Bluetooth kit

[wasfy]

كنت عايز اركب Bluetooth kit فى عربيتى التيدا 2009 بحيث اقدر أجرى مكالمات بالتليفون عن طريق سماعات العربية وهل يمكن تطبيق ده مع الCD اللى نازل مع العربية ولا محتاج اغيره وشكرا

[medo-312]

موجودة عند راديو شاك ودى أحسن نوع :

Jabra FREEWAY Bluetooth Speakerphone (Black, Retail Packaging) - YouTube

[ezzdabo]

انا اشتريته من راديو شاك من 10 شهور كان عامل 800 ج و بصراحه ممتاز

[wasfy]

لما اشتريه من راديو شاك مثلا مين أحسن حد يركبه

[alking2011]

غالي جدااااا

[wasfy]

مين أحسن حد يركبه وهاحتاج أشيل الcd بتاعى

[Mohamed_Elwan]

هات سى دى فيه الميزة دى ...انا كنت جايب البييونير من سنة ب 1100 و ممتاز كصوت و استجابة و تشغل اغانى من الموبايل ...لكن خلى بالك و اتأكد انه ممك يتحدث عشان انواع الموبيلات الجديدة مش شغالة عندى

[ezzdabo]

مش محتاج حد يركبة انت ممكن تعلقه بالشماسة بمنتهى السهولة و تشغلة بدون كاسيت العربيه او على الكاسيت و ميزته الاوامر الصوتية يعنى وانت سايق مجرد انك تعطيه امر بالرد يفتح معاك المكالمه وده احسن حاجة نزلت لحد دلوقتى

[wasfy]

انا متشكر لكل الأخوة المحترمين اللى ردوا عليا ، انشاء الله النهاردة هاروح راديو شاك اجيبه

[edodahab]

رحت النهاردة راديوشاك لقيت جهاز ماركة جابرا ب ٣٧٥ جنيه بس

[medo-312]

رحت النهاردة راديوشاك لقيت جهاز ماركة جابرا ب ٣٧٥ جنيه بس

موجود كذا موديل من 375 جنيه وانت طالع

[Ahmed_selmy]

بس هو بيتوصل ازاى بالكاسيت , وهل ليه توصيل فى الضفيرة او حاجه ولا ازاى بيوصله بور؟

[wasfy]

متهيالى الجهاز اللى ب٣٧٥ ده بيستقبل بس لكن ما تقدرش تعمل منه مكالمة

[hossam_elwani]

متابع

[edodahab]

الجهاز شبه السماعة بيتعلق على الشماعة من غير لعب فى الضفيرة و بتعرف الموبايل عليه و لما يجيلك مكالمة الصوت بيطلع من سماعات العربية
معتقدش انك ممكن تتكلم منه