قشقاي مانيوال

[M7md86]

السلام عليكم و عيد سعيد ، كنت عايز اعرف لو حد عنده معلومة عن القشقاي المانيوال سعرها كام تحديدا و الاستلام فوري ولا حجز و في أوفر باريس ولا لا ؟

[mido_fathy]

اعتقد المانيوال مفهوش حجز واسأل برضو

[M7md86]

اعتقد المانيوال مفهوش حجز واسأل برضو

يعني ب ١٧٥ الف فوري من غير أوفر باريس و؟

[modysasazin]

على ما اعتقد انه مابقاش ينزل منها مانوال من موديل ٢٠١٢

[tatasamy]

بص يا محمد باشا...المانيوال مش موجوده كتير وبالحجز برضه بس مش كل الناس بتبيعها! عندك مثلا اوتو ايجيبت ماعندوش غبر الاوتوماتيك.

يالنسبة للسعر فهي مش مطلوبة اوي فهتلاقي السبع بيزود 3-5 الاف تسليم فوري لو عنده...وعلى فكره هي ب 180 الف مش 175 ده السعر الرسمي :)

بس فكر تجيبها مستعمل ماشية قليل هتلاقي سعرها حلو :) وربنا يوفقك ان شاء الله

[M7md86]

بص يا محمد باشا...المانيوال مش موجوده كتير وبالحجز برضه بس مش كل الناس بتبيعها! عندك مثلا اوتو ايجيبت ماعندوش غبر الاوتوماتيك.

يالنسبة للسعر فهي مش مطلوبة اوي فهتلاقي السبع بيزود 3-5 الاف تسليم فوري لو عنده...وعلى فكره هي ب 180 الف مش 175 ده السعر الرسمي :)

بس فكر تجيبها مستعمل ماشية قليل هتلاقي سعرها حلو :) وربنا يوفقك ان شاء الله

تسلم يا ريس عالرد و أنا هروح بكره بإذن الله السبع أشوفها و اسأل عال سعر

[tatasamy]

يا ريت تتابع معانا بالتفاصيل الجديدة لما تروح السبع!

[M7md86]

يا ريت تتابع معانا بالتفاصيل الجديدة لما تروح السبع!

دفعت و استلمت انهارده الحمد لله و هرخص بكره بأذن الله

[tatasamy]

ربنا يباركلك ويكفيك شرها ان شاء الله...قولنا جبتها من السبع؟ ادهالك 2013 ولا 2014؟ وعلى كام اوفر بريس ؟! وصحيح رخصت 3 سنين يكام؟

[M7md86]

تسلم يا باشا ، ٢٠١٤ اللي نزل اوتوماتيك بس ، المانيوال لسه عشان ٢٠١٣ مخلصش موجود منه كذا واحده ،
اول كلمة قالها ١٧٨ وقولتلوا مينفعش كده كتير و ٢٠١٤ خلاص نزل اوتو و الكلام ده
المهم اخدتها ب ١٧٣ فوري و صيانات مجانية بقيمة الف جنيه
اما الترخيص معرفش تحديدا كام لان انا كنت بجدد عربيتي الاولى في نفس اليوم ده غير ضريبة الرفاهية فمعرفش القشقاي لوحدها كام ، انا دفعت الاثنين مه بعض و اللي كان بيخلصلي التراخيص موظف هناك معرفه و مخدتش منه بيان تفصيلي بالمصاريف

[mahmoud bakr]

175 الف ياباشا استلام فوري من الاتحاد الوطني وده رقم واحد اسمه استاذ شعبان اللي انا كلمتة عشان الاوتوماتك اللي هستلمه كمان 5 شهور ان شاء الله 01002143256

[samman]

تسلم يا باشا ، ٢٠١٤ اللي نزل اوتوماتيك بس ، المانيوال لسه عشان ٢٠١٣ مخلصش موجود منه كذا واحده ،
اول كلمة قالها ١٧٨ وقولتلوا مينفعش كده كتير و ٢٠١٤ خلاص نزل اوتو و الكلام ده
المهم اخدتها ب ١٧٣ فوري و صيانات مجانية بقيمة الف جنيه
اما الترخيص معرفش تحديدا كام لان انا كنت بجدد عربيتي الاولى في نفس اليوم ده غير ضريبة الرفاهية فمعرفش القشقاي لوحدها كام ، انا دفعت الاثنين مه بعض و اللي كان بيخلصلي التراخيص موظف هناك معرفه و مخدتش منه بيان تفصيلي بالمصاريف

الف مبروك و ربنا يبارك فيها ان شاء الله ....
انا كنت بسال هو الفيتيس كام نقلة و ايية اخبار العزم بتاع المتور في التاني والتالت ... انا قصدي طلعتها بطيئة ؟
و في الغيار الاخير هل هو مريح للمتور ؟
و بالنسبة لنقل السرعات و الدبرياج هل هو سلس ام ناشف ؟

معلش تعبتك بالأسئلة ... اصل انا كنت بفكر في الداستر و القشقاي :)

[M7md86]

يا باشا الله يبارك فيك
الفتيس خمس نقلات ، العزم بتاع الثاني و الثالث كويسين ، احسن من اللانسر شارك ١٥٠٠ cc مانيوال الي كانت معايا قبلها
و طلعتها كويسة عشان مانيوال و مش حتحس انها ماشية لان ملهاش صوت خالص لازم تكون متابع ال rpm
الغيار الخامس لما العربية تكون ماشية على ١٠٠ km بيكون ال rpm على ٣ بالظبط معرفش كدا مريح ولا لأ
الفتيس شورت شيفت و الدبرياج ناعم جداً
اخيراً انا قبل ما اشتري بصيت عال داستر بس بصراحة معجبتنيش خالص و تقفيلها مش اد كده ، و ربنا يوفقك و تجيب احسن عربية في السوق

[samman]

الف شكر علي الرد ....
انا حذاكرهم شوية كمان قبل ما اقرر ... الفرق بينهم حوالي 25 الف فمحتاجة شوية تفكير ...

[rafeee2]

يا باشا الله يبارك فيك
الفتيس خمس نقلات ، العزم بتاع الثاني و الثالث كويسين ، احسن من اللانسر شارك ١٥٠٠ cc مانيوال الي كانت معايا قبلها
و طلعتها كويسة عشان مانيوال و مش حتحس انها ماشية لان ملهاش صوت خالص لازم تكون متابع ال rpm
الغيار الخامس لما العربية تكون ماشية على ١٠٠ km بيكون ال rpm على ٣ بالظبط معرفش كدا مريح ولا لأ
الفتيس شورت شيفت و الدبرياج ناعم جداً
اخيراً انا قبل ما اشتري بصيت عال داستر بس بصراحة معجبتنيش خالص و تقفيلها مش اد كده ، و ربنا يوفقك و تجيب احسن عربية في السوق

علي الغيار الخامس فعلاً الموتور بيبقي عالي شوية لو ماشي علي 100 مثلاً، بس في المقابل ممكن تتخطي عربية و تهدي و تزود و تعمل كل حاجة علي الخامس.
الموديل الجديد هيبقي مانيوال 6 نقلات.