صيانة 5000 لصنى الجديدة

[mzkader]

بالأمس قمت بعمل صيانة الــ 5000 و لكن العداد كان 7500 تقريبا فى أوتو إيجيبت الصيانة كانت عبارة عن تربيط عفشة و تشحيمها و تشيك على العربية. المهم أنا كان عندى شكوة من الفرامل بسبب طول مشوار البدال يعنى الدواسة واطية لكن التجميع كويس و السماعة الشمال بالامام مش شغالة و طلع العيب من وصلة الــ aux المهم بعد الصيانة ماخلصت المهندس قالى أن العيب من التنابير و التيل و هايتغيروا فى الضمان بس هما مش متواجدين حاليا و قالى المتابعة تكون بالتليفون و بدون أى تكلفة :) بصراحة توكيل محترم الناس شافت العيب و أعترفت بيه و خدت قرار التغير بدون أى نقاش مع العميل :)

[grumby78]

مبروك يافندم الصيانه وبالتوفيق

[J A G U A R]

مبروك يا باشا على الصيانه وربنا يباركلك فيها .

[mamdouhsh1973]

هى وصلة aux بتعمل اية وبتشتغل ازاى

[sherif1986]

باشا الصيانه تكلفتها كام بالظبط ؟ وبيعملوا ايه للعربيه ؟

[toty_305]

-ربنا معاك في حكاية التيل و الطنابير قطع استهلاكية المفروض تكون ذات جودة

[mzkader]

مبروك يافندم الصيانه وبالتوفيق

الله يبارك فى حضرتك و بالتوفيق للجميع

[mzkader]

مبروك يا باشا على الصيانه وربنا يباركلك فيها .

الله يبارك فيك و يحفظك

[mzkader]

هى وصلة aux بتعمل اية وبتشتغل ازاى

هى وصلة من طرفين (جاك) واحد بيركب فى الكاسيت و الثانى فى الموبيل أو أم بى ثرى أو أى بود و بيشتغل على سماعات العربية و ممكن تتكلم فى الموبيل و تسمع عن طريق سماعات العربية

[mzkader]

باشا الصيانه تكلفتها كام بالظبط ؟ وبيعملوا ايه للعربيه ؟

الصيانة اتكلفت 159 جنيه عبارة عن 100 مصنعية و 48 جنية ثمن اسبراى تشحيم العربية و فوم غسيل الموتور لو عايز تغسله و الباقى ضريبة و أنا دفعت 59 جنيه بس عشان كان معايا بون خصم بــ 100 جنيه من صيانة الــ 1000 كيلو.
و زى ما انا موضح الصيانة عبارة عن طربيط العغشة و شافوا شكوتى من الفرامل و وصلوا العربية على الجهاز عشان يشيكوا عليها و بعدين غسلوها بره و جوه و الموتور.

[mzkader]

-ربنا معاك في حكاية التيل و الطنابير قطع استهلاكية المفروض تكون ذات جودة

ربنا يخليك و عندك حق المفروض تكون الحاجات متوفرة بس المشكلة أن الشكوة موجودة فى كل الأنتاج القديم فالتغير حاليا لكل العربيات القديمة بالاضافة للأنتاج الحديث لذلك السحب عالى جدا و بيخلصوا على طول و لكن يحسب للتوكيل الاعتراف بالخطاء و محاولة تصحيحه تلقائيا لان الواحد بيسمع عن توكيلات سيئة لو رحتلهم عشان مشكلة تيل و تنابير هايدفعوك ثمن التغير :)

[mamdouhsh1973]

هى وصلة من طرفين (جاك) واحد بيركب فى الكاسيت و الثانى فى الموبيل أو أم بى ثرى أو أى بود و بيشتغل على سماعات العربية و ممكن تتكلم فى الموبيل و تسمع عن طريق سماعات العربية

شكرا على المعلومات المفيدة

[ramymoharram]

هوا حضرتك كنت في توكيل ايه....أوتو ايجيبت ولا مودرن ولا السبع

[mzkader]

شكرا على المعلومات المفيدة

العفو يا فندم

[mzkader]

هوا حضرتك كنت في توكيل ايه....أوتو ايجيبت ولا مودرن ولا السبع

أوتو إيجيبت