خشونة قدام فى صنى 2011

[wardet]

عندى بحس بخشونة فى الدركسيون وانا ماشي بالعربية
بحس ان الصوت جاى من قدام ومسمع فى الدركسيون
وبيزيد كل ما ازود السرعة
انا كنت فاكرة ترصيص بس غيرت الكاوتش ورصصت الكاوتش الجديد ولسه نفس الخشونة دى موجودة
انا حاسس انه بلى عجل امامى
العربية عاملة 56000 كم

[wardet]

حاجة كمان
عندى صوت قدام برضه بس تخبيط بقى فى الطرق المكسرة
مش عارف بقى دى مقصات ولا بارات ولا علبة دركسيون ولا ايه؟؟؟

[SonaSteel]

بنسبة كبيرة الخشونة ديه بلي عجل
و اللي بتسمع في المدقات مش بتحسه في الدريكسون ده بنسبة كبيرة برده كاوتشات التراب اللي قدام عايزة تتغير

[wardet]

بكام البلى طيب؟؟
وهل هما بليتين ف كل جنب ولا بلية واحدة؟؟
انا عندى كاوتشة مقطوعة بس لما كانت سليمة كان برضه فى تخبيط

[أحمد جودة]

أكتر من احتمال ......... بلي عجل ...... الكبالن ...... اسكترا

[wardet]

أكتر من احتمال ......... بلي عجل ...... الكبالن ...... اسكترا

ممكن توضيح لكل واحدة؟؟

[أحمد جودة]

أكتر من احتمال ......... بلي عجل ...... الكبالن ...... اسكترا

أولا أتأكد من صرة العجل مربوطة باحكام لانها لو مهوية بتسمع صون أنه صوت بلية

أو تكون بلية عاوزة تتغير وعلشان تحكم اذا كانت اليمين أو الشمال ترفع الاول العربية بالكوريك العجلة اليمين وتدور العربية وتديها الغيار الرابع او الخامس ودوس بنزين هتلف العجلة المرفوعة وتسمع صوتها ....... وبعد كدة نزل العربية وارفع العجلة الشمال ونفس الموضوع واسمع صوتها .... دة لو إحتمال بلي العجل

أما بالنسبة لعلبة الدريكسيون تحس بتكسير الطريق فى الطارة وتحي بالمطبات فى الطارة والافضل من دة كله عفشجي كويس يكشف عليها لانها ممكن تكون كبالن لو بتسمع طقطقة مع الملفات أو بيض دريكسيون أو جلب مقصات أو حاجة تانية فى العفشة (((( الحل إبدأ بالسهل ولو موصلتش لحل روح لعفشجي كويس يحدد العيب بالظبط )))) تحياتي

[أحمد جودة]

على فكرة بعد قراءة الموضوع للمرة التانية لاحظت ان الصوت بيزيد كل ماتزيد السرعة ودة معناة على الارجح صرة العجل مفكوكة أو البلية مبوشة او فيها مشكلة

وللعلم حصلت عندي نفس المشكلة واكتشفت ان صرة العجل مهوية وهيا السبب فى الصوت

اربط الصرة باحكام واعتقد بلقمة 30 وبعدين شوف النتيجة

[wardet]

هو مفيش صوت
المشكلة كلها خشونة بحسها فى الدركسيون
مش رجة لانى كنت فاكرها ترصيص
خشونة وممكن فيه صوت بس ضعيف
المكان الوحيد اللى بحس فيه بالصوت طريق الواحات
لما يكون فيه مطب وماشي على 100 مثلاًَ واجى افرمل
فى اخر الفرملة والعربية بتهدى بسمع صوت زى فوووووووووووووو
دا حسب خبرتى بعربيتى اللى فاتت الشاهين كان بيبقى بليه ورا
لكن اللى محيرنى ان الصوت مش بيبان الا على الطريق دا
مع انى بمشي دائري ومحور وزراعى مش بيبان الا الخشونة بس

[ELBEH]

متابع باهتمام لانى عندى نفس المشكلة

[wardet]

الحمد لله تم تظبيط موضوع التخبيط والعفشة بقت مبتطلعش اى صوت

[wardet]

دلوقت موضوع الدركسيون
غيرت العجل اللى قدام باللى ورا
بدأت تظهر رجه فى الدركسيون
كدا ترصيص بقى ولا ايه؟؟

[ahmed salah90]

انا عندي نفس المشكله في نيسان 2011 على الطرق الخشنه ده علشان الكاويتش البريدج ستون ناشف شويه مع العفشه كمان ناشفه شويه جرب كده تمشي على طريق ناعم لو الصوت لسه موجود يبقى احتمال بلي عجل

[Badrawy]

الصوت طلع من ايه يا باشا ؟