صنى الشكل الجديد و تناقض الآراء الممل

[edodahab]

بصراحة انا متابع اراء الاعضاء و التعليقات و اكتشفت ان فيه تناقض رهيب و هجوم غير مبرر على السيارة حتى من قبل نزولها السوق الى الآن كما لو ان السيارة عملها يهود
الغريب ان كل ملاك السيارة مبسوطين منها جدا و مريحاهم و مشاكلها بسيطة او غير موجودة
و الاغرب ان كل من يهاجمون السيارة لا عمرهم اشتروها ولا ركبوها ولا ساقوها
انا عن نفسى عامل بالعربية ٥٠٠ كم بس ليا اتنين صحابى عاملين بيها ٥٠٠٠ و ١٠٠٠٠ و محدش اشتكى من اى حاجة غير رداءة التابلوه و الكاوتش الصينى بس
و الأغرب من كل دة الانتشار المذهل للسيارة
الهجوم شرس و غير مبرر و و بصراحة خليتوا الواحد موسوس و مستنى اى غلطة للعربية و بيتلككلها
احب اقول لأى حد بيفتى و متعصب لعربيته عمال يكرر الكلام من غير تجربة : اتقى الله
و احب اقول لأى حد بيفكر يشتريها توكل على الله لانها افضل اختيار فى فءتها
انا بقى قررت اكبر دماغى من الفتى و الكلام اللى ملوش لازمة دة و هستمتع بالعربية و ربنا يسترها و اتمنى من باقى الملاك انهم يعملوا كدة برده
و اى حد بيشكك فى العربية انزل الشارع و شوف انتشارها بنفسك
المصريين مبيرموش فلوسهم فى الأرض
شكرا و عذرا للإطالة

[M I D O]

بصراحة رغم الهجوم الشديد علي العربية وان كنت انا شخصيا برضو بهاجمها ومش بفضلها لاكن ليا صديق معاة العربية ومشتكاش من حاجة وعجباة جداااا

[AHMADALY1999]

من متابعتى للشكاوى العربية تعتبر ممتازة
كفاية انها اعلى عربية سيدان عن الارض

[د.عماد صلاح]

غالبا ..مع الانتشار الكبير و المستمر ...وحط خطوط كتيره تحت مستمر ...لان العربيه ممكن تنتشر و بعدين تتكشف فالمبيعات تقل بس النيسان الجديده منتشره و مستمره ...غالبا تبقي مشاكلها قليله و اعتماديه و اعاده بيعها سهل وبلا خسائر كبيره

[J A G U A R]

الناس كارهين حاجه اسمها صنى الشكل الجديد ههههههه

[edodahab]

بيضيعوا فرحة الناس بيها
ربنا يسامحهم

[Mohamed.Hany]

يا باشا استمتع وسيب اللي يقول يقول انت دافع دم قلبك عشان تتبسط مش عشان الناس تنكد عليك.
و في الاخر دي ازواق انا ممكن اشوف عربيتي احسن عربية و غيرى ممكن يكون مش طايقها .
تحياتي و مبروك

[grumby78]

بصراحة انا متابع اراء الاعضاء و التعليقات و اكتشفت ان فيه تناقض رهيب و هجوم غير مبرر على السيارة حتى من قبل نزولها السوق الى الآن كما لو ان السيارة عملها يهود
الغريب ان كل ملاك السيارة مبسوطين منها جدا و مريحاهم و مشاكلها بسيطة او غير موجودة
و الاغرب ان كل من يهاجمون السيارة لا عمرهم اشتروها ولا ركبوها ولا ساقوها
انا عن نفسى عامل بالعربية ٥٠٠ كم بس ليا اتنين صحابى عاملين بيها ٥٠٠٠ و ١٠٠٠٠ و محدش اشتكى من اى حاجة غير رداءة التابلوه و الكاوتش الصينى بس
و الأغرب من كل دة الانتشار المذهل للسيارة
الهجوم شرس و غير مبرر و و بصراحة خليتوا الواحد موسوس و مستنى اى غلطة للعربية و بيتلككلها
احب اقول لأى حد بيفتى و متعصب لعربيته عمال يكرر الكلام من غير تجربة : اتقى الله
و احب اقول لأى حد بيفكر يشتريها توكل على الله لانها افضل اختيار فى فءتها
انا بقى قررت اكبر دماغى من الفتى و الكلام اللى ملوش لازمة دة و هستمتع بالعربية و ربنا يسترها و اتمنى من باقى الملاك انهم يعملوا كدة برده
و اى حد بيشكك فى العربية انزل الشارع و شوف انتشارها بنفسك
المصريين مبيرموش فلوسهم فى الأرض
شكرا و عذرا للإطالة

