ودمتم معانا فى النضال ...اصل قصة الحجر جت فى بالى فعلا بس مش انة خلص لكن انة اتحرك من مكانة لانى ملحقتش ..تانى حاجة هى الحركة بتاعة زمان الى هى تحط الحجر على لسانك يلسعك مش معناة انة شغال كانوا زمان بيقولوا كدة والا هو بيلسع رخامة والا اية ...على العموم جارى فصل البطارية الاول وبعدين تغير الحجر وبعدين اخر اختيار التوكيل...

[asyl84]

شكرا على المساعدات القيمه منكم ...فعلا انا فصلت سالب البطارية لمدة ساعتين وركبتة تانى والريموت اشتغل الحمد لله

[wardet]

انا عندى لما بيعمل كدا بشيل الفيوز بتاعه واحطه تانى بيشتغل