خنقة عند الغيار

[mika1]

لاحظت ان العربية بتتخنق لما اسوق في الاشارات يعنى لما اغير كتير في وقت قليل مع العلم انه بعد الثالث العربية زي الفل انا دلوقت عامل 8500 كيلو ورحت التوكيل قال العربية زي الفل على الجهاز وطلع الفني جربها وقال برضه زي الفل هى موديل 2008 طب الخنقة من ايه حد يدلني

[bmya]

عادي ياباشا انا عندي العربيه اتوماتيك و اول نقله فيها بتبقي نتشش تحس بالنقله اوي
وبرده قالي عادي

[mika1]

عفوا عن التاخير لكن علشان انا كنت مرتبط بميعاد شغل
المهم ان العربية ماكانتش كده من حوالي 4 اسابيع هل ممكن ان وساخة البنزين تعمل كدا مع العلم ان لمبة البنزين نورت معايا واضطريت امشى بيها كدا لمدة 15 كيلو لحد ما لاقيت بنزين 92

[sab3aawy]

هى اوتوماتيك؟

لو اوتوماتيك اول حاجة تعملها انك تتأكد من منسوب الزيت ،على ان تقيسة بالطريقة الصحيحة(على البارد بعد تدوير العربية فى الصباح مباشرة لمدة نص دقيقة وتمرير العصاية على جميع الغيارات ثم تركها على P ثم القياس، يجب ان يكون الزيت بين الشطفتين، ثم بعد قيادة السارة لمدة 5 دقائق، لا تقل ولا تزيد ، واعادة تمرير العصاية على جميع الغيارات ثم تركها على P ثم القياس، يجب ان يكون الزيت فى المنطقة المظللة) لو ناقص زوده، بشرط متزودش اكثر من 200 مللى لتر فى المرة الواحدة علشان ميزيدش منك اكتر من اللازم،استعمل زيوت درجة ديكسيرون I I I فقط، لا تستعمل ديكسيرون I I

لو منسوب الزيت سليم اقترح عليك تظبط ال Tps بتدويره مسافة بسيطة جدا فى عكس اتجاه عقارب الساعه(2 مللى متر مثلا)

[mika1]

الباشمهندس سبعاوي مشكور جدا على الرد واسف جدا لتاخري في المتابعة نظرا لظروف عملي ولكن احب اوضح ان العربية مانيوال واليومين دول ابتدت ترجع تقريبا زي الاول فهل ده يكون عيب بنزين

[sab3aawy]

حتمال كبير جدا يكون عيب بنزين، سيبها شوية وامتنع عن التموين من محطات الوطنية والتعاون ومصرؤ للبترول، وممكن تجرب تمون مرة بنزين 95، وتحط عليه منظف رشاشات ، لو العربية فاقت معاك يبقى عيب بنزين، لو مافاقتش يبقى ممكن برضه ال Tps محتاج يتظبط

لو شرفتنا يوم الفطار ممكن اشوفهالك