نصائح مهمة جدااا للتوفير فى البنزين

[yaya_tearoy]

[overline] ازاى تقدر تستغل كل نقطه بنزين معاك واستخدام مظبوط وتمشى انا هساعدكم بشويه نصايحصغيرة لو عملتوها توفروا بنزين وتحافظور على العربية

-عدم تسخين الموتور جيدا و مشيت بالعربية بتستهلك ضعف الاستهلاك العادي .. و ده كلام منطقي عشان تبخير الوقود مش كافي فبتضيف انت كمية وقود اكبر بدواسة البنزين

-خلى العجل دايما منفوخ بطريقة مظبوطة

متشلش احمال مالهاش لازمة فى العربية

-تجنب فترة التسخين الطويله

-لما تيجى تزود السرعة يبقى براحه ونعومة

-تجنب الدوران الخامل للعربية(ان الموتور يبقى داير وانت واقف فى اشارة مثلا)

-تجنب انك تزود السرعة وتنزلها بسرعة كتير

-تجنب الفرملة والتوقف غير الضرورى

-متسندش رجلك على دواسة الدبرياج او الفرامل

-حافظ على نظافة العربية من تحت من الطين وغيرة

اتأكد من ظبط زوايا عربيتك لانه مهم جدا

وبشويه النصايح دى هتحافظوا على العربية وتوفروا فى البنزين[/overline]

[M I D O]

نصائح ممتازة يا باشا جزاك الله كل خير

[ابوجنى2112]

[د.عماد صلاح]

شكرا ياباشا بس انت نسيت اهم نصيحه
ماتمشيش بالعربيه كتير

[saddam]

صديقي.المواطن
شكرا لمشاركة زملائك في المنتدى هذه النصائح القيمة وبالتوفيق
ودمتم للنضال

[ابوجنى2112]

اسمح لى اضيف حاجة كمان وهى مهمة جدا
مراعاة تنظيف فلتر الهواء للسيارة دائما اول بأول..
ودة هيوفر ينزين..ويديلك عزم فى السحب كمان.

[yaya_tearoy]

شكرا ياباشا بس انت نسيت اهم نصيحه
ماتمشيش بالعربيه كتير

هههههههههههه نركنها احسن وهيا حتبقى زى الفل :)

[yaya_tearoy]

اسمح لى اضيف حاجة كمان وهى مهمة جدا
مراعاة تنظيف فلتر الهواء للسيارة دائما اول بأول..
ودة هيوفر ينزين..ويديلك عزم فى السحب كمان.

ضيف براحتك يا هندسه انا اللى كتبته ده على حد معلوماتى واللى عرفته ....

وده ميمنعش ان فى حجات تانيه كتير عندك مثلا السرعه لو زادت عن 120 البوابه التانيه اللى ف الكربراتير

بتفتح وبالتالى تستهلك بنزين زياده وكل ما بتزود السرعه كل ما تستهلك اكتر واللله اعلم :)

[yaya_tearoy]

صديقي.المواطن
شكرا لمشاركة زملائك في المنتدى هذه النصائح القيمة وبالتوفيق
ودمتم للنضال

لا شكر على واجب يا هندسه دى بس حاجه كدا من مبتدأ :) انتم الخير والبركه فى هذا المنتدى

[J A G U A R]

شكرا على النصائح

[S O P H O S]

مشكوررر يا باشا