أعزائى صقور النيسان أفيدونى أرجوكم

[مهندس محمد]

انا الحمد لله استلمت النيسان الجديدة 2014 اى اكس اوتوماتيك .. ماشى بيها 200 كم لغاية دلوقتى
السؤال الاول :: فى فترة التليين اطول مشوار عندى 15 كيلو مش بلحق الين كتير وبمشى فى البلد مشاوير صغيرة كتير هل ده يؤثر على فترة التليين؟؟
السؤال الثانى :: لما بمشى بالعربية كتير فى البلد وبتسخن بحس برعشة خفيفة بحس بيها وانا حاطط رجلى على الدواسات ومن مسكة الدريكسيون هى رعشة خفيفة وبتروح وتيجى هل ممكن تكون بسبب الحرارة وتشغيل مروحة التبريد ولا ايه ممكن يكون السبب ؟؟؟
تحياتى للجميع

[Silent~Dream]

اولا مبروك على العربيه و ربنا يكفيك شرها و يديلك خيرها فتره التليين يفضل تكون فى فتره قليله و مشاوير طويله اكثر من 200 كيلو المشوار غير كده التليين بيكوت خاطى والرعشه قولهم عليها فى التوكيل او صيانه تروحها

[احمد اشرف]

ممكن تقولي اسستلمتها من اين وهل هي سوبرامال اكس

[مهندس محمد]

اولا مبروك على العربيه و ربنا يكفيك شرها و يديلك خيرها فتره التليين يفضل تكون فى فتره قليله و مشاوير طويله اكثر من 200 كيلو المشوار غير كده التليين بيكوت خاطى والرعشه قولهم عليها فى التوكيل او صيانه تروحها

شكرا لردك والاهتمام
بس مش عارف يعنى ايه بيكون خاطىء
هل بيأثر على الموتور يعنى ولا تأثيره بيكون بسيط

[مهندس محمد]

ممكن تقولي اسستلمتها من اين وهل هي سوبرامال اكس

انا من بورسعيد جبتها من معرض عادى اسمه على مسعد مشهور عندنا بـ 114 الف وهى زى ما انا كاتب فى الموضوع اى اكس مش سوبر مالاقيتش سوبر وانا بشتريها يوم 5 / 10 / 2013 وقاللى السوبر هاتتاخر شوية مع انى كنت عايزها بس كنت مستعجل خدت الاى اكس
شكرا لتواجدك فى موضوعى

[Silent~Dream]

شكرا لردك والاهتمام
بس مش عارف يعنى ايه بيكون خاطىء
هل بيأثر على الموتور يعنى ولا تأثيره بيكون بسيط

يعنى خطأ يعنى التليين مش صح و اتاكد من كلامى هتلاقيه فى الكتالوج بيقولك يفضل كام مشوار تلين و تخلص اول 1000 كيلو و الاجراءات طبعا معروفه يفضل فى طريق سفر و مفيش قرص مفاجأ او وقوف مفاجأ و لا قطر اى حاجه و يفضل تبعد عن الكبارى و عدم الثبات على غيار واحد او السلانسيه كذا دقيقه و تحمل على الموتور بالتدريج بدون قرص و رجلك تكون معقوله على البنزين موش تقيله وبالتوفيق