ياسيدي الفاضل اشاركك كل كلمه قلتها .. الواحد جايب العربيه بقاله تقريبا سنه وكلها سفر الغردقه والقاهره كتير وشرم مره والعربيه زي الفل . اداء ممتاز وسلس . عمرها ماحكت في مطب مع 3 ركاب بالغين في الخلف . تكييف مبزودوش عن 2 . باور ناعم جدا . قياده مريحه وممتعه على الطرق السريعه . اضاءه طريق ممتازه . فرامل بدون مشاكل الحمد لله . وسع داخلي ممتاز وبيديك ثقه في عربيتك مع العلو عشان طرقنا الجميله . نظام صوتي نقي . سعر ممتاز مقارنة بالسوق وباقي الموديلات . السياره في الفئه الاقتصاديه دي صفقه رابحه جدا اما موضوع الشكل ده اذواق انا شخصيا بحب شكل العربيات الياباني المتحفظ الغريب شويه ده - صني الجديده - دايهاتسو ماتيريا - نيسان تيدا - نيسان بلوبيرد سيلفي وغيرهم ..

[grumby78]

حاجه اخيره انتشار العربيه الرهيب ده سببه تداول الناس لاراء ايجابيه عن العربيه يعني انا في مربعي السكني 5 صني جداد واتكلمت مع 2 من ملاكها في جراجي ومعجبين بيها جدا .. كمان ثقة الناس في اسم نيسان وتوكيلها حسن السمعه .. هنا تلاقي بعض الناس بتتكلم عن الصني وعمرها ماساقتها ولاتعرف حد راكبها عملا بمبداء ماسيبش التعليق فاضي .. دمت بصحه

[edodahab]

و الله انتوا جبتوا من الاخر
انا متقبل النقد من واحد شارى العربية و مجربها لكن كل اللى بيتكلموا بيفتوا و هما اخرهم شافوا العربية ماشية فى الشارع بس
نفوس مريضة و الله
تحياتى لكل ملاك الصنى المحترمين

[saddam]

صديقي المواطن
عملا بمبدأ ومقولة أن الدنيا لا ترجع للوراء فكتت دائما أشجع على الشكل الجديد وأي مشكلة ستظهر بها سيوجد لها الحل إن عاجلا أو آجلا والعربية ستنتشر يعني حتنتشر لقلة المنافسين وغلاء السيارات المنافسة وبالتوفيق وإلى اﻷمام ومن نصر إلى نصر
ودمتم للنضال

[medo-312]

صديقي المواطن
عملا بمبدأ ومقولة أن الدنيا لا ترجع للوراء فكتت دائما أشجع على الشكل الجديد وأي مشكلة ستظهر بها سيوجد لها الحل إن عاجلا أو آجلا والعربية ستنتشر يعني حتنتشر لقلة المنافسين وغلاء السيارات المنافسة وبالتوفيق وإلى اﻷمام ومن نصر إلى نصر
ودمتم للنضال

تصدق بالله .. انا دايما ادور على تعليقاتك دمك زى العسل وعندك خبرة ماشاء الله كبيرة
... كل سنة وانت طيب

[saddam]

تصدق بالله .. انا دايما ادور على تعليقاتك دمك زى العسل وعندك خبرة ماشاء الله كبيرة
... كل سنة وانت طيب

صديقي المواطن
أسعد الله أيامك وأعاده الله عليك بالخير واليمن والبركات وبالتوفيق ومن نصر إلى نصر وإلى اﻷمام
وتعليقك أخجلني ومشكورا عليه
ودمتم للنضال

[مهندس محمد]

اشكرك اخى الفاضل على الموضوع وعايز الفت نظرك لحاجة
لو لقيت واحد كاتب موضوع سىء عن الصنى الجديدة ادخل على صفحته وشوف مواضيعه
ههههههههههههههههههه
هاتلاقيها كلها بهدلة للصنى وشغل وسوسة وكلام تهويل كله
اى سيارة فى الدنيا فيها عيوب
حتى لو سالت الناس عن الالمانى يقولك بيسخن
ههههههههههههه
السيارة صفقة رابحة ومحترمة عالية وواسعة وفيها كماليات معقولة بالنسبة لسعرها
يمكن الكاوتش مش عالى الجودة وبيلم ظلط من الطريق وبيعمل صوت
يمكن التيل ردىء جدا وبيعمل بودرة سودة كتير زى التيل الرخيص
لكن طبعا بالنسبة لفئة السيارة وسعرها ومقارنة باى سيارة تانية فى سعرها
النيسان الصنى تكسب اكيد
ياريت نبطل وسوسة ونشهد شهادة حق هانتحاسب عليها قدام ربنا
وماننساش ان التوكيل الى حد ما محترم وبيغير الاجزاء التالفة ومش مقصر مع اى حد وده برده يحسب للسيارة
واخيرا ربنا يبارك لنا فى سياراتنا ويكفينا شرها
تحياتى للجميع

[drhay]

من كتر الوسوسة
والكلام السئ على العربية
كنت بمون فى البنزينه
والعربية عامله 500 كيلو
ولقيتها بتنقط من ورا وجوز اختى كان جنبى وقالى التنك مخروم!!
نزلت على ركبى وقعدت اشم فى السائل اللى بينزل منها
طلعت الميه اللى كان بيمسح بيها عامل البنزينه ازاز العربيه :)