عداد الrpm بيعلى و يوطى أرجو الإفاده

[Mohamed Abosef]

صباح الخير يا رجالة النيسان
انا معايا نيسان صني ٢٠٠٩ اوتوماتيك و بقالي يومين ملاحظ ان ال rpm بيعلى و يوطى مع نفسه بدون مبرر و ساعات يعلى و يثبت على ال2 و ساعات على 2.5
مع العلم أني لسه من اسبوع بالظبط مغير بوجيهات و سيور
بس نسيت اغير فلتر الهواء و الميكانيكي قالي انه عايز يتغير و أنا نفضت و هو نضفه و طلع وساخه بالهبل و كانت حالته صعبه خالص
هو ممكن تكون البوابه عايزه تتنضف و لو كده مين اللي يعملها يعني كهربائي و لا ميكانيكي و بتتنضف بأيهم
آسف طولت عليكم بس بجد انا قلقان ومش عارف اعمل ايه

[john55]

خايف اقول ضفيره الكهرباء لان دا عيب في النيسان

[Ahmed Amin]

ممكن ضفيرة زي ما الزميل قال لأن الصني الشكل القديم كان فيه العيب دا,
وفلتر الهواء مالوش أي علاقة باللي بيحصل سواء كان نضيف أو وسخ,

بس سبب اللي عندك في الأغلب هوا حساس البوابة TPS
وحساس الأيدل idle control valve

هتكشف عليهم وهتنضف معاهم البوابة.

[mem]

حضرتك قبل كل النصائح اللى قلها لك الاعضاء
وهو تعمل ايديل ليرن لكمبيوتر العربيه
وده بيتعمل ( تفتح كونتك لغايت الوضع اون وبعدين تنتظر لمبه الارباج تطفى وبعدين تطفى المفتاح من غير ما تخلعه
وتنتظر لغايت ما تسمع صوت تكه وبعدين تكرر العمليه ده مرتيين وفى المره التالته تدور العربيه وان شاء الله
هتلاقى المشكله اتحلت ولو معرفتش تعملها شيل كابل البطاريه السالب ربع ساعه وبعدين ركبه تانى
وجرب وانا متابع معاك

[houseiny]

حضرتك غير فلتر الهواء ونضف البوابة ، الدنيا هتبقى تمام

[mody112]

البوابة وفلتر الهواء وايدل ليرن وان شاء الله كله هيتظبط

[Mohamed Abosef]

انا النهارده و عنا مروح عديت علي كهربائي محترم لسه بقوله الrpm لقيته بيقولي بيعلي و يوطي قولتله تمام
قالي حساس الايدل و بوابه الانجكشن عايزين يتنضفوا و فك و نضف لقينا عليهم كربون كتير جدا المهم نضف البوابه بقطعة قماش مبلله بالبنزين و مسح الحساس و غسله بالبنزين و ركب كل حاجة مكانها
وجاري التجربه و العرض

[mem]

منتظرين النتيجه

[Mohamed Abosef]

الحمد لله تم حل المشكلة و العربيه ارتاحت كتير عن الاول و رجعت لطبيعتها
و كمان غيرت فلتر الهواء
و اخيراً شكراً لكل اللي شارك بنصيحته

[john55]

الحمد لله تم حل المشكلة و العربيه ارتاحت كتير عن الاول و رجعت لطبيعتها
و كمان غيرت فلتر الهواء
و اخيراً شكراً لكل اللي شارك بنصيحته

الحمد لله ربنا يطمنك

[amr elgaish]

البوابة وفلتر الهواء وايدل ليرن وان شاء الله كله هيتظبط

الحقونى ياجدعان انا عندى نفس مشكلة الrpm nissan sunny 2007))غسلت البوابة وفلتر الهواء وايدل ليرن وال tps h اكتر من مرة ... ولا الهوا مش عارف اعمل ايه ؟؟؟ ؟؟؟؟؟؟؟؟؟؟؟؟

تفتكروا ده حله ايه .....افيدونا يا رجالة نيسان >>> احسن انا تعبت والله

[amr elgaish]

البوابة وفلتر الهواء وايدل ليرن وان شاء الله كله هيتظبط

الحقونى ياجدعان انا عندى نفس مشكلة الrpm nissan sunny 2007))غسلت البوابة وفلتر الهواء وايدل ليرن وال tps h اكتر من مرة ... ولا الهوا مش عارف اعمل ايه ؟؟؟ ؟؟؟؟؟؟؟؟؟؟؟؟

تفتكروا ده حله ايه .....افيدونا يا رجالة نيسان

[Ahmed Amin]

راجع الحاجات دي بالترتيب يا عمرو

ممكن ضفيرة زي ما الزميل قال لأن الصني الشكل القديم كان فيه العيب دا,
وفلتر الهواء مالوش أي علاقة باللي بيحصل سواء كان نضيف أو وسخ,

بس سبب اللي عندك في الأغلب هوا حساس البوابة tps
وحساس الأيدل idle control valve

هتكشف عليهم وهتنضف معاهم البوابة.

لو نضفت الحساسات والمشكلة لسه موجودة يبقي أنت محتاج تكشف علي الضفيرة في التوكيل,
ولو مكنش منها ممكن يكون حساس الأيدل باظ ومحتاج يتغير والتنضيف مش هيصلحه.

فأنت محتاج زيارة للتوكيل طالما التنضيف مجبش نتيجة معاك.

[moumen_hs]

الحقونى ياجدعان انا عندى نفس مشكلة الrpm nissan sunny 2007))غسلت البوابة وفلتر الهواء وايدل ليرن وال tps h اكتر من مرة ... ولا الهوا مش عارف اعمل ايه ؟؟؟ ؟؟؟؟؟؟؟؟؟؟؟؟

تفتكروا ده حله ايه .....افيدونا يا رجالة نيسان

سؤال هام جدا هل ركبت الtps مظبوط------- دية ليها عدلة فى التركيب ميكانيكية كتير متعرفش دة وحصلت معايا ولما ركبت مضبوط الدنيا زبطت بعد ماكونت هغير الايديال كونترول بأجماع من 3 ميكانيكية وهى بتركب بلفة شوية مش عدل علشان تعمل سوستة للبوابة

[amr elgaish]

راجع الحاجات دي بالترتيب يا عمرو


لو نضفت الحساسات والمشكلة لسه موجودة يبقي أنت محتاج تكشف علي الضفيرة في التوكيل,
ولو مكنش منها ممكن يكون حساس الأيدل باظ ومحتاج يتغير والتنضيف مش هيصلحه.

فأنت محتاج زيارة للتوكيل طالما التنضيف مجبش نتيجة معاك.

1000 شكر على سرعة الرد. ان شاء الله اروح التوكيل واشوف موضوع الضفيرة يا استاذ احمد ....بس الجديد واللى رعبنى النهارده انى وانا جاى من على الدائرى الار بى ام وصل ل6 والعربية غلى سرعة 80 ومش بتنقل وبعدين نقلت لوجدها وصوت المكنة عالى جدا ممكن ده يكون من الفتيس؟ باااااااظ؟؟؟؟؟